CƏMİYYƏT
Cəmiyyətin həyatında baş verən aktual hadisələr

Nazirlik Bakıda keçiddə gecələyən qadınla bağlı məlumat yaydı

© Sputnik / Konstantin Chalabov / Mediabanka keçidПодземный переход в Баку, фото из архива
Подземный переход в Баку, фото из архива - Sputnik Azərbaycan, 1920, 15.03.2021
Abunə olmaq
Müalicədən sonra qadının vəziyyəti dəyərləndirilərək özünün razılığı olarsa, Agentliyin aidiyyatı müəssisəsinə yerləşməsi təmin olunacaq.

BAKI, 15 mart — Sputnik. Əmək və Əhalinin Sosial Müdafiəsi Nazirliyi tabeliyində Sosial Xidmətlər Agentliyi Dənizkənarı Milli Parkda - Qız Qalası yaxınlığında gecələyən qadınla bağlı açıqlama verib. Sputnik Azərbaycan-ın məlumatına görə, Agentliyinin İctimaiyyətlə əlaqələr şöbəsinin müdiri Murad Həşimov deyib ki, sosial şəbəkələrdə Dənizkənarı Milli Park, Qız Qalası yaxınlığında bir qadının küçədə, keçiddə gecələməli olduğu, çətin həyat şəraiti ilə üzləşdiyi qeyd olunurdu:

"Məlumatı əldə etdiyimiz andan etibarən Sosial Xidmətlər Agentliyinin nümayəndələri qadının qaldığı əraziyə yollandılar. Təəssüf ki, ilkin cəhddə onu paylaşımlarda qeyd edilən yerdə tapmaq mümkün olmadı. Ardından Daxili İşlər Nazirliyi əməkdaşlarının səyi nəticəsində qadın tapıldı. Sosial Xidmətlər Agentliyi əməkdaşlarının da iştirakı ilə aidiyyatı səhiyyə qurumuna müraciət edilməklə lazımi müalicə müəssisəsinə göndərildi.

Müalicədən sonra qadının vəziyyəti dəyərləndirilərək özünün razılığı olarsa Agentliyin aidiyyatı müəssisəsinə yerləşməsi təmin olunacaq. Proses barədə narahat olan və xəbər verən hər kəsə təşəkkür edirik! Məsələyə operativ müdaxilə edən DİN əməkdaşlarına minnətdarlığımızı bildiririk!".

Xəbər lenti
0