Daha yoxsul çinli görə bilməyəcəksiniz - RƏSMİ

14
Si Tszinpin bildirib ki, 1970-ci illərin sonunda islahatlar və aşkarlıq siyasəti başlayandan kəndlərdə yaşayan 770 milyon nəfər yoxsulluqdan çıxarılıb

BAKI, 25 fevral — Sputnik. “Çin Kommunist Partiyasının və xalqın ümumi səyləri nəticəsində biz yoxsulluqla mübarizədə tam qələbə qazandıq”.

“Report” xəbər verir ki, bunu Çin Xalq Respublikasının sədri Si Tszinpin bildirib.

O deyib ki, son 8 ildə 100 milyon nəfər yoxsulluq həddini aşa bilib. Dövlət başçısının sözlərinə görə, 832 qəza və 128 min kənd yoxsul yaşayış məntəqələri siyahısından çıxarılıb.

Si Tszinpin bildirib ki, 1970-ci illərin sonunda islahatlar və aşkarlıq siyasəti başlayandan kəndlərdə yaşayan 770 milyon nəfər yoxsulluqdan çıxarılıb: “Bu müddət ərzində Çin yoxsulluğun aradan qaldırılması uğrunda qlobal mübarizədə məqsədinə 70 faiz nail oldu. Bu kimi uğurlarla Çin tarixdə qalacaq bir başqa möcüzə yaratdı”.

Xatırladaq ki, Si Tszinpin yoxsulluğa qarşı məqsədli mübarizə ideyasını 2013-cü ildə ölkənin mərkəzində yerləşən Hunan vilayətinə təftiş səfəri zamanı bildirmişdi.

14
PPX avtomobili

Daha iki koronavirus xəstəsinə cinayət işi açılıb

0
Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə 2 nəfər barəsində cinayət işi başlanılıb.

BAKI, 12 aprel — Sputnik. Daxili işlər orqanlarının əməkdaşları tərəfindən şənbə və bazar günlərində respublika ərazisində 17 nəfər aktiv koronavirus xəstəsi ictimai yerlərdə aşkar edilərək saxlanılıb.

Bu barədə Daxili İşlər Nazirliyinin (DİN) Mətbuat xidmətindən məlumat verilib.

Polis əməkdaşları onlarla izahedici söhbətlər aparıb, tibbi prosedurları gözləməklə yaşadıqları evə qaytarıb, bu barədə müvafiq səhiyyə qurumları məlumatlandırılıb.

Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə 2 nəfər barəsində cinayət işi başlanılıb.

Hazırda istintaq araşdırmaları davam etdirilir.

"Bir daha vətəndaşlarımızdan koronavirusla əlaqədar tətbiq edilmiş xüsusi karantin rejimindən irəli gələn bütün tələb və qadağalara ciddi riayət etmələrini xahiş edirik", - Mətbuat xidmətindən bildirilib.

0

Yevlax Sabirabadda ağır cinayətin qarşısı alınıb

6
(Yenilənib 10:25 12.04.2021)
Yevlax RPŞ-nin əməkdaşları tərəfindən həyata keçirilmiş növbəti tədbirlər zamanı rayon sakini Elvin Əliyevin yaşadığı evin həyətində qonaqların iştirakı ilə özünə toy məclisi təşkil etdiyi müəyyən edilib.

BAKI, 12 aprel — Sputnik. Daxili işlər orqanlarının əməkdaşları tərəfindən karantin rejimi qaydalarının pozulması hallarının qarşısının alınması istiqamətində tədbirlər davam etdirilir.

DİN-in mətbuat xidmətinin Bərdə regional qrupundan verilən məlumata görə, Sabirabad RPŞ-nin əməkdaşları tərəfindən həyata keçirilmiş növbəti tədbirlər zamanı Qarağac kənd sakini Etibar Qocayevin yaşadığı evin həyətində qonaqların iştirakı ilə övladına toy məclisi təşkil etdiyi müəyyən edilib.

Həmin ünvana baxış keçirilən zaman sanitar-epidemioloji və karantin qaydalarının pozulduğu aşkar edilib. Polis əməkdaşları tərəfindən qayda pozuntusuna yol vermiş 9 nəfər barəsində qanunamüvafiq tədbirlər yerinə yetirilib.

Yevlaxda da toy məclisi aşkarlanıb. Yevlax RPŞ-nin əməkdaşları tərəfindən həyata keçirilmiş növbəti tədbirlər zamanı rayon sakini Elvin Əliyevin yaşadığı evin həyətində qonaqların iştirakı ilə özünə toy məclisi təşkil etdiyi müəyyən edilib. Həmin ünvana baxış keçirilən zaman sanitar-epidemioloji və karantin qaydalarının pozulduğu aşkar edilib. Polis əməkdaşları tərəfindən qayda pozuntusuna yol vermiş 6 nəfər barəsində qanunamüvafiq tədbirlər yerinə yetirilib.

6