Bakıda qar 24 fevral 2021 il

Paytaxtın buz tutan əraziləri - Vaqif Əsədov təhlükə barədə xəbərdarlıq etdi - FOTO

19
(Yenilənib 12:29 24.02.2021)
"Səhər saatlarında 9 belə avtomobil yolun hərəkət hissəsində xarab olaraq qalıb ki, bu da həmin ərazilərdə süni sıxlığa səbəb olub" - Vaqif Əsədov

Nigar İsgəndərova, Sputnik Azərbaycan

BAKI, 24 fevral — Sputnik. "20 Yanvar" ərazisindəki körpünün üzəri ilə Sumqayıt istiqamətinə gedən yolda buzlaşma ehtimalı var. Bəzi tunellərin girişi və çıxışında hərəkətlə bağlı sürüşmə ehtimalı var".

Bu barədə Sputnik Azərbaycan-a açıqlamasında Dövlət Yol Polisi İdarəsinin bölmə rəisi, polis polkovniki Vaqif Əsədov deyib.

  • Bakıda qar təmizləyən texnika 24 fevral 2021 il
    © AR Ministry of Internal Affairs
  • Bakıda qar təmizləyən texnika 24 fevral 2021 il
    © AR Ministry of Internal Affairs
  • Bakıda qar təmizləyən texnika 24 fevral 2021 il
    © AR Ministry of Internal Affairs
1 / 3
© AR Ministry of Internal Affairs
Bakıda qar təmizləyən texnika 24 fevral 2021 il

O bildirib ki, eyni zamanda da paytaxtın hündür ərazilərində də bu risk yaşanır: "Paytaxtın Yasamal, Yeni Günəşli və Biləcəri enişində hərəkətlə bağlı çətinliklər yaranıb. Buna baxmayaraq, bu ərazilərdə xidmət aparan əməkdaşlarımız sürücülərə yardım edirlər ki, avtomobillər yolun hərəkət istiqamətindən çıxarılsın".

V.Əsədov texniki cəhətdən nasaz, istismara yararsız avtomobillərin sürücülərinə də səslənib: "Texniki cəhətdən nasaz hesab edilən avtomobil sürücülərinə də müraciət edirik. Baxın, səhər saatlarında 9 belə avtomobil yolun hərəkət hissəsində xarab olaraq qalıb ki, bu da həmin ərazilərdə süni sıxlığa, sürücülərin ləngiməsinə səbəb olub. Sürücülərdən tələb edirik ki, tövsiyələrə düzgün riayət etsinlər, yol-hərəkəti haqda qaydalara əməl etsin".

Qeyd edək ki, fevralın 23-ü saat 16-dan etibarən Azərbaycanda hava soyuyub. Güclü şimal küləyi əsib, qar yağmağa bağlayıb. Bu gün səhər paytaxtda havanın temperaturu mənfi 5 dərəcə C-yə düşüb. Bir çox yollar buz bağlayıb.

19
Teqlər:
sürüşmə, buz, yol, Bakı
Təcili yardım avtomobili

Bakıda binanın damında gənc qızın meyiti tapıldı

9
(Yenilənib 10:27 21.04.2021)
Müraciətlə əlaqədar FHN-in Xüsusi Riskli Xilasetmə Xidmətinin müvafiq xilasetmə qüvvələri göstərilən ünvana cəlb olunub.

BAKI, 21 aprel — Sputnik. Bakıda binanın damında 25 yaşlı qızın meyiti tapılıb. Sputnik Azərbaycan Fövqaladə Hallar Nazirliyinin saytına istinadən xəbər verir ki, Fövqəladə Hallar Nazirliyinin "112" qaynar telefon xəttinə Bakı şəhərinin Nəsimi rayonunda binanın damında aşkarlanmış 1 nəfərin meyitinin götürülməsinə köməklik göstərilməsi üçün müraciət daxil olub.

Müraciətlə əlaqədar FHN-in Xüsusi Riskli Xilasetmə Xidmətinin müvafiq xilasetmə qüvvələri göstərilən ünvana cəlb olunub. Görülən tədbirlər nəticəsində 1996-cı il təvəllüdlü Hüseynova Ceyla Elxan qızının meyiti beşmərtəbəli yaşayış binasının damından götürülüb və aidiyyəti üzrə təhvil verilib.

9
Rövşən Binnətli

İdman şərhçisi: “Kim sənə səlahiyyət verib ki, belə bir bəyanat verirsən?!”

66
(Yenilənib 00:51 21.04.2021)
İdman şərhçisi Rövşən Binnətli deyir ki, bu gün dünyaca tanınmış klublar sabahkı aqibətlərini dərketmə gücünü özlərində tapacaqlar
Rövşən Binnətli: “Superliqa futbola qarşı edilmiş böyük bir düşmənçilikdir”

UEFA ilə klublar arasında Avropa Superliqasının yaradılması qalmaqalı davam edir. Qitə futbol qurumu Superliqaya qatılacaq klubları sanksiyalarla hədələsə də, klublar istəyindən əl çəkmək niyyətində deyil.

İdman şərhçisi Rövşən Binnətli Sputnik Azərbaycan-a deyir ki, bu gün Superliqaya qatılmağa razılıq vermiş komandalar tək Avropa qitəsində deyil, həm də dünyanın top komandaları siyahısındadır: “Bu turnirdə iştirak edən klublardan hansılarsa autsayder olacaq. Bu, azarkeşlərin narazılığına gətirib çıxaracaq və sonda klub üçün itkilərlə nəticələnəcək. Ona görə də belə bir liqanın təşkilini futbola xidmət kimi qəbul etmirəm. Düşünürəm ki, bu, futbolda dağıdıcı missiyadır. Bu turnir özlüyündə hər hansı motivasiyaedici xüsusiyyət daşımır və hansısa mərkəzə gedib bağlanmır. Florentino Peres deyir ki, liqada çıxış edən futbolçuların dünya və Avropa çempionatlarında iştiraklarına əngəl olmayacaq. Axı kim sənə bu səlahiyyəti verib ki, belə bir bəyanat verirsən?! Əgər UEFA qərar versə, həmin futbolçular necə iştirak edə bilərlər axı?! Mən düşünürəm ki, bu məsələnin sonunda sağlam düşüncə qalib gələcək. İnanıram ki, bu gün dünyaca tanınmış klublar sabahkı aqibətlərini dərketmə gücünü özlərində tapacaqlar. Mənə görə, bu, futbola qarşı edilmiş böyük bir düşmənçilikdir”.

Rövşən Binnətlinin geniş şərhinə audiofaylda qulaq asa bilərsiniz

66
Teqlər:
klublar, UEFA, futbol
Evdən icazəsiz çıxan koronavirus xəstəsi

Şəki Oğuzda koronavirus xəstələri ictimai yerlərdə aşkarlanıb

0
(Yenilənib 11:40 21.04.2021)
Digərlərinin də sağlamlığı üçün təhlükə yaradan E.Bayraməliyev və H.Lətifov barəsində araşdırma aparılır

BAKI, 21 aprel — Sputnik. Şəki və Oğuz Rayon Polis Şöbələrinin əməkdaşları tərəfindən keçirilən tədbirlər zamanı aktiv koronavirus xəstələri ictimai yerlərdə aşkarlanıb.

Daxili İşlər Nazirliyinin Mətbuat Xidmətinin Şəki regional qrupundan Sputnik Azərbaycan-a verilən məlumata görə, ev şəraitində müalicəyə cəlb edilən Oğuz rayon sakini Elxan Bayraməliyev və Şəki şəhər sakini Hamil Lətifova sosial izolyasiya qaydalarına riayət edərək yaşadıqları ünvanları tərk etməmələri barədə xəbərdarlıq olunmasına baxmayaraq, onlar polis əməkdaşları tərəfindən küçədə aşkarlanıb. Həmin şəxslər evlərinə geri qaytarılıb.

Digərlərinin də sağlamlığı üçün təhlükə yaradan E.Bayraməliyev və H.Lətifov barəsində araşdırma aparılır.

 

0