Tərtərin Borsunlu kəndində od çərşənbəsinin qeyd edilməsi

Otuz il yanmayan ocaqlar Od çərşənbəsində qalandı - FOTO

1463
(Yenilənib 17:57 02.03.2021)
Bir vaxtlar təmas xəttinə yaxın yerləşən Borsunlu kəndinin azyaşlısından tutmuş ağsaqqalına kimi hər kəs yüksək əhval-ruhiyyə ilə Novruza hazırlaşır

Emin Babayev, Sputnik Azərbaycan

BAKI, 2 mart — Sputnik. Otuz ilə yaxındır ki, Tərtərin Borsunlu kəndinin sakinləri açıq ərazilərdə bayram tonqalları yandıra bilmirdilər. Səbəbsə bu kəndin təmas xəttinə ən yaxın ərazidə yerləşməsi idi. Kənddə közərti, işıq, tüstü görən kimi Ermənistan silahlı qüvvələri həmin istiqaməti atəşə tuturdu. İndi isə kənd sakinləri istənilən yerdə rahat şəkildə tonqallarını qalayıb, bir-birinə xoş sorağını çatdırmaqdadır. 

“Xoş gündə bir tonqal qalayırsan. Elimizə-obamıza, xoş xəbəri çatdırırsan". Bunu oğuz elinin ozanı Dədə Qorqud deyib. Tarixə nəzər salanda görürük ki, tonqallar hər zaman Azərbaycan xalqının vacib günlərində qalanar, el-obalar bir-birilə soraqlaşardı. Bu gün Tərtərin Borsunlu kəndində həyətlərdə yandırılan ocaqlar təkcə çərşənbə tonqalı yox, həm də qələbə müjdəsidir.

Borsunlu kənd sakini İlqar Orucov deyir ki, son otuz il ərzində bugünkü kimi sərbəst çərşənbə qeyd etməyiblər. Müsahibimizin sözlərinə görə, Vətən müharibəsindən əvvəl ermənilərin dəfələrlə təxribat törətməsi nəticəsində hətta kənd sakinləri arasında yaralananlar da olub.

© Sputnik / Emin Babayev
Tərtərin Borsunlu kəndində od çərşənbəsinin qeyd edilməsi
“Tonqal qalayanda erməni hərbçiləri atırdılar. Yaralananlar olurdu. Vətən müharibəsindəki qələbəmizdən sonra çərşənbəmizi ilk dəfədir ki, rahat qeyd edirik. İndi ordumuz torpaqlarımızı azad edib. Tam sərbəst, təhlükəsiz şəkildə ocaqlarımızı yandıra bilirik”. 

Kəndin digər sakini Xaləddin Qarayev də olduqca sevinclidir: "Bir tərəfdən, düşmən üzərində qələbə çalmışıq, digər tərəfdən də ilk dəfədir ki, çərşənbəmizi belə rahat keçirə bilirik.  Gördüyünüz kimi, kənd sakinləri yüksək əhval-ruhiyyədədirlər. İstədiyimiz yerdə tonqal qalaya bilirik. Şən əhval-ruhiyyə ilə Novruz bayramına hazırlaşırıq”. 

Xaləddin Qarayevin sözlərinə görə, kənddə əvvəllər əkin-biçinlə məşğul olmaq, mal-qara otarmaq da mümkünsüz imiş. “Mal-qara otarmaq olmurdu. Elə sahələrimiz var ki, o sahəyə gedib, əkin-biçin apara bilmirdik. Ermənilər bizi snayperlə hədəfləyib, davamlı atəş altında saxlayırdılar. İndi rahat şəkildə mal-qaramızı otarırıq. Əkin-biçinimizi aparırıq. O qədər atəş altında qalmışıq ki, inanın, indi bir səs gələn kimi səksənirik”.

Borsunlu kəndinin ağsaqqallarından olan Vaqif Qədimov müharibə dövründə çox gərgin vəziyyətdə yaşamalarına baxmayaraq, indi o çətin günləri arxada qoyduqlarını söyləyir: “30 il bayramımızı həyəcan içində qeyd etmişik. Tonqalı görən kimi atırdılar. İndi şükür! Ali Baş Komandanımız İlham Əliyevin və ordumuzun sayəsində bütün kəndin əhalisi Novruz bayramını möhtəşəm keçirəcək”.

  • Tərtərin Borsunlu kəndində od çərşənbəsinin qeyd edilməsi
    © Sputnik / Emin Babayev
  • Tərtərin Borsunlu kəndində od çərşənbəsinin qeyd edilməsi
    © Sputnik / Emin Babayev
  • Tərtərin Borsunlu kəndində od çərşənbəsinin qeyd edilməsi
    © Sputnik / Emin Babayev
  • Tərtərin Borsunlu kəndində od çərşənbəsinin qeyd edilməsi
    © Sputnik / Emin Babayev
1 / 4
© Sputnik / Emin Babayev
Tərtərin Borsunlu kəndində od çərşənbəsinin qeyd edilməsi

Novruz adət-ənənələrini sevə-sevə yerinə yetirən, kəndin yaşlı sakini Şəfiqə Qədimova da indi bir başqa əhval-ruhiyyə ilə bayram hazırlığını etməkdədir. Deyir, bütün bölgələrdən qonaqları olacaq. Övladları və nəvələri də gələcəklər: “Ev-eşiyimizi də təmizləyirik. Əvvəllər qorxurduq. Ev işinin birini görəndə o birisi qalırdı. Hər axşam atırdılar. Daimi atəş altında saxlayırdılar bu kəndi... Prezidentimizin, əsgərlərimizin sayəsində çox yaxşı, rahatıq. 44 günlük Vətən müharibəsi yaxşı dərs verdi o faşist ermənilərə. İndi 30 ildən sonra ilk dəfədir ki, bütün ailə üzvlərimiz yanan ocağımızın başına yığılacaq. Bala, bilə bilməzsiniz e... bu günü necə gözləmişik. Əvvəl balalarım qorxa-qorxa gəlirdilər bayramlaşmağa. Narahatlıq, qorxu içində. Yediyimizi mənfur düşmən burnumuzdan gətirirdi. Allah Azərbaycan xalqına bir daha elə ağır günlər nəsib etməsin! Qoy xoş soraqlı tonqallarımız hər zaman yansın”. 

© Sputnik / Emin Babayev
Tərtərin Borsunlu kəndində od çərşənbəsinin qeyd edilməsi

Borsunlu kəndinin azyaşlısından tutmuş ağsaqqalına kimi hər kəs yüksək əhval-ruhiyyə ilə Novruza hazırlaşır.  Kəndin yeniyetmələrindən olan Mehrab Hüseynli yaşıdlarının əhval-ruhiyyəsinin tamamilə fərqli olduğunu deyir:

“İndi biz qürurluyuq. Ona görə ki, bizdən böyüklər, yəni gənclər işğalda olan torpaqlarımızı azad etdilər. Qələbə ruhlu bir ölkənin gələcək gənci olmaq böyük şərəfdir. İndi bizim başımız dikdir. Dədə-babalarımızdan bizə miras qalan yurdumuz düşmən əlində deyil. Tək mən yox, bütün kəndin yeniyetmələri bu cür düşünürlər. İndi biz təkcə tonqal qalamaqla bayramı qeyd etmirik, həm də Dədə Qorqud demişkən, qələbə sorağını paylaşırıq”.

Qoy kəndlərimizin, şəhərlərimizin işığı daim yansın. Ocaqlarımız xoş soraqla qalansın. Allah-təala yurdu yağmalanmış, evləri talan edilmiş hər bir soydaşımızın, yurddaşımızın bayramını mübarək etsin! Adı da, özü də, sözü və düzü də Vətən olan yurdumuz, çərşənbən mübarək!

1463
Teqlər:
Qarabağ, cəbhəboyu zona, Tərtər, tonqal, Od çərşənbəsi
Повесившийся в лесу человек. Архивное фото

Tovuzda 20 yaşlı tələbə intihar edib

37
(Yenilənib 23:35 19.04.2021)
İntihar edən Tovuz rayon Aşağı Öysüzlü kənd sakini, 2001-ci il təvəllüdlü Paşa Mehdiyev Azərbaycan Dövlət Bədən Tərbiyəsi və İdman Akademiyasının tələbəsi olub.

BAKI, 19 aprel - Sputnik. Tovuz rayonunda 20 yaşlı gənc intihar edib. Sputnik Azərbaycan Report-a istinadla xəbər verir ki, intihar edən Tovuz rayon Aşağı Öysüzlü kənd sakini, 2001-ci il təvəllüdlü Paşa Mehdiyev Azərbaycan Dövlət Bədən Tərbiyəsi və İdman Akademiyasının tələbəsi olub.

P.Mehdiyev özünü asaraq intihar edib. Hadisənin səbəbi hələlik məlum deyil.

Faktla bağlı cinayət işi açılıb, araşdırma aparılır.

37
Muzeylərdə “Açıq qapı” günü

Qoruq muzeylərdə "açıq qapı" günü keçirilib

6
(Yenilənib 23:29 19.04.2021)
"Yanardağ" Dövlət Tarix-Mədəniyyət və Təbiət Qoruğunda təşkil edilən sərgidə milli musiqi alətləri, Bakının müasir və tarixi binalarının maketləri qonaqlara nümayiş etdirilib, milli geyimdə foto çəkdirmək üçün guşə yaradılıb.

BAKI, 19 aprel — Sputnik. Aprelin 18-də Dövlət Turizm Agentliyinin tabeliyində fəaliyyət göstərən tarix-mədəniyyət qoruqları və muzeylərdə "Açıq qapı" günü təşkil olunub. Agentlikdən Sputnik Azərbaycan-a verilən məlumata görə, "Beynəlxalq Abidələr və Tarixi Yerlər Günü" münasibətilə keçirilən "açıq qapı" günündə müxtəlif mövzularda sərgilər və məlumatlandırma sessiyaları keçirilib.

"Yanardağ" Dövlət Tarix-Mədəniyyət və Təbiət Qoruğunda təşkil edilən sərgidə milli musiqi alətləri, Bakının müasir və tarixi binalarının maketləri qonaqlara nümayiş etdirilib, milli geyimdə foto çəkdirmək üçün guşə yaradılıb.

  • Qoruq və muzeylərdə "açıq qapı" günü keçirilib
    © Photo : State Tourism Agency
  • Qoruq və muzeylərdə "açıq qapı" günü keçirilib
    © Photo : State Tourism Agency
  • Qoruq və muzeylərdə "açıq qapı" günü keçirilib
    © Photo : State Tourism Agency
1 / 3
© Photo : State Tourism Agency
Qoruq və muzeylərdə "açıq qapı" günü keçirilib

"Atəşgah Məbədi" Dövlət Tarix-Memarlıq Qoruğunda təşkil edilən "Tarix və Mədəniyyət Nümunələri Xalqın Milli Sərvətidir" adlı sərgidə orta əsr Azərbaycan sənətkarlarının əl işləri, misgərlik məmulatları sərgilənib. Qoruq ərazisində Argentina Respublikasının mədəniyyət profilli "Kanal A" televiziyası da çəkiliş aparıb.

"Kiş" Tarix-Memarlıq Qoruğunun həyətində yerli sənətkarların əl işləri nümayiş etdirilib. Ziyarətçilərə Kiş Alban Məbədinin tarixi, qoruqda yerləşən digər tarixi mədəniyyət abidələrinin əhəmiyyəti və mühafizəsi ilə bağlı məlumat verilib.

"Yuxarı Baş" Dövlət Tarix-Memarlıq Qoruğunda gənc rəssamların abidələrlə bağlı əl işləri sərgilənib. Şəki Tarix Diyarşünaslıq muzeyində şəhərin qədimliyini əks etdirən tarixi abidələrin fotolarından ibarət sərgi təşkil olunub. Həmçinin Şəki Xalq Tətbiqi Sənəti Muzeyində xovlu sənət ustası Rəhman Kamiloğlunun əl işlərindən ibarət sərgi keçirilib. Yalnız Şəkidə mövcud olan bu sənət növü üzrə hazırlanan əsərlərdə əsasən təbiət mənzərələri, kənd həyatının motivləri əks olunub.

Şəki Dövlət Rəsm Qalereyasının bağında - açıq havada "Tarixi abidələr rəssamların gözü ilə" adlı sərgi təşkil olunub. Şəkili rəssamlar Aynur Məsimova, Nazim Səmədov və Qurban Oruclunun kətan üzərində yağlı boya və akvarel boya ilə kağız üzərində çəkdikləri əsərlər qonaqların marağına səbəb olub.

"Basqal" Dövlət Tarix-Mədəniyyət Qoruğu ərazisində arxeoloj qazıntıların aparıldığı XVI əsr abidəsi - Şeyx Məhəmməd Məscidində məktəblilər üçün tədbir təşkil edilib.

"Lahıc" Dövlət Tarix-Mədəniyyət qoruğunda yerləşən abidələrə ziyarətçilər üçün müəyyən marşrutlar üzrə turlar hazırlanıb. Qoruq ərazisində yerləşən sənətkar emalatxanalarında ödənişsiz olaraq master-klasslar təşkil edilib.

"Xınalıq" Dövlət Tarix Memarlıq və Etnoqrafiya Qoruğunda ziyarətçilərə ödənişsiz xidmət göstərilib, qonaqlar üçün ekskursiyalar təşkil olunub.

6
 Reanimasiyada COVİD-19 xəstəsi, arxiv şəkli

Ermənistanda koronavirusla bağlı vəziyyət gərgindir

0
(Yenilənib 23:05 19.04.2021)
Ermənistanda bu virusdan ölənlərin sayı 3895-ə, sağalanların sayı isə 189017-yə çatıb. Hazırda bu ölkədə 14924 nəfər xəstəxanada müalicə alır.

BAKI, 19 aprel — Sputnik. Ermənistanda koronavirusa yoluxanların sayı 208818-ə çatıb. Sputnik Ermənistan xəbər verir ki, bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, bir gündə bu virusa yoluxanların sayı daha 298 nəfər artıb.

Ermənistanda son gündə daha 17 nəfər ölüb. Ümumilikdə bu virusdan ölənlərin sayı 3895-ə, sağalanların sayı isə 189017-yə çatıb. Hazırda bu ölkədə 14924 nəfər xəstəxanada müalicə alır.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 141,4 milyonu keçib, 3 milyondan çox adam isə virus səbəbi ilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

0