Nurlana Əsədullayeva

"Təəssüf ki, peşəkarlığa görə deyil, məhz qadın usta olduğun üçün səni seçirlər"

650
(Yenilənib 16:38 15.03.2021)
"Əvvəllər heç əlimdə qayçı tutmağı da bacarmırdım. İşsiz idim, hər hansı bir işə ehtiyacım var idi. Demək olar ki, hər gün iş axtarırdım. İlk qarşıma çıxan iş bərbər köməkçisi oldu".

Nigar İsgəndərova, Sputnik Azərbaycan

BAKI, 15 mart — Sputnik. Qadın olmaq həm də güclü olmaq deməkdir. Xüsusən də övladlarını təkbaşına böyüdən qadınlar digərləri ilə müqayisədə daha güclü olur, özləri pul qazanaraq sərbəst ayaq üstdə durmağı bacarırlar. Peşəsindən asılı olmayaraq, bu gün kişilərlə müqayisədə qadınların, demək olar ki, hər bir addımı diqqətlə izlənilir, bəzən səbəbli, bəzən də səbəbsiz yerə qınaq obyektinə çevrilir. Xüsusən də peşə seçimi zaman.

Nurlana Əsədullayeva isə bu stereotipləri qırıb, haqsız qınaqlara rəğmən, öz istəyindən dönməyib. Altı ildir, kişi salonunda bərbər işləyən Nurlana Əsədullayeva iki övlad anasıdır.

© Photo : Courtesy of Тurlana Asadullaeva
Nurlana Əsədullayeva

Nurlana xanım Sputnik Azərbaycan-a həyatından, işinin çətinliyindən danışıb.

"Qadın həm anadır, həm də evinin qulluqçusu", - deyən 1984-cü il təvəüllüdlü Nurlana xanım bəzən təsadüfi seçimlərin insan həyatında mühüm rol oynadığına inanır.

© Photo : Courtesy of Тurlana Asadullaeva
Nurlana Əsədullayeva

"Əvvəllər heç əlimdə qayçı tutmağı da bilmirdim. İşsiz idim, hər hansı bir işə ehtiyacım var idi. Demək olar ki, hər gün iş axtarırdım. İlk qarşıma çıxan iş bərbər köməkçisi oldu. Beləcə, 2015-ci ildə salonda bərbər köməkçisi olaraq işə başladım, 2 il belə işlədim. Bundan sonra artıq məndə bu işə maraq yarandı. Bu işi peşəkarcasına öyrənib sərbəst olaraq çalışmaq istədim, peşə təhsili aldım. Bir il peşəkar usta tərəfindən həm nəzəriyyə, həm də praktik olaraq peşənin incəliklərini öyrəndim".

© Photo : Courtesy of Тurlana Asadullaeva
Nurlana Əsədullayeva

Cəmiyyətdə nə eləməsindən asılı olmayaraq bu gün əsas diqqət məhz qadınların üzərindədir. Elə bu səbəbdən də onlar daha çox qınaq obyektinə çevrilirlər. N.Əsədullayeva da belə qadınlardandır: "Seçimim cəmiyyətdə birmənalı qarşılanmır. Qadını daha çox müəllim, həkim kimi görməyə alışan bir cəmiyyətdə böyümüşük. Mən isə kişilərə xas olduğu deyilən bir peşədə çalışaraq hər zaman özümü sübut etməyə çalışmışam ki, qadın yalnız müəllim, həkim deyil, başqa peşələrdə də çalışa bilər, yalnız bozbaş bişirmir".

"Ümumiyyətlə, cəmiyyətimizdə çətinlik yaradan çoxsaylı stereotiplər var. Məsələn, qadının kişi bərbəri kimi çalışması normal qarşılanmasa da, kişinin qadın saç ustası olması, rənglərlə işləməsi təəccüb doğurmur. Bəzi müştərilər də təəssüf ki, peşəkar saç kəsiminə görə deyil, məhz qadın usta olduğun üçün səni seçirlər. Bu da mənə çətinlik yaradır. Təbii ki, bu kimi düşüncələrin olması mənim üçün heç də xoş deyil. Məncə, artıq bu stereotiplərin qırılmasının zamanı gəlib",- deyə o əlavə edir. 

© Photo : Courtesy of Тurlana Asadullaeva
Nurlana Əsədullayeva

Nurlana xanım deyir ki, bir sənətdə peşəkarlıq cinslərə görə dəyişməməlidir: "Necə ki deyirlər, aslanın erkəyi, dişisi olmaz, baxın, peşəkarlığın da cinsi yoxdur. İşinin ustasısansa, müştəri də səndən razı qalırsa, demək ki, sən peşəkarsan. Elə müştərilərim var ki, saç düzümünü sırf üzünün formasına uyğun kəsdiyim üçün məni seçirlər. Bimirəm, bu nə dərəcədə fərqlilik sayıla bilər, amma bu səbəbdən çoxsaylı daimi müştərilərim var. Bu müştərilər arasında çox kaprizli olanlar da var".

Bərbər xanım deyir ki, müştərilərin onu seçməsinin digər səbəbi isə onlara bu müddətdə həm də qulaq yoldaşı olmasıdır: "Bir qədər dərdləşirik. Bilirsiniz, bəzən istəyirsən ki, danışasan, kimsə səni dinləsin. Mənim də belə müştərilərim olur. Bəzən aramızda çox maraqlı diskussiya da olur. Bu səbəbdən hansı ünvanda çalışmağımdan asılı olamayaraq arayıb-axtaran müştərilərim çox olur".

© Photo : Courtesy of Тurlana Asadullaeva
Nurlana Əsədullayeva

Bəzən kiçik bir diqqətsizlikdən buraxılan səhvlər isə dostlar qazandırır, Nurlana xanım belə deyir: "İş prosesində müxtəlif yaddaqalan, maraqlı hadisələr olur. Yeni bir müştərim vardı, ilk dəfə idi saçını kəsirdim. İşi bitirdikdən sonra saçının yan hissəsində ani bir səhv buraxdım. Çox həyəcanlandım, səhvimi etiraf etdim, saç düzümündə bir qədər də dəyişiklik etdim. Sonradan həmin müştəri mənim ən yaxın dostuma çevrildi. Kiçik bir səhv mənə böyük bir dost qazandırdı".

Hər gün saat 10:00-dan axşam 21:00-dək iş başında olan Nurlana xanım bacardığı qədər övladlarına da zaman ayırır: "Qızımın 12, oğlumun 10 yaşı var. Çalışıram ki, onlara zaman ayırım. Evdə olduğum günlərdə birgə gəzintiyə çıxırıq".

© Photo : Courtesy of Тurlana Asadullaeva
Nurlana Əsədullayeva

Hazırda pandemiya ilə əlaqədar toyların olmaması isə onun da qazancını azaldıb: "Bir tərəfdən qiymət artır, digər tərəfdən isə iş azalır, toylar olmadığı üçün əvvəlki kimi qazana bilmirəm. Əvvəllər normalda aylıq 600-1200 manatadək qazanırdım".

650

Bakıda minik maşını avtobusa çırpılıb, yaralı var

7
(Yenilənib 23:24 14.04.2021)
Nərimanov rayonunda dayanacaqda saxlamış "Bakubus" MMC-yə məxsus avtobusa yüksək sürətlə hərəkət edən minik maşını çırpılıb.

BAKI, 14 aprel - Sputnik. Bakının Nərimanov rayonunda yol-nəqliyyat hadisəsi baş verib.

Sputnik Azərbaycan APA-ya istinadən xəbər verir ki, hadisə Koroğlu Rəhimov küçəsində qeydə alınıb.

“Bakubus” MMC-yə məxsus 13 nömrəli marşut avtobusu dayanacaqda duran zaman yüksək sürətlə hərəkətdə olan “Hyundai” markalı avtomobil ona çırpılıb. Qəza nəticəsində minik avtomobilinin sürücüsü ağır bədən xəsarəti alıb.

Hadisə yerinə Nərimanov Rayon Polis İdarəsinin əməkdaşları cəlb ediliblər.

 

7
Teqlər:
"BakuBus" MMC, yaralı, avtobus, qəza
Kino lenti, arxiv şəkli

"Fəryad-2" filmində hansı dəyişikliklər olacaq?

106
"Ssenarini oxuyan kimi müəllifin kim olduğunu o saat bilmək olur. Hesab edirəm ki, bu film Azərbaycan kinematoqrafiyasına ən yaxşı töhfələrdən biri olacaq".

Şahpəri Abbasova, Sputnik Azərbaycan

BAKI, 14 aprel — Sputnik. Mədəniyyət Nazirliyinin sifarişi ilə C.Cabbarlı adına "Azərbaycanfilm" kinostudiyasında "Fəryad-2" adlı bədii filmi çəkiləcək.

Bu barədə Sputnik Azərbaycan-a danışan C.Cabbarlı adına "Azərbaycanfilm" Kinostudiyasının direktoru Fariz Əhmədov bildirir ki, Azərbaycan Prezidenti, Ali Baş Komandan İlham Əliyevin rəhbərliyi ilə Müzəffər Azərbaycan Ordusu tərəfindən 44 günlük Vətən müharibəsində qazanılmış qələbəyə həsr olunan filmin ssenari müəllifi və quruluşçu rejissoru tanınmış kinorejissor, Xalq artisti Vaqif Mustafayevdir: 

"Mən ssenarini oxuyan bir adam kimi, yaradıcı şəxs kimi deyə bilərəm ki, çox yaxşı bir film olacaq. Orada Vaqif Mustafayev markası var. Vaqif Mustafayevin digər filmlərindəki xətt bu filmdə də hiss olunur. Vaqif Mustafayevin özünün dəst-xətti var.

Ssenarini oxuyan kimi müəllifin kim olduğunu o saat bilmək olur. Hesab edirəm ki, bu film Azərbaycan kinematoqrafiyasına ən yaxşı töhfələrdən biri olacaq. Məkanlar və aktyorlar hələlik məlum deyil. Birinci "Fəryad"la ikinci "Fəryad" arasında fərq var. Digərlərini isə filmə baxdıqlarında görə biləcəklər".

Qeyd edək ki, filmin çəkilişlərinin bu ilin iyul-avqust aylarında, əsasən Vətən müharibəsi zamanı döyüş əməliyyatlarının aparıldığı ərazilərdə həyata keçirilməsi planlaşdırılır. Xatırladaq ki, ilk "Fəryad" filmi 1993-cü ildə çəkilib. Film Birinci Qarabağ müharibəsinə həsr olunub. Baş qəhrəmanın prototipi var və burada təsvir olunan hadisələr real faktlara əsaslanır. Ekran əsəri Qarabağ müharibəsində döyüşən əsgərlərdən birinin başına gətirilən əhvalatdan bəhs edir.

106
Teqlər:
"Azərbaycanfilm" kinostudiyası, Azərbaycan, film
ABŞ prezidneti Co Bayden, arxiv şəkli

Baydenlə Putinin görüşü yaxın həftələrdə baş tuta bilər

0
"Biz Rusiya ilə stabil və təxmin edilən münasibətləri üstün tuturuq. Bu, öz növbəsində kommunikasiya xətlərinin açıq olmasını tələb edir ki, biz baxışlarımız, siyasət, Rusiyanın hərəkətlərinə qarşı etirazımız barədə aydın danışa bilək" - Blinken.

BAKI, 15 aprel - Sputnik. ABŞ Prezidenti Cozef Bayden rusiyalı həmkarı Vladimir Putinə "yaxın həftələrdə" görüşməyi təklif edib.

Sputnik Azərbaycan-ın məlumatına görə, bunu ABŞ dövlət katibi Entoni Blinken deyib. Bir qədər öncə isə Ağ Ev görüşün yaxın bir neçə ay ərzində baş tuta biləcəyini bildirmişdi.

​"Biz Rusiya ilə stabil və təxmin edilən münasibətləri üstün tuturuq. Bu, öz növbəsində kommunikasiya xətlərinin açıq olmasını tələb edir ki, biz baxışlarımız, siyasət, Rusiyanın hərəkətlərinə qarşı etirazımız barədə aydın danışa bilək. Bu, yanlışlardan qaçmaq üçün vacibdir. Bunu da siz dünən gördünüz: Bayden prezident Putinə zəng vuraraq yaxın həftələrdə görüşməyi təklif etdi", - Blinken Brüsseldə təşkil olunmuş mətbuat konfransında deyib.

0
Teqlər:
görüş, Cozef Bayden, Vladimir Putin