Yevlaxda tikilən yeni yaşayış binası

Əlli yeddi il öncə tikilən taxta evlərlə vidalaşıb 9 mərtəbəli mənzillərə köçdülər

639
(Yenilənib 14:53 18.03.2021)
Yevlax şəhəri Heydər Əliyev prospekti 11 ünvanında inşa edilən 9 mərtəbəli binada, 42 ailə yerləşdiriləcək.

Rahim Məmmədov, Sputnik Azərbaycan

BAKI, 18 mart — Sputnik. Yevlaxın İpək yolu üzərində yerləşməsi bu rayona hələ qədimdən tacirlərin, səyyahların yolunu salıb. Rayonda üzümçülük, pambıqçılıq, heyvandarlıq yaxşı inkişaf edib. Müasir dövrdə isə burada yollar təmir edilir, yeni məhəllələr, parklar salınır, hündürmərtəbəli binalar inşa edilir. Bir sözlə insanların rahat yaşaması üçün addımlar atılır.

Yevlaxın Nizami prospekti 19 saylı ünvanında, 1964-cü ildə tikilən qəzalı vəziyyətdə olan "barak" evlər də artıq tarixin yaddaşına qovuşur. Burada yaşayan sakinlər şəhərin Heydər Əliyev prospekti 11 ünvanında inşa edilən yeni 9 mərtəbəli yaşayış binasına köçürülür. Ölkə başçısının müvafiq sərəncamı ilə Prezidentin Ehtiyat Fondundan ayrılan vəsait hesabına inşa edilən hündürmərtəbəli binada, həmin şəraitsiz evlərdə yaşayan 42 ailə yerləşdiriləcək. Yeni binanın sakini olan Sara Quliyeva Sputnik Azərbaycan-la söhbətində Novruz bayramı ərəfəsində çox sevincli olduğunu, yeni mənzilin sanki xarici ölkədə inşa edilmiş kimi, şəraitli, müasir dizaynlı olduğunu deyib:

  • Yevlaxın Nizami prospektində "barak" evlər
    © Sputnik / Rahim Mammadov
  • Yevlaxın Nizami prospektində "barak" evlər
    © Sputnik / Rahim Mammadov
  • Yevlaxın Nizami prospektində "barak" evlər
    © Sputnik / Rahim Mammadov
1 / 3
© Sputnik / Rahim Mammadov
Yevlaxın Nizami prospektində "barak" evlər

“Uzun illər Nizami prospekti 19 saylı ünvanda, barak evlərdə çətin şəraitdə yaşadıq. Hər il qış gələndə yağışdan, küləkdən qorxurduq ki, taxtadan olan evimizi uçuracaq. Yayda ilanlar, qışda da həşəratlarla mübarizə aparırdıq. Körpə uşaqlarımızdan çox narahat olurduq. Mövcud şəraitlə bağlı ölkə başçısı İlham Əliyevə müraciət etdik, çox saq olsun ölkə rəhbərimiz sərəncam imzaladı. Bizə gözəl, müasir hündürmərtəbəli bina tikildi. Ailəmizə 3 otaqlı ev verilib, hər şəraiti var içində. Yeni mənzilə daxil olanda elə bilirəm xarici ölkələrdən birində yaşıyırıq”.

9 mərtəbəli binada sakinlərə verilən mənzillər 1, 2, 3 otaqlı olmaqla yanaşı, tam təmirlidir. Binada yaşayanların elektrik enerjisi ilə dayanıqlı təminatı üçün həyətdə 2 ədəd 630 kv-luq transformator yarımstansiyası və 1 ədəd generator da quraşdırılıb. Həmçinin onlardan ötrü 216 kubmetrlik içməlu su anbarı tikilib.

639
Təcili yardım avtomobili

Bakıda binanın damında gənc qızın meyiti tapıldı

7
(Yenilənib 10:27 21.04.2021)
Müraciətlə əlaqədar FHN-in Xüsusi Riskli Xilasetmə Xidmətinin müvafiq xilasetmə qüvvələri göstərilən ünvana cəlb olunub.

BAKI, 21 aprel — Sputnik. Bakıda binanın damında 25 yaşlı qızın meyiti tapılıb. Sputnik Azərbaycan Fövqaladə Hallar Nazirliyinin saytına istinadən xəbər verir ki, Fövqəladə Hallar Nazirliyinin "112" qaynar telefon xəttinə Bakı şəhərinin Nəsimi rayonunda binanın damında aşkarlanmış 1 nəfərin meyitinin götürülməsinə köməklik göstərilməsi üçün müraciət daxil olub.

Müraciətlə əlaqədar FHN-in Xüsusi Riskli Xilasetmə Xidmətinin müvafiq xilasetmə qüvvələri göstərilən ünvana cəlb olunub. Görülən tədbirlər nəticəsində 1996-cı il təvəllüdlü Hüseynova Ceyla Elxan qızının meyiti beşmərtəbəli yaşayış binasının damından götürülüb və aidiyyəti üzrə təhvil verilib.

7
Rövşən Binnətli

İdman şərhçisi: “Kim sənə səlahiyyət verib ki, belə bir bəyanat verirsən?!”

64
(Yenilənib 00:51 21.04.2021)
İdman şərhçisi Rövşən Binnətli deyir ki, bu gün dünyaca tanınmış klublar sabahkı aqibətlərini dərketmə gücünü özlərində tapacaqlar
Rövşən Binnətli: “Superliqa futbola qarşı edilmiş böyük bir düşmənçilikdir”

UEFA ilə klublar arasında Avropa Superliqasının yaradılması qalmaqalı davam edir. Qitə futbol qurumu Superliqaya qatılacaq klubları sanksiyalarla hədələsə də, klublar istəyindən əl çəkmək niyyətində deyil.

İdman şərhçisi Rövşən Binnətli Sputnik Azərbaycan-a deyir ki, bu gün Superliqaya qatılmağa razılıq vermiş komandalar tək Avropa qitəsində deyil, həm də dünyanın top komandaları siyahısındadır: “Bu turnirdə iştirak edən klublardan hansılarsa autsayder olacaq. Bu, azarkeşlərin narazılığına gətirib çıxaracaq və sonda klub üçün itkilərlə nəticələnəcək. Ona görə də belə bir liqanın təşkilini futbola xidmət kimi qəbul etmirəm. Düşünürəm ki, bu, futbolda dağıdıcı missiyadır. Bu turnir özlüyündə hər hansı motivasiyaedici xüsusiyyət daşımır və hansısa mərkəzə gedib bağlanmır. Florentino Peres deyir ki, liqada çıxış edən futbolçuların dünya və Avropa çempionatlarında iştiraklarına əngəl olmayacaq. Axı kim sənə bu səlahiyyəti verib ki, belə bir bəyanat verirsən?! Əgər UEFA qərar versə, həmin futbolçular necə iştirak edə bilərlər axı?! Mən düşünürəm ki, bu məsələnin sonunda sağlam düşüncə qalib gələcək. İnanıram ki, bu gün dünyaca tanınmış klublar sabahkı aqibətlərini dərketmə gücünü özlərində tapacaqlar. Mənə görə, bu, futbola qarşı edilmiş böyük bir düşmənçilikdir”.

Rövşən Binnətlinin geniş şərhinə audiofaylda qulaq asa bilərsiniz

64
Teqlər:
klublar, UEFA, futbol
Televizor pultu

Zaurun verilişinin yayımı dayandırıldı - Dörd min cərimə iddiası qaldırıldı

0
(Yenilənib 11:14 21.04.2021)
3000 manatdan - 4000 manatadək cərimə olunması ilə bağlı Milli Televiziya və Radio Şurası tərəfindən inzibati xəta haqqında protokol tərtib olunub və müvafiq rayon məhkəməsinə göndərilib.

BAKI, 21 aprel — Sputnik. Milli Televiziya və Radio Şurasının (MTRŞ) iclası keçirilib. İclasda 20 aprel 2021-ci il tarixdə "ATV" televiziya kanalında yayımlanan "Bizimləsən" proqramına dəvət olunan vətəndaş tərəfindən efirdə səsləndirilən faktlar üzrə məsələyə baxılıb.

Sputnik Azərbaycan MTRŞ-a istinadən xəbər verir ki, Milli Televiziya və Radio Şurası "ATV" televiziya kanalı yetkinlik yaşına çatmayanların fiziki, əqli və mənəvi inkişafına ziyan vura bilən proqramların onların baxa biləcəyi vaxtda göstərilməsinə görə "İnzibati icraat haqqında" Azərbaycan Respublikasının 21 oktyabr 2005-ci il tarixli, 1036-IIQ saylı Qanununun 53-56-cı maddələrini, "Televiziya və radio yayımı haqqında" Azərbaycan Respublikasının 2002-ci il 25 iyun tarixli 345-IIQ saylı Qanununun 11.5.3-cü, 33-cü, və 40.2.2-2-ci maddələrini, Azərbaycan Respublikası Prezidentinin 2002-ci il 05 oktyabr tarixli 795 saylı Fərmanı ilə təsdiq edilmiş "Milli Televiziya və Radio Şurası haqqında Əsasnamə"nin 8.11-1-ci bəndini rəhbər tutaraq "ATV" televiziya kanalının efirində 21 aprel 2021-ci il tarixdə "Bizimləsən" proqramının yayımının dayandırılması, "ATV" televiziya kanalı tərəfindən, ona tətbiq edilmiş məsuliyyət tədbirinin məzmunu barədə məlumatı yayımın dayandırılması müddəti ərzində özünün efirində yayımlanmasının təmin olunması haqqında qərar qəbul edib.

Həmçinin, "ATV" televiziya kanalının İnzibati Xətalar Məcəlləsinin 388-2.0.2-ci maddəsinə əsasən 3000 manatdan - 4000 manatadək (üç min manatdan dörd min manatadək) cərimə olunması ilə bağlı Milli Televiziya və Radio Şurası tərəfindən inzibati xəta haqqında protokol tərtib olunmuş və müvafiq rayon məhkəməsinə göndərilib.

0