Qəbələdə şəhid bulağı

Savab, yaddaş, borc: Qəbələ sakinləri 19 yaşlı gənci əbədi yaşadacaqlar - FOTO

45
(Yenilənib 15:36 18.02.2021)
Qəbələ sakinləri Vətən müharibəsində igidlik göstərərək şəhid olmuş 19 yaşlı gəncin uzun illər hörmətlə yad olunmasını istəyirlər.

İbrahim Həşimov, Sputnik Azərbaycan

BAKI, 18 fevral — Sputnik. Qəbələnin "Yeni məhəllə" adlanan yaşayış massivinin sakinləri 19 yaşlı şəhid Ağaşirin Babayevin xatirəsini əziz tutmaq üçün ibrətamiz addım atıblar. Sakinlərin təşəbbüsü ilə müvafiq ərazi təmizlənib və abadlaşdırılıb. Sonra isə bağda 60-dan artıq meyvə ağacı əkilib. Bağın yanında isə bulaq inşa edilib. Şəhidin müəllimi Hacı Şahmurov deyir ki, bağın salınmasında məqsəd şəhidin daim yaddaşlarda qalmasına nail olmaqdır.

"10 sot ərazidə öz təşəbbüsümüzlə bu cür yer düzəltməyə çalışmışıq. Məqsədimiz odur ki, buradan keçənlər, bulaqdan su içənlər şəhidi yad etsinlər. Bilsinlər ki, belə bir igidimiz olub. Çünki Ağaşirin hamımızın fəxridir".

Şəhidin əmisi, Birinci Qarabağ müharibəsinin iştirakçısı Mehrac Babayev bildirir ki, sakinlər hər şeyi öz hesablarına ediblər.

© Sputnik / Ibrahim Hashimov
Qəbələdə şəhid bulağı

"Mən də Qarabağda döyüşmüşəm. Bilirəm ki, 30 il pusqu quran düşmənlə Ağaşiringil necə çətinliklərlə döyüşüblər. Çünki ermənilər orada güclü istehkam qurmuşdular. Biz onunla fəxr edirik. Məhəllə sakinləri də onun adını əbədiləşdirmək üçün bağ saldılar, bulaq tikdilər. Biz də kömək eləmək istədik, razı olmadılar", – deyə Mehrac Babayev qeyd edib.

Şəhid Ağaşirinin atası Firuz Babayev də oğlu ilə qürür duyduğunu deyir. "Ağaşirin 3 bacının tək qardaşı idi. Həmişə danışanda deyirdi ki, hərbi hissədəyik, hər şey yaxşıdır. Döyüşdə olduğunu gizlədirdi. Sonuncu dəfə noyabrın 2-də günorta zəng edib. Dedi ki, 2-3 gün zəng eləməsəm, narahat olmayın. Ondan sonra daha zəng gəlmədi. Bir neçə gün sonra Xocavənddə şəhid olduğunu öyrəndik. Sakinlər də onun xatirəsinə belə bağ saldılar. Hamıya təşəkkür edirəm".

  • Hacı Şahmurov
    © Sputnik / Ibrahim Hashimov
  • Qəbələdə şəhid bulağı
    © Sputnik / Ibrahim Hashimov
  • Mehrac Babayev
    © Sputnik / Ibrahim Hashimov
  • Qəbələdə şəhid bulağı
    © Sputnik / Ibrahim Hashimov
1 / 4
© Sputnik / Ibrahim Hashimov
Hacı Şahmurov

Şəhidin anası Əsli Babayeva da oğlunun vətənpərvər insan olduğunu, bu səbəbdən də hamının hörmətini qazandığını deyib.

"Oğlum hərbi xidmətə sevinə-sevinə getdi. Bir ilin əsgəri idi. Hücum əmri verilən kimi o da döyüşlərə qatılıb. İdmanla məşğul olurdu, ən böyük arzusu Azərbaycan bayrağını başqa ölkələrdə ucaltmaq idi. Amma özü ən uca zirvəyə yüksəldi. Uşaqla uşaq, böyüklə böyük idi. Ona görə də hamının sevimlisi idi", – Əsli Babayeva vurğulayıb.

Sakinlər yaşadıqları bu məhəlləyə şəhid Ağaşirin Babayevin adının verilməsi üçün də Qəbələ Rayon İcra Hakimiyyətinə müraciət ediblər.

45
Palmali Holdingin rəhbəri Mübariz Mənsimov

Mübariz Mənsimov azadlığa buraxılır? - Haqqında yeni tələb var

8
(Yenilənib 21:08 03.03.2021)
Bu il yanvarın 13-də Mübariz Mənsimovun növbəti məhkəmə iclası keçirilmiş və bu il martın 5-dək təxirə salınmışdı

BAKI, 3 mart — Sputnik. Azərbaycanlı iş adamı, Türkiyədə FETÖ ilə əlaqədə ittiham edilərək həbs olunan və İstanbul 27-ci Ağır Cəza Məhkəməsində haqqında cinayət işi açılan Mübariz Mənsimov azadlığa çıxa (ev dustaqlığına buraxıla) bilər.

Sputnik Azərbaycan Habertürk-ə istinadən bildirir ki, İstanbul Baş Prokurorluğu Mübariz Mənsimovun təxliyəsini istəyib. Baş Prokurorluğun tələbnaməsində qeyd olunur: "Məhkəmə prosesinin gəldiyi mərhələ: müttəhimə cinayətə görə nəzərdə tutulan/veriləcək cəzanın miqdarı, şübhəlinin həbsdə saxlanılma müddəti, həbs qətimkan tədbiri, tədbirdən gözlənilən fayda məhkəmə nəzarəti ilə əldə edilə bilər və evini tərk etməmək şərtilə məhkəmə nəzarətinin həyata keçirilməsinə qərar verilməsi tələb olunur".

Qeyd edək ki, bu il yanvarın 13-də Mübariz Mənsimovun növbəti məhkəmə iclası keçirilmiş və bu il martın 5-dək təxirə salınmışdı. 

İstanbul Baş Prokurorluğunun qərarı ilə "Palmali" Şirkətlər Qrupunun rəhbəri Mübariz Mənsimov ötən ilin mart ayında həbs edilib və onun yaşadığı evlərdə axtarış aparılıb. Türkiyə mətbuatının xəbərinə görə, onu Fətullah Gülənlə bağlı aparılan istintaq çərçivəsində saxlayıblar.

8
Teqlər:
Baş Prokurorluq, İstanbul, məhkəmə, azərbaycanlı iş adamı Mübariz Mənsimov
Qarabağda Rusiya sülhməramlıları, arxiv şəkli

Sosial şəbəkədə yayılan memorandum mətni Ermənistanı qarışdırıb: hökumət cavabdan yayınır

36
(Yenilənib 20:38 03.03.2021)
Sosial şəbəkələrdə Gorus - Davud bəy və Qafan - Çakaten ("Azərbaycana xoş gəlmisiniz!" lövhəsinin quraşdırıldığı kənd - red.) yolunda təhlükəsiz hərəkətin təşkil olunması barədə memorandumun qeyri-rəsmi mətni yayılıb

BAKI, 3 mart — Sputnik. Ermənistan baş nazirinin müşaviri Tiqran Avinyan növbəti dəfə Sünik vilayətinin sərhədləri barədə Azərbaycanla imzalanmış memorandum barədə sualdan yayınıb. 

Bu barədə Sputnik Ermənistan yazır. 

Sosial şəbəkədə paylaşılan memorandumun mətni barədə suala cavab verən Avinyan deyib ki, hələ 2020-ci il dekabrın 19-da Ermənistanın Müdafiə Nazirliyi Sünik vilayətinin təhlükəsizliyinin təminatı barədə məlumat yayıb.

"Biz daim təkrarlayırıq ki, bu razılaşma hələ 2020-ci ilin dekabrında əldə edilib. Rusiya tərəfi Azərbaycanla razılaşdırıb. Mən də bu tribunadan bu barədə məlumat vermişəm, dekabrın 19-da bəyan olunan məlumatı təsdiqləmişəm. Əlavə izaha ehtiyac yoxdur", - Avinyan söyləyib. 

"Maariflənmiş Ermənistan" fraksiyasının deputatı Taron Simonyan Avinyana belə bir sənədin imzalanması barədə, ona kimin qol çəkməsi və bu sənədin təzyiq altında imzalanıb-imzalanmaması barədə yenidən sual verib. Simonyan vurğulayıb ki, bu cür sənəd yalnız parlamentin ratifikasiyasından keçəndən sonra həyata keçirilə bilərdi, bu isə olmayıb. 

"Əgər hökumət hər şeyi müstəqil surətdə təşkil edib, özü də bu sənədə riayət edirsə, deməli, ölkədə hökumət qəsb edilib", - Simonyan deyib.

Avinyan isə suallara cavab verməyərək bircə onu bildirib ki, "bu sualla bağlı heç bir hüquqi problem yoxdur və olmayacaq".

Sosial şəbəkələrdə Gorus - Davud bəy və Qafan - Çakaten ("Azərbaycana xoş gəlmisiniz!" lövhəsinin quraşdırıldığı kənd - red.) yolunda təhlükəsiz hərəkətin təşkil olunması barədə memorandumun qeyri-rəsmi mətni yayılıb. 

Ermənistanın Müdafiə Nazirliyi hələ ötən ilin dekabrında aşağıdakı məzmunda məlumat yaydığına diqqət çəkib: "Əldə edilən razılaşmalara uyğun olaraq, fasiləsiz hərəkətin təminatı məqsədilə Gorus-Davud bəy yolunda Rusiya sərhəd qoşunlarının əsgərləri yerləşdirilir. Gorus-Qafan yolunun problemli ərazilərdən keçən, uzunluğu 21 km olan hissəsinin təhlükəsizliyini rus sərhədçiləri təmin edəcəklər. Təmas xətti boyunca qarşı-qarşıya Ermənistan və Azərbaycan orduları yerləşəcəklər. Yolun göstərilən hissəsinin təhlükəsizliyini təmin etmək üçün əlavə kompleks tədbirlər nəzərdə tutulur".

Sosial şəbəkədə yayılan memorandumun mətnində isə qeyd olunur ki: "2020-ci il dekabrın 18-də erməni tərəfi silahlı birləşmələrini Azərbaycan Respublikasının Zəngilan və Qubadlı rayonlarından çıxarır".

 

36