Maslenisa, arxiv şəkli

Azərbaycanda rus bayramı: bu gün sonuncu dəfə balıq blinçik yeyirlər - VİDEO-FOTO

220
(Yenilənib 19:53 14.03.2021)
Hər bir xalqın özünəməxsus adət-ənənəsi, milli bayramları var. Rus xalqının Maslenitsa adlı bayramı isə bizim milli bayramımız olan Novruza bənzəyir.

Leyla  Abdullayeva, Sputnik Azərbaycan

BAKI, 14 mart — Sputnik. Maslenitsa xristianlıqdan əvvəlki dövrə aiddir və bütpərəst mədəniyyətindən miras qalıb. Bayramda mütləq şəkildə tonqallar qalanır, insanlar tonqalların üzərindən atlanır, yumurtalar boyanır və süfrələr açılır.

Azərbaycan əhalisinin milli tərkibində müxtəlif xalqların nümayəndələri arasında ruslar da çoxluq təşkil edirlər. Xaçmaz rayonunda yaşayan rus icması və əhalisi öz adət-ənənələrini və mədəniyyətlərini qoruyub saxlamaqla yanaşı, ölkəmizin azad vətəndaşı kimi öz milli bayramlarını qeyd edirlər.

Sputnik Azərbaycan Maslenitsa bayramının necə qeyd edildiyi barədə Xaçmazda yerləşən rus icmasının sədri Navi Azar ilə həmsöhbət oldu. O, bizə hər il bu bayramı qeyd etdiklərini, burada öz adət-ənənələrinə sadiq çıxaraq lazımi qaydada keçirdiklərini bildirdi:

“Əslində, bu bayram bizə bütpərəstlikdən qalıb. Maslenitsada müxtəlif tədbirlər keçirilir. Bayramda mütləq şəkildə blin (blinçik) bişirilir. Blinlər Günəşin çıxmasını, qışın yola salınması və yazın gəlişini simvolizə edir. Bir növ ritual məna daşıyır. Yəni yumru, qırmızı, isti blinlər Günəşin rəmzi  hesab olunur. Yarilo - yəni Tanrı üçün kilsələrdə bişirilir bu blinlər. Əsasən bu bayramı pravoslav ruslar qeyd edirlər. Hamı kilsəyə gəlir, bərəkətli il olması üçün dualar edir, bir-birləri ilə bayramlaşırlar. 

Bundan başqa, yumurtalar boyanır, şamlar yandırılır. Hər ailə  mütləq şəkildə tonqal qalayır və o  tonqalın üzərindən atlayırlar. “Maslenitsa“ adlı müqəvva yandırılır. Bunun da səbəbi bütün çətinliklərin keçmişdə qalması üçündür. Bundan başqa, bu günlərdə hər kəs qəbristanlığa gedib öz yaxınlarını yad edir, onların ruhu üçün dualar oxuyur.

  • Bayrama hazırlıq zamanı
    © Sputnik / Leyla Abdullayeva
  • Maslenitsaya hazırlıq
    © Sputnik / Leyla Abdullayeva
  • Maslenitsaya hazırlıq
    © Sputnik / Leyla Abdullayeva
  • Maslenitsaya hazırlıq
    © Sputnik / Leyla Abdullayeva
1 / 4
© Sputnik / Leyla Abdullayeva
Bayrama hazırlıq zamanı

Bu gün bu bayramın son günüdür. Sabahdan yeni gün başlayır. Pasxa bayramına qədər davam edəcək bu günlərdə insanlar oruc tutacaqlar”.

İcma sədri  bayramı qeyd etmək üçün Azərbaycanda onlara hər cür şəraitin yaradıldığını da dilə gətirdi.

“Biz heç vaxt burada özümüzü başqa millət kimi hiss etməmişik. Çünki o doğmalığı, sevgini həm insanlar, həm də rayon rəhbərliyi tərəfindən hiss etmişik. Biz icma rəhbərləri tez-tez toplaşıb müzakirələr aparırıq. Bizim icmada təxminən 300 nəfərə yaxın insan var. Biz bayramlarla yanaşı, həm də dəfn mərasimlərində, xeyir işlərdə bir-birimizə dəstək oluruq.

Hər hansı bir problem olarsa, rayon rəhbərliyi, polis əməkdaşları ilə birgə hərəkətə keçib onun həllini tapırıq. Rayon rəhbərliyi bizə çox böyük ehtiram göstərir. Bu yaxınlarda rayon icra başçısı Elnur Rzayev bizimlə birgə qəbristanlığa getdi, tapşırıqlar verdi ki, qəbristanlıq tezliklə təmir olunsun, hər tərəfdən hasara alınması üçün göstəriş verdi. O, bizim arzu və istəklərimizə diqqətlə qulaq asıb, tezliklə həll edilməsi üçün əlindən gələni əsirgəməyəcəyini dedi.

Biz hər il olduğu kimi bu il də pandemiya qaydalarına nəzərə alaraq Nikolay Çudotvoretsin adına olan kilsəmizə gedib dularımızı etdik.  Əvvəlki illərdə rus icmasının başçısı Aleksandr ata Xaçmaza gəlir, burada bizimlə birgə bayram qeyd edirdi.  Bu il isə biz özümüz qeyd etdik”,  –Azar bəy deyir.

Onu da qeyd edək ki, əvvəlki illərdə Maslenitsada müxtəlif maraqlı  tamaşalar keçirilib. Gənclər yığışıb yumruq döyüşləri, dağdan sürüşmə, at arabasında gəzintilər təşkil edirlərmiş.

 

220
Teqlər:
adət-ənənə, Xaçmaz, Maslenitsa, bayram, rus icması
Vaşinqtonda Kapitoliy qarşısında ABŞ bayraqları, arxiv şəkli

"ABŞ Fransa ermənilərin Qarabağdakı statusuna dair köhnəlmiş tezislərdən əl çəkməlidir"

2
(Yenilənib 20:35 17.05.2021)
Regionda davamlı sülhün bərqərar olmasının yeganə yolu Cənubi Qafqazda hər 3 ölkənin ərazi bütövlüyünə hörmətdən asılıdır. Bu həmçinin müxtəlif etnik icmaların öz iqtisadi və mədəni hüquqlarını inkişaf etdirmələrinə şərait yaratmaq əsasında həyata keçirilməlidir.

Eldar Tanrıverdiyev, Sputnik Azərbaycan

BAKI, 17 may — Sputnik. Beynəlxalq Münasibətlərin Təhlili Mərkəzinin İdarə Heyətinin (BMTM) sədri Fərid Şəfiyev Ermənistan-Azərbaycan sərhədində baş verən son prosesləri şərh edib.

Sputnik Azərbaycan xəbər verir ki, Fərid Şəfiyev bildirib ki, son günlər Ermənistan-Azərbaycan sərhədində vəziyyət iki ölkə arasında yenidən gərginliyin artmasına və beynəlxalq vasitəçilərin diqqətinin yenidən bölgəyə yönəlməsinə səbəb olub:

"Təəssüf ki, Azərbaycan torpaqlarının işğalı faktını 30 ilə yaxındır görməzdən gələn sözügedən vasitəçilər və dünya mediası bu dəfə keçmiş işğalçı ölkəyə dəstək göstərməyə tələsir və heç bir halda regionda sülhə xidmət etməyən, yanlış mesajlar verirlər.

İlk olaraq qeyd edilməlidir ki, Ermənistan hələ də Azərbaycanın bir sıra yaşayış məskənlərini - Naxçıvanda Kərki kəndini və Qazaxın Sofulu, Bərxudarlı, Bağanis Ayrım, Qızıl Hacılı, Yuxarı Əskipara, Aşağı Əskipara və Xeyrimli olmaqla ümumilikdə 7 kəndini işğal altında saxlayır. İkincisi, Ermənistan anlamalıdır ki, iki ölkə arasında 30 ilə yaxın işğal altında qalmış sərhəd mövcuddur və İrəvandakı hökumət bu müddət ərzində sərhədə malik olmaq hissini itirib.

Üçüncüsü, delimitasiya iki ölkənin ərazi bütövlüyünü hörmət əsasında həyata keçirilməlidir. Əfsuslar olsun ki, Ermənistan siyasi partiyaları tərəfindən səsləndirilən fikirlərdə barışığa dair heç bir əlamət müşahidə olunmur. Dördüncüsü, beynəlxalq vasitəçilər, xüsusilə Fransa tərəfindən səsləndirilən mesajlar qəbuledilməzdir və sülhü təşviq etmək əvəzinə, vəziyyəti daha da gərginləşdirir. Bütün vasitəçilər, o cümlədən ABŞ və Fransa ermənilərin Qarabağdakı statusuna dair köhnəlmiş tezislərdən əl çəkməlidirlər.

Regionda davamlı sülhün bərqərar olmasının yeganə yolu Cənubi Qafqazda hər 3 ölkənin ərazi bütövlüyünə hörmətdən asılıdır. Bu həmçinin müxtəlif etnik icmaların öz iqtisadi və mədəni hüquqlarını inkişaf etdirmələrinə şərait yaratmaq əsasında həyata keçirilməlidir. Bu baxımdan məsələyə ikili standartlarla yanaşma yalnız "parçala, hökmranlıq et" imperialist tezisi əsasında region idarə etmək istəyən qüvvələrə xidmət edir.

Azərbaycan ötən ilki müharibədə qəti qələbə qazanmaqla öz mövqeyini möhkəmləndirib və bu baxımdan Azərbaycan xalqının təhlükəsizliyini təhdid altına ala biləcək istənilən cəhd uğursuz olacaq".

Eləcə də oxuyun:

* Lavrovdan Zəngəzur açıqlaması: "Emosiyaların qızışıdırılmasına ehtiyac yoxdur"

* Fransadan Ceyhun Bayramova zəng gəldi - Sərhəddə...

* Məktub yetişmədi və ya Kreml təmsilçisindən Paşinyanın məktubu ilə bağlı etiraf

 

2
Teqlər:
Fransa, Ermənistan, ABŞ, Qarabağ, Azərbaycan, Zəngəzur
Əli qandallanmış kişi polis bölməsində, arxiv şəkli

Bakı Baş Gömrük İdarəsində əməliyyat - saxlanılanlar var

10
Baş Prokuror yanında Korrupsiyaya qarşı Mübarizə Baş İdarəsinin əməkdaşları tərəfindən keçirilən əməliyyat nəticəsində İdarənin bir neçə əməkdaşı saxlanılıb.

BAKI, 17 may - Sputnik. Bakı Baş Gömrük İdarəsində əməliyyat keçirilib.

Sputnik Azərbaycan bildirir ki, bu barədə məlumatı "Report" yayıb.

Baş Prokuror yanında Korrupsiyaya qarşı Mübarizə Baş İdarəsinin əməkdaşları tərəfindən keçirilən əməliyyat nəticəsində İdarənin bir neçə əməkdaşı saxlanılıb.

Əməliyyat zamanı İdarənin yüksək vəzifəli şəxslərinin rüşvət alarkən tutulduğu qeyd edilir.

Baş Prokurorluğun Mətbuat xidmətindən bildirib ki, bununla bağlı ictimaiyyətə daha sonra ətraflı məlumat veriləcək.

Eləcə də oxuyun:

* Yardımla bağlı saxtakarlıq edən vəzifəli şəxslər məhkəməyə çıxarılacaqlar

* Dörd məktəb direktoru işdən çıxarıldı

* Baş prokurordan "Tərtər işi" ilə bağlı yayılan məlumatlara münasibət

 

10
Teqlər:
Baş Prokurorluq, rüşvət, saxlanılma, əməliyyat, Bakı Baş Gömrük İdarəsi