Sonaxanım Əzizova

Qədim el sənətini pul xatirinə yox, maraq üçün yaşadan bu səbəbdən uğur qazanan qadın

1722
(Yenilənib 00:49 09.03.2021)
Səbr və əmək tələb edən bu növ tikmədə bir əl işinin 5-7 gün müddətində əmələ gəldiyini deyən Sonaxanım Əzizova bu işlə məşğul olarkən ilk ağla gələn şeyin pul olmadığını söyləyib.

İlham Mustafayev, Sputnik Azərbaycan

BAKI, 9 mart - Sputnik. Mingəçevir sakini Sonaxanım Əzizova gənc olmasına baxmayaraq, qədim sənət nümunələrindən olan sanama tikiş növünü yaşadır. İxtisasca filoloq olan tikməçi ailə həyatı qurduqdan sonra ixtisası üzrə işləməyə imkan olmayıb. Bu səbəbdən o evdə daha rahat işləyə biləcəyi sanama tikmə sənəti ilə məşğul olmağa qərar verib. Kiçik yaşlarında nənəsində gördüyü, sonradan rəfiqəsindən öyrəndiyi qədim tikməni internetdə izləməklə daha da təkminləşdirdiyini deyib:

“İxtisasım üzrə işləmək imkanım yox idi, amma nə isə etmək istəyirdim. Oğlum böyüyürdü və mən özümü “işsiz” görürdüm. Odur ki, düşündüm. Axı mən  “sanama” tikmə növünü bilirəm. Bu sahə üzrə nəsə edə bilərəm.  Odur ki, getdim ləvazimatlar axtardım və tikməyə başladım. Beləliklə, 2018-ci ildən bu işlə məşğul olmağa başladım”.

© Sputnik / Ilham Mustafa
Sonaxanım Əzizova

Sonaxanım Əzizova sanama tikmə sənətinin incəlikləri barədə də danışıb:

“Müxtəlif tikmə növləri var. Təkəlduz, güləbətin, saya tikmə, xovlu tikmə, sanama tikmə və s. “Sanama tikmə” və ya “xaçşəkilli tikmə” də adlanır. “Sanama tikmə”nin də növləri var. Sadə xaç, yarı xaç, uzunsov xaç, düyü xaçı və s. “Sanama” bizim dildə həm də saymaq mənasının verir. Bu tikiş növündə parçanın üzərindəki xanalar sayılaraq tikirik”.

Səbr və əmək tələb edən bu növ tikmədə bir əl işinin 5-7 gün müddətində əmələ gəldiyini deyən S.Əzizova bu işlə məşğul olarkən ilk ağla gələn şeyin pul olmadığını söyləyib. Elə bu səbəbdən onun əl işləri daha gözəl alınır.

Qədim tikmə sənəti ilə məşğul olan Mingəçevir sakinin əl işlərinə maraq böyükdür. Gənc xanım hazırladıqların satışını etməklə yanaşı “Sanama” tikiş növünü öyrənmək istəyənlərə də bildiklərini əsirgəmir. Məqsəd qədim sənət nümünələrini yaşatmaqdır.

1722
Xadimə hoteldə hamam otağını təmizləyir, arxiv şəkli

Azərbaycanda pandemiya ocaqları: Birgünlük kirayə evlərdə vəziyyət necədir

33
(Yenilənib 23:22 19.04.2021)
"Böyük bir həyətdə sol və sağı tək otaqlarla dolu olan evlər var ki, bunlar fəhlələrə bir günlük kirayəyə verilir. Fəhlələr günü 1 manata belə evlərdə qalırlar. Onların mətbəxləri, hamamları isə ümumi olur" - Ədalət Rüstəm.

Nigar İsgəndərova, Sputnik Azərbaycan

BAKI, 20 aprel — Sputnik. Bu günlərdə Türkiyədə birgünlük kirayə verilən evlərdə koronavirus pandemiyası ilə mübarizə çərçivəsində reyd keçirilib. Səbəb pandemiyanın geniş yayıldığı şəraitdə belə evlərdə sanitar-gigiyenik tələblərə əməl edilməməsidir. 

Azərbaycanda da birgünlük kirayə evlər var. Bu evlərin qiyməti 3 manatdan başlayır. 3, 10, 15-35 manat arasında da birgünlük kirayə evlər tapmaq mümkündür.

Bəs, görəsən bu evlərdə sanitar-gigiyenik tələblər gözlənilirmi?

Sputnik Azərbaycan belə evlərin sahibləri və maklerlərlə əlaqə saxlayıb. Onlar bu evlərin vaxtaşırı dezinfeksiya edildiyini iddia ediblər. Lakin məsələnin gerçəkdə necə olduğunu heç kəs bilmir. 

Millət vəkili Aydın Mirzəzadə Sputnik Azərbaycan-a açıqlamasında deyib ki, Türkiyədə baş verən bu hadisə çox maraqlı təcrübədir və Azərbaycan üçün də aktualdır. Deputataın fikrincə, bu istiqamətdə böyük təbliğat işi aparılmalıdır. Çünki belə vəziyyətdə evini kirayəyə verən sahiblərin də yoluxma təhlükəsi var. 

"Daxili İşlər Nazirliyinə belə yerlərə vaxtaşırı reyd keçirmə icazəsi verilməlidir. DİN və vergi orqanları ilə birgə reydlər keçirilə bilər", - deyə o, əlavə edib.

Azərbaycan Tibb Universitetinin dosenti Ədalət Rüstəm isə əməkdaşımıza birgünlük evlərin təhlükəsindən danışarkən deyib: ""Böyük bir həyətdə sol və sağı tək otaqlarla dolu olan evlər var ki, bunlar fəhlələrə bir günlük kirayəyə verilir. Fəhlələr günü 1 manata belə evlərdə qalırlar. Onların mətbəxləri, hamamları isə ümumi olur. Təsəvvür edin, biri 3-5 gün fəhlə işləyib o evi tərk edəndən sonra bir başqa fəhlə həmin evdə kirayədə qalır. COVID-19-dan öncə də belə evlər var idi. Bu evlər infeksiya mənbəyidir və orada yoluxma ehtimalı yüksəkdir. Polis tərəfindən əməliyyat keçirilərək cəzalandırma tədbirlərinin görülməsi normal haldır".

Əli Rüstəmin sözlərinə gröə, Nəsimi bazarı, Biləcəri tərəfdə də belə evlər var: "Bir həyətdə 30 ailə yaşayır. Təbii ki, bu evlər, ərazilər infeksiya mənbəyidir. Virusun yayılmasında belə evlərin də rolu var".

Azərbaycanın hüquq-mühafizə orqanları isə hələlik belə müvəqqəti yaşayış yerlərində reyd keçirmək barədə fikirləşmirlər. "Bu barədə yuxarıdan hər hansı əmr və ya təlimat gəlməyib. Gəlsə, təbii ki, reyd keçiriləcək və sanitar-gigiyenik qaydaları pozanlar cəzalandırılacaq", - deyə paytaxt polisindən bildiriblər. 

33
Kəndir, arxiv şəkli

Tovuzda 20 yaşlı tələbə intihar edib

242
(Yenilənib 10:06 20.04.2021)
İntihar edən Tovuz rayon Aşağı Öysüzlü kənd sakini, 2001-ci il təvəllüdlü Paşa Mehdiyev Azərbaycan Dövlət Bədən Tərbiyəsi və İdman Akademiyasının tələbəsi olub.

BAKI, 19 aprel - Sputnik. Tovuz rayonunda 20 yaşlı gənc intihar edib. Sputnik Azərbaycan Report-a istinadla xəbər verir ki, intihar edən Tovuz rayon Aşağı Öysüzlü kənd sakini, 2001-ci il təvəllüdlü Paşa Mehdiyev Azərbaycan Dövlət Bədən Tərbiyəsi və İdman Akademiyasının tələbəsi olub.

P.Mehdiyev özünü asaraq intihar edib. Hadisənin səbəbi hələlik məlum deyil.

Faktla bağlı cinayət işi açılıb, araşdırma aparılır.

242