Mingəçevirdə qəzalı yaşayış evi

"Nur şəhəri" niyə "çirkab şəhəri"nə çevrilir - Sakinlərin harayı

43
(Yenilənib 12:16 19.02.2021)
Mikayıl Müşviq küçəsi 3-də yerləşən binanın ən yaşlı sakini Şöbə Əliyeva 65 ildir hazırda qəzalı olan binada yaşayır. O, son bir neçə ildə acınacaqlı vəziyyətə düşən 2 mərtəbəli binada şəraitsizlikdən nəvəsini evləndirə bilmədiyini bildirib.

Rahim Məmmədov, Sputnik Azərbaycan

BAKI, 19 fevral — Sputnik. Mingəçevir ölkənin 4-cü böyük şəhəridir. Buranın adı çəkiləndə ilk olaraq ağıla gələn Kür çayı, burada yerləşən İstilik Elektrik Stansiyası olur. Son illər “Nur şəhəri” nə turizm bölgəsi kimi də səfərlər artıb. 1948-ci ildə salınan Mingəçevir səliqəli küçələri, parkları, xiyabanları ilə göz oxşayır. Amma illər keçdikcə şəhər salınan vaxtı inşa edilən bəzi binalar yararsız vəziyyətə düşüb. 73 il əvvəl taxta konstruksiya ilə inşa edilmiş Təbriz  küçəsi 2/17 və Mikayıl Müşviq 3 ünvanında yerləşən 2 mərtəbəli binalar hazırda təhlükəli vəziyyətdədir. Burada yaşayan sakinlər bildirir ki, binalar o dövrdə necə inşa edilibsə eldə qalıb. Yəni mənzillərdə nə hamam otağı var, ayaqyolu isə həyətdə ümumi istifadədədir. Bina sakini Nabat Həmidova Sputnik Azərbaycan-la söhbətində kanalizasiya xəttinin olmadığını, bu səbəbdən çirkli suları qablara yığıb əlləri ilə daşıdıqlarını deyib: 

“Hansı əsrdir, hansı dövrdür, şəhərdə su qızıdırıb üzr istəyrəm, vannada yuyunasan. Mən əlimi yumaq üçün gözləməliyəm ki, uşağım dursun mənim əlimə su töksün, mən əl-üzümü yuyum. Sonra da o çirkli suyu aparıb atmalıyıq harasa. Gecə olan da ümumiyyətlə problemdir. Bizim evdən 500 metr məsafə var ayaqyolu arasında, işıq yox, lap olsa da gecə hara getsin camaat? 2014-cü ildə şəxsən Fövqəladə Hallar Naziri Kəmaləddin Heydərov özü bura gəlib baxış keçirib. Binanın qəzalı olması haqda dəfələrlə aktlar tərtib olunub. O, cümlədən də həmin vaxt akt tərtib olunub. Bir il müddətinə bizim yəni bu binaların köçürülməsi və bizi yeni mənzillərlə təmin edilməsi haqqında söz verilib. O vaxtdan da biz gözləyirik”.

© Sputnik / Rahim Mammadov
Mingəçevirdə qəzalı yaşayış evinin sakini

Mikayıl Müşviq küçəsi 3-də yerləşən binanın ən yaşlı sakini Şöbə Əliyeva 65 ildir hazırda qəzalı olan binada yaşayır. O, Sputnik Azərbaycan-a açıqlamasında son bir neçə ildə acınacaqlı vəziyyətə düşən 2 mərtəbəli binada şəraitsizlikdən nəvəsini evləndirə bilmədiyini bildirib:

“10 ildir mənim nəvəm əsgərikdən gəlib, hələ ailə qura bilmir. Heç bir qapıya elçi gedə bilmirik ev dərdindən. Binada ayaqyolu yox, hamam yox. Aftafanı götürüb düşürəm aşağı. Mən 90 yaşında arvad necə düşüm? Cavan vaxtı düşmüşəm, daha indi düşə bilmirəm. 1956-dan da burada yaşıyram”.

  • Mingəçevirdə qəzalı yaşayış evinin sakini
    © Sputnik / Rahim Mammadov
  • Mingəçevirdə qəzalı yaşayış evi
    © Sputnik / Rahim Mammadov
  • Mingəçevirdə qəzalı yaşayış evi
    © Sputnik / Rahim Mammadov
  • Mingəçevirdə qəzalı yaşayış evinin sakini Şöbə Əliyeva
    © Sputnik / Rahim Mammadov
  • Mingəçevirdə qəzalı yaşayış evinin sakini Yaver Ibrahimova
    © Sputnik / Rahim Mammadov
  • Mingəçevirdə qəzalı yaşayış evinin sakini Nabat Hemidova
    © Sputnik / Rahim Mammadov
1 / 6
© Sputnik / Rahim Mammadov
Mingəçevirdə qəzalı yaşayış evinin sakini

İllərdir adıçəkilən ünvan yaşayanlar binanın külək, yağışdan sonra hər an çökəcəyindən narahatdılar. Həmçinin burada həşəratların çoxluğu sakinləri qorxuya salıb. Bina sakini Yavər İbrahimova deyir ki, bəzən gecələri yatmırlar.

“Evdə hər cür həşərət olur. Siçovullar, ilan, qurbağa. Allaha and olsun kələz də olur, gecəni səhərə kimi qorxa-qorxa yatırıq. Səhər açılanda sevinirik ki, nə yaxşı işıqlandı buralar. Gündüz vaxtı o həşəratlar çoxda yaxın gəlmir adama. Hara baxırsan siçovulla doludur” - deyə o bildirib.

Qeyd edək ki, hazırda qəzalı vəziyyətdə olan bina sakinləri üçün 6 il öncə, 40 mənzilli bina tikilməsi üçün şəhər ərazisində yer ayrılıb. Müvafiq sənədlər isə adiyyatı qurumlara göndərilib. Bu haqda Sputnik Azərbaycan-a Mingəçevir Şəhər İcra Hakimiyyətindən məlumat verilib.

43
Oğlan, arxiv şəkli

Daha bir telefon mağazasından oğurluq olub

11
Yasamal ərazisindəki mağazaların birindən 10.000 manat dəyərində 20 ədəd mobil telefon oğurlamaqda şübhəli bilinən əvvəllər dəfələrlə məhkum olunmuş A.Yusifov saxlanılıb.

BAKI, 4 mart — Sputnik. Yasamalda telefon mağazasından 10.000 manat dəyərində mobil telefon, moped və 2 ədəd motosiklet oğurlayan şəxslər saxlanılıblar. Bu bardəə Daxili İşlər Nazirliyindən Sputnik Azərbaycan-a verilən məlumatda bildirilib.

Qeyd olunub ki, Yasamal Rayon Polis İdarəsinin (RPİ) 27-ci Polis Bölməsinin (PB) əməkdaşlarının keçirdikləri əməliyyat-axtarış tədbirləri nəticəsində rayon ərazisindəki mağazaların birindən 10.000 manat dəyərində 20 ədəd mobil telefon oğurlamaqda şübhəli bilinən əvvəllər dəfələrlə məhkum olunmuş A.Yusifov saxlanılıb. Saxlanılan şəxsin ətrafında aparılmış tədbirlərlə onun paytaxt sakini Kamil Xasıyevlə birgə Bakı şəhər sakini olan 1 nəfərin mopedini, 2 şəxsin isə “Yamaha” və “Haojue” markalı motosikletlərini qaçırmaları da müəyyən edilib. Bölmə əməkdaşları tərəfindən həyata keçirilən əməliyyat-axtarış tədbirləri nəticəsində K.Xasiyev də saxlanılaraq istintaq təqdim edilib.

Faktla bağlı 27-ci Polis Bölməsində saxlanılan şəxslər barəsində toplanan materiallar Yasamal RPİ-nin İstintaq Şöbəsinə göndərilib, araşdırmalar davam etdirilir. 

11
Koronavirusa qarşı peyvənd Pfizer-BioNTech, arxiv şəkli

İcbari Tibbi Sığorta üzrə Dövlət Agentliyi ÜST-ə etirazını bildirdi

290
Agentlik: Azərbaycanın “Pfizer-BioNTech” vaksinlərini əldə edəcək 18 ölkə siyahısına daxil edilməməsi aydın deyil

BAKI, 4 mart - Sputnik. İcbari Tibbi Sığorta üzrə Dövlət Agentliyi (Agentlik) Azərbaycanın COVAX platforması çərçivəsində “Pfizer-BioNTech” vaksinlərini əldə edəcək 18 ölkə siyahısına daxil edilməməsi barədə Ümumdünya Səhiyyə Təşkilatının (ÜST) qeydi ilə razı deyil.

Agentlikdən bildirilib ki, ÜST tərəfindən verilən məlumatda 29 yanvar tarixinədək COVID-19 peyvənd proqramına başlamış iştirakçı ölkələr “Pfizer-BioNTech” peyvəndinin birinci müstəsna paylanma mərhələsinə daxil edilmədiyi qeyd olunub:

“Bu əsaslandırma aydın deyil və bununla bağlı müddəalar heç bir hüquqi sənəddə və rəsmi yazışmalarda öz əksini tapmayıb. Azərbaycan ÜST-ün tövsiyələrini nəzərə alaraq vaksinasiya strategiyasını təsdiqləyib və vaksinlərin qəbulu üçün bütün texniki tələbləri yerinə yetirib.

Ötən il yaradılmış COVAX platformasının “SARS-CoV-2” virusuna qarşı vaksinlərin hazırlanması təşəbbüsünü yüksək qiymətləndirən və bu əməkdaşlığa ilk qoşulan 50 ölkədən biri də məhz Azərbaycan Respublikasıdır”.

Məlumatda qeyd olunub ki, Azərbaycan vaksinlərin dünya ölkələri arasında ədalətlilik və həmrəylik prinsipləri ilə bölgüsünün tərəfdarıdır:

“Təəssüflə qeyd etmək istərdik ki, təcrübədə bunun əksini görürük.

Bir daha vurğulayırıq ki, Azərbaycan ilk gündən ÜST-ün tövsiyələrinə uyğun fəaliyyət göstərməklə yanaşı, COVID-19-la mübarizə çərçivəsində həyata keçirilən əməkdaşlıqlara öz töhfəsini vermişdir və vətəndaşlarının sağlamlığı üçün qarşıya qoyulmuş bütün öhdəlikləri yerinə yetirməyə bu gün də davam edir”.

Bildirilib ki, COVAX-la yazışmalarda Azərbaycanın bu vaksinləri infrastruktur baxımından qəbul etməyə tam hazır olduğu bildirilib:

“Bu gün COVAX layihəsi faktiki olaraq öz öhdəliklərini yerinə yetirə bilmir. Vaksinlərin düzgün paylaşdırılmasında ədalətsiz yanaşma birbaşa bu layihənin icrasında ciddi problemlərin olmasından xəbər verir.  Hesab edirik ki, COVAX layihəsi çərçivəsində bu proses nəzarətdə saxlanılmalı və istehsalçı şirkətlər qarşısında konkret tələblər qoyulmalıdır. 

Agentlik mövqeyini COVAX-a göndərilən rəsmi məktubda bildirib və təşəbbüskar qurumları qərara yenidən baxmağa çağırıb”.

290