Ət, arxiv şəkli

Yanacaq su bahalaşandan ət ucuzlaşıb, çünki camaatın onu almağa pulu yoxdur - ekspert

87
(Yenilənib 15:02 20.02.2021)
Natiq Cəfərli: "Digər xərclər (məsələn, kommunal) artdıqca, ət məhsullarının alınması üçün vəsaitin daha az xərclənməsinin şahidi oluruq. Bu da tələbin azalması, yəni qiymətlərin aşağı düşməsinə səbəb olan amilə çevrilib".

Xalid Məmmədov, Sputnik Azərbaycan

BAKI, 20 fevral — Sputnik. "Ətin qiymətində kəskin və bütün yerlərdə hiss ediləcək qədər ucuzlaşma yoxdur". Bunu iqtisadçı Natiq Cəfərli Sputnik Azəraycan-a son vaxtlar ətin ucuzlaşması məsələsindən danışarkən deyib.

İqtisadçı bildirib ki, məsələn, iri market şəbəkələrində ucuzlaşma hiss edilmir və qiymətlər dəyişməyib: "Lakin bəzi məhəllə qəssablarında, kiçik dükanlarda ətin qiyməti 50 qəpik-1 manat civarında ucuzlaşıb".

Onun fikrincə, ucuzlaşmanın əsas iki səbəbi ola bilər: "Birinci səbəb alıcılıq qabiliyyətinin aşağı düşməsidir. Əhalinin alıcılıq qabiliyyəti azaldıqca, ətin qiymətində də dəyişiklik olur. Yanvar ayından başlayaraq bir sıra ərzaq məhsullarının qiymətində ciddi artımlar müşahidə edilir. Digər xərclər (məsələn, kommunal) artdıqca, ət məhsullarının alınması üçün vəsaitin daha az xərclənməsinin şahidi oluruq. Bu da tələbin azalması, yəni qiymətlərin aşağı düşməsinə səbəb olan amilə çevrilib. İkinci səbəb xaricdən ət idxalının artması ilə bağlı ola bilər. Son 3 ildə ət idxalının artması tendensiyası davam edir. Həmin ətlər birbaşa bazara çıxarılmasa da, lakin ətdən istifadə edilən sahələrə yönəldilir. Ona görə yerli ətlərin həmin istiqamətlərə yönəlməsi azalır. Bu da məhsulun bolluğuna səbəb olan amilə çevrilir".

"Bir müddət iri market şəbəkələrində ətin qiyməti sabit qala bilər. Lakin burada da alıcılıq qabiliyyəti, yəni satışın həcmi aşağı düşdükcə, qiymətlərdə endirimə getməyə məcbur olacaqlar. Əgər bu tendensiya kiçik dükanlarda davam etsə, iri marketlər də məcburən qiyməti aşağı salacaqlar", - deyə o qeyd edib.

"Dizelin bahalaşması ətin qiymətinə təsir edəcəkmi?" sualına ekspert belə cavab verib: "Əsasən yemlər daşınarkən dizel yanacağından istifadə olunur. Müəyyən dərəcədə dizelin bahalaşmasının məhsulun maya dəyərinə təsiri olacaq. Hələlik logistikada müəyyən təsirləri var, amma əkin-biçinə təsiri təxminən mart ayından sonra daha çox hiss olunacaq. O zaman yemin qiymətində dəyişiklik ola bilər, hətta artım da mümkündür. Beləcə, ətin qiymətinin aşağı düşməsi tendensiyası dayana bilər. Lakin ən azından mart ayınadək ətin ucuzlaşmasının davam etməsi mümkündür".

87
На месте крушения вертолета в Турции

Türkiyədə baş verən helikopter qəzasının ilkin səbəbləri açıqlandı

3
(Yenilənib 08:26 05.03.2021)
Akar faciənin ilk dəqiqələrindən etibarən aidiyyəti dövlət qurumlarının axtarış və xilasetmə işləri, ölənlərin və yaralananların cəsədlərinin təxliyəsi üçün bütün qüvvələri səfərbər etdiyini bildirib.

BAKI, 5 mart — Sputnik. Türkiyənin şərqində hərbi helikopterin qəzaya uğraması hava şəraitinin qəfil pisləşməsi ilə bağlıdır.

APA xəbər verir ki, bunu ölkənin milli müdafiə naziri Hulusi Akar bildirib.

“İlkin məlumatlara və şahid ifadələrinə görə, helikopterin qəzaya uğraması qəfildən pisləşən hava ilə əlaqədardır”, - nazir Akar belə deyib.

Nazir faktla bağlı istintaq araşdırmalarına başlanılacağını deyib: “Hadisənin dəqiq səbəbi ətraflı araşdırmadan sonra müəyyənləşdiriləcək”.

H.Akar faciənin ilk dəqiqələrindən etibarən aidiyyəti dövlət qurumlarının axtarış və xilasetmə işləri, ölənlərin və yaralananların cəsədlərinin təxliyəsi üçün bütün qüvvələri səfərbər etdiyini bildirib.

Qeyd edək ki, Türkiyənin milli müdafiə naziri Hulusi Akar hərbi helikopterin qəzaya uğradığı bölgəyə gedərək, hadisənin təfərrüatları ilə yerində tanış olub. Baş qərargah rəisi general Yaşar Gülər ​​və Quru Qoşunları komandanı Ümit Dündar da naziri müşayiət edib.

Bitlisdəki hərbi helikopter qəzasında 11 hərbçi həlak olub.

Şəhidlərin arasında 8-ci Korpus komandiri, general-leytenant Osman Erbaşın da adı var.

3
Oğlan, arxiv şəkli

Daha bir telefon mağazasından oğurluq olub

11
Yasamal ərazisindəki mağazaların birindən 10.000 manat dəyərində 20 ədəd mobil telefon oğurlamaqda şübhəli bilinən əvvəllər dəfələrlə məhkum olunmuş A.Yusifov saxlanılıb.

BAKI, 4 mart — Sputnik. Yasamalda telefon mağazasından 10.000 manat dəyərində mobil telefon, moped və 2 ədəd motosiklet oğurlayan şəxslər saxlanılıblar. Bu bardəə Daxili İşlər Nazirliyindən Sputnik Azərbaycan-a verilən məlumatda bildirilib.

Qeyd olunub ki, Yasamal Rayon Polis İdarəsinin (RPİ) 27-ci Polis Bölməsinin (PB) əməkdaşlarının keçirdikləri əməliyyat-axtarış tədbirləri nəticəsində rayon ərazisindəki mağazaların birindən 10.000 manat dəyərində 20 ədəd mobil telefon oğurlamaqda şübhəli bilinən əvvəllər dəfələrlə məhkum olunmuş A.Yusifov saxlanılıb. Saxlanılan şəxsin ətrafında aparılmış tədbirlərlə onun paytaxt sakini Kamil Xasıyevlə birgə Bakı şəhər sakini olan 1 nəfərin mopedini, 2 şəxsin isə “Yamaha” və “Haojue” markalı motosikletlərini qaçırmaları da müəyyən edilib. Bölmə əməkdaşları tərəfindən həyata keçirilən əməliyyat-axtarış tədbirləri nəticəsində K.Xasiyev də saxlanılaraq istintaq təqdim edilib.

Faktla bağlı 27-ci Polis Bölməsində saxlanılan şəxslər barəsində toplanan materiallar Yasamal RPİ-nin İstintaq Şöbəsinə göndərilib, araşdırmalar davam etdirilir. 

11