CƏMİYYƏT
Cəmiyyətin həyatında baş verən aktual hadisələr

Bəhram Bağırzadə peyvəndlə bağlı çağırış etdi

© Photo : Facebook / Bahram Arif BagirzadeBəhram Bağırzadə, arxiv şəkli
Bəhram Bağırzadə, arxiv şəkli - Sputnik Azərbaycan, 1920, 15.02.2021
Abunə olmaq
Bağırzadə bildirib ki, cəmiyyət iki hissəyə bölünüb – bəziləri peyvənd tərəfdarlarıdır, digərləri isə peyvənd olunmaq istəmirlər.

BAKI, 15 fevral — Sputnik. Əməkdar artist Bəhram Bağırzadə COVID-19 əleyhinə peyvənd olunmaqla bağlı cəmiyyətə çağırış edib.

Sputnik Azərbaycan xəbər verir ki, aktyor bu barədə Facebook səhifəsində yazıb. Bağırzadə bildirib ki, cəmiyyət iki hissəyə bölünüb – bəziləri peyvənd tərəfdarlarıdır, digərləri isə peyvənd olunmaq istəmirlər: "Bu mövzuda sizə məsləhət vermək fikrində deyiləm.

Ancaq kimsə mənə özümə peyvənd vurduracağım barədə sual verərsə, heç bir tərəddüd etmədən cavab verəcəyəm: "Bəli, bəli və yenə də bəli! Yalnız mən yox, ailəmin bütün üzvləri. Üstəlik dünən təxminən 65 yaşında olan çox yaxın qohumlarımdan biri artıq peyvənd olunub.

Bunu sizə 52 gününü klinikada və onun da 20 gününü komada keçirən bir insan kimi deyirəm. Heç kimə belə bir təcrübə arzulamaq istəməzdim. Buna görə düşünün və düzgün seçim edin.

Uca Allah dünyanın bütün insanlarını qorusun!"

Xəbər lenti
0