Sapunkov Oleq döyüş yoldaşları ilə

İvanovkalı rus gənc: "Ermənilər qarşımızda tab gətirə bilmirdilər" - FOTO

2466
(Yenilənib 00:17 15.03.2021)
Oleq Sapunkov: "Döyüş yoldaşlarımla münasibətim çox yaxşı idi. Onlar mənim rus olduğumu biləndə təəccüblənmişdilər".

Rəşad Kərəmoğlu, Sputnik Azərbaycan

BAKI, 15 mart — Sputnik. Vətən müharibəsinin qəhrəmanları arasında İsmayıllı rayon İvanovka kənd sakinləri də var. Bu gün onlardan biri, 24 yaşlı Sapunkov Oleq İvanoviçlə həmsöhbət olduq. Müharibədən əvvəl İvanovkada kolxozda işləyən Oleq oktyabrın 5-də valideynləri ilə vidalaşıb, Vətənin müdafiəsi üçün cəbhəyə yola düşüb. İlk günlərdən Cəbrayıl və Qubadlı uğrunda döyüş əməliyyatlarına qatılıb.

"Müharibə başlayanda mən də hər kəs kimi döyüşə yollandım. Hansı millətdən olduğumun fərqi yox idi, çünki Vətən çağırırdı, getməli idik. Hərbi komissarlıqdan Ağcabədi istiqamətində yola salındıq. İlk beş günü orada olduq, mənimlə birlikdə iki mindən çox yoldaşım var idi. Ayın 10-u Cəbrayıl uğrunda döyüşlərə qoşulmaq üçün irəliyə getdik. Burada döyüş çətin keçdi, çox yaxın qardaşlarımızı itirdik", - Oleq Sputnik Azərbaycan-a danışır.

© Sputnik / Rashad Keremoglu
Sapunkov Oleq

Çətin döyüş müddətində xalqımızın əsgərlərə dəstəyini əsirgəmədiyini söyləyən Oleq Cəbrayılı azad etdikdən sonra Qubadlı istiqamətindəki döyüşlərə qatıldığını deyir:

"Burada da bayrağımızı sancdıq. Müharibənin ən gözəl və qürurverici hissi də bu idi - azad olunan torpaqlarda bayrağımızı yüksəltmək.

Qubadlıdan sonra döyüş hündürlük, dağlıq ərazidə davam edirdi, ermənilərlə daha yaxın idik. Atəş səslərini yaxından eşidirdik, daha çox snayperlə atırdılar. Bizim isə pulemyotçu və minamyotçular atəş açırdılar. Ermənilər bizim koordinatı bildilər və az qalsın, bizi vuracaqdılar. Komandir daha da yaxınlaşmağımız üçün əmr verdi. Bu ərazi dağlıq olduğu üçün yol təpə və dərələrdən ibarət idi. Üstümüzdəki təpədə ermənilərin səngəri vardı. Hündürdən atəş açdıqları üçün atdıqları güllələr sanki yağış kimi üstümüzə yağırdı. Vəziyyət o qədər ağır idi ki, yanımdakı döyüş yoldaşım buradan sağ çıxa bilməyəcəyimizi deyirdi.

© Sputnik / Rashad Keremoglu
Sapunkov Oleq

Ermənilərin səngərinə bir-bir maşınlar gəlirdi, hər birinin də içi adamla dolu idi. Biz cəmi 75 nəfər idik, onlar tərəfdə isə ən az 500 nəfər olardı. Qərargah rəisindən rabitəmizə əmr gəldi ki, dağın arxasıyla gedək. Biz dağın arxasına keçdik, hələ də onlar tərəfə maşınlar gəlirdi, amma içi boş idi. Biz kolon şəklində oturmuşduq, hər kəs birdən qalxıb eyni anda 10-15 atəş açırdı. Onlar da elə bilirdilər, bizim sayımız çoxdur".

"Döyüş yoldaşlarımla da münasibətim çox yaxşı idi. Onlar bilirdilər mən rusam, hətta təəccüblənmişdilər mənim də döyüşdə olmağıma. Çünki bizim hərbi hissədə tək rus mən idim. Ancaq mənim üçün fərqi yox idi haralı olduğum. İnsanları millətə görə ayırmaq düzgün deyil, həm pis, həm də yaxşı insan var. Üstəlik, mənim azərbaycanlı dostlarım çox idi, nəinki ruslar. Mənə bəziləri deyirdilər ki, "Niyə buradasan? Niyə gedib Rusiyada xidmət etmirsən?"
  • Sapunkov Oleq
    © Sputnik / Rashad Keremoglu
  • Sapunkov Oleq
    © Sputnik / Rashad Keremoglu
  • Sapunkov Oleq
    © Sputnik / Rashad Keremoglu
1 / 3
© Sputnik / Rashad Keremoglu
Sapunkov Oleq

Cavab olaraq deyirdim ki, mən əslən rus olsam da, Azərbaycan vətəndaşıyam, burada doğulmuşam, burada yaşayıram, burada xidmətdə olmuşam, burada da döyüşürəm. Mən bu Vətəni sevirəm. Cəbrayıl və Qubadlı uğrunda döyüşlərdə iştirak etmişəm. Ermənilər Azərbaycan əsgərinin şücaəti və igidliyi qarşısında tab gətirə bilmirdilər. Ona görə də silah-sursatı, texnikanı atıb qaçırdılar. Sonda biz qalib gəldik, düşmənə yerini göstərdik. Bu sevinci yaşadığımız üçün özümüzü xoşbəxt sanırıq", - deyə Oleq bildirir.

Xatırladaq ki, müharibə dövründə İvanovkadan 17 nəfər səfərbərlik xətti ilə ordu sıralarına qatılıb. Eyni zamanda, İvanovka kəndinin sakinləri arxa cəbhədə də orduya dəstək aksiyaları keçirib, ön cəbhəyə yardım göndərilməsində könüllü iştirak ediblər. Qeyd edək ki, Vətən müharibəsində İvanovka kəndindən bir nəfər - 28 yaşlı Etibar Şirinov şəhidlik zirvəsinə ucalıb.

2466
Teqlər:
gənc, rus, xatirə, Azərbaycan, döyüş, Qarabağ, qazi, İvanovka
Mövzu:
Müharibə adamları
Daxili İşlər Nazirliyinin binası

DİN rəsmisi 16 yaşlı qızla bağlı yayılan məlumatlara aydınlıq gətirdi

5
"Polisin vətəndaşın evinə kamera quraşdırılması ilə bağlı iddiallar cəfəngiyyatdır" - Elşad Hacıyev

Nigar İsgəndərova, Sputnik Azərbaycan

BAKI, 12 aprel — Sputnik. "Neftçala rayon Mürsəqulu kəndində 16 yaşlı, əqli zəifliyi olan qızla bağlı sosial şəbəkələrdə yayılan iddialardan məlumatlıyıq". 

Sputnik Azərbaycan xəbər verir ki, Daxili İşlər Nazirliyi Mətbuat Xidmətinin Kütləvi İnformasiya və İctimaiyətlə Əlaqələr Şöbəsinin rəisi, polis mayoru Elşad Hacıyev mətbuatın sorğusuna cavabında bildirib ki, bu barədə ötən həftənin əvvəlində Neftçala Rayon Polis Şöbəsinə daxil olan məlumat üzrə dərhal araşdırmalar başlayıb, ekspertiza təyin edilib.

Ekspertizanın nəticəsindən asılı olaraq, qanunvericiliyə uyğun müvafiq tədbirlərin görülüməsi təmin ediləcək. Həmin şəxslə bağlı rayon hüquq-mühafizə orqanları və icra hakimiyyəti tərəfindən bütün zəruri tədbirlər davam etdirilir.

Polisin vətəndaşın evinə kamera quraşdırılması ilə bağlı iddiallar isə cəfəngiyyatdır, həqiqəti əks etdirmir. Hər bir vətəndaşın həyat və sağlamlığı, hüquqları bizim üçün önəmlidir. Bu müzakirə olunmayan gerçəklikdir.

5

Azərbaycanda daha 1151 nəfər COVID-19-a yoluxub

5
Azərbaycanda indiyədək ümumilikdə 287144 nəfər koronavirus infeksiyasına yoluxub. Onlardan 251760 nəfər müalicə olunaraq sağalıb

BAKI, 12 aprel - Sputnik. Azərbaycan Respublikasında koronavirus (COVID-19) infeksiyasına 1151 yeni yoluxma faktı qeydə alınıb, 1052 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 29 nəfər vəfat edib.

Azərbaycanda indiyədək ümumilikdə 287144 nəfər koronavirus infeksiyasına yoluxub. Onlardan 251760 nəfər müalicə olunaraq sağalıb, 3944 nəfər vəfat edib, aktiv xəstə sayı 31440 nəfərdir.

Ölkədə son sutka ərzində 7687, hazırkı dövrədək isə 3026132 test aparılıb.

5
Prezident İlham Əliyev Bakıda Hərbi Qənimətlər Parkının açılışında iştirak edib

İlham Əliyev Şuşanın "İskəndər-M"lə atəşə tutulması barədə: "Biz cavab istəyirik" - VİDEO

0
Bizdə kifayət qədər məlumat var. Sadəcə olaraq biz rəsmi açıqlama gözləyirik. Hər kəs gəlib bunu görəcək.

BAKI, 12 aprel — Sputnik. "Şuşanı bax bu "İskəndər-M" raketləri ilə ermənilər atəşə tutmuşdular. Hardandır bu raketlər Ermənistan ordusunda? Bu raketlər olmamalı idi. Artıq bu, əyani sübutdur. Ermənistanın hərbi cinayətinin sübutudur". Sputnik Azərbaycan xəbər verir ki, bunu bu gün Prezident İlham Əliyev Bakıda Hərbi Qənimətlər Parkının açılışında iştirak edən zaman deyib:

"Biz cavab istəyirik. Bu ölümcül silah Ermənistanın əlinə necə düşdü? Hələ ki, cavab ala bilməmişik. Amma alacağıq. Hər kəs gəlsin, görsün, Şuşanı, bizim qədim şəhərimizi Ermənistan "İskəndər-M" raketləri ilə məhv etməyə çalışırdı. Şuşanı biz azad edəndən sonra bundan istifadə etdilər. Bizdə kifayət qədər məlumat var. Sadəcə olaraq biz rəsmi açıqlama gözləyirik. Hər kəs gəlib bunu görəcək. Erməni vəhşiliyinin, hərbi cinayətinin növbəti əyani sübutudur".

Azərbaycan Respublikasının Prezidenti İlham Əliyev aprelin 12-də Bakıda Hərbi Qənimətlər Parkının açılışında iştirak edib. Dövlət başçısına parkda nümayiş etdirilən hərbi texnikalar barədə məlumat verildi.

Qeyd edək ki, xalqımızın Vətən müharibəsində göstərdiyi misilsiz qəhrəmanlığın və qazandığı tarixi zəfərin nümayiş etdirilməsi, şəhidlərimizin əziz xatirəsinin əbədiləşdirilməsi məqsədilə Prezident, Silahlı Qüvvələrin Müzəffər Ali Baş Komandanı İlham Əliyev Bakıda Vətən Müharibəsi Memorial Kompleksinin və Zəfər muzeyinin yaradılması haqqında Sərəncam imzalayıb, Hərbi Qənimətlər Parkının salınması ilə bağlı təşəbbüs irəli sürüb. Yaradılmasına bu ilin yanvar ayından başlanılan və 5 hektar ərazini əhatə edən Park paytaxtın Xətai rayonundadır. Parkdakı eksponatların arasında Silahlı Qüvvələrimizin işğaldan azad olunan ərazilərdə ermənilərdən qənimət götürdüyü 2 mindən çox avtomobilin nömrə nişanlarından hazırlanan və üzərində "Qarabağ Azərbaycandır!" şüarı əks olunan kompozisiya, Ermənistan tərəfindən törədilən müharibə cinayətləri, o cümlədən döyüş bölgəsindən uzaq olan ərazilərimizin raket zərbələrinə məruz qalması, dinc sakinlərin qətlə yetirilməsi və yaralanması barədə faktlar, düşmən tərəfindən Azərbaycan ərazisinə atılmış "İsgəndər-M" raketinin qalıqları var. Burada Vətən müharibəsinin gedişində düşməndən qənimət götürülən hərbi texnikanın bir qismi, ümumilikdə 300-dən çox eksponat, o cümlədən 150-dək ağır texnika, tanklar, döyüş maşınları, artilleriya qurğuları, zenit-raket kompleksləri, atıcı silahlar, hərbi nəqliyyat sərgilənir. Təqdim edilən eksponatlar, 10 səddən ibarət müdafiə sistemi, sığınacaqlar, hərbi kazarmalar, Vətən müharibəsinin gedişatı barədə məlumatlar Azərbaycana Zəfər qazandıran döyüşləri bir daha göz önündə canlandırmağa geniş imkan yaradır.

Hərbi Qənimətlər Parkı ilə tanışlıqdan sonra Prezident İlham Əliyev təltif olunan hərbi qulluqçularla görüşdü.

0