Gömrükdə it, arxiv şəkli

Xaricdən it-pişik avtomobillə Azərbaycana gəlmək istəyənlər üçün qəliz qaydalar

2273
(Yenilənib 00:47 15.02.2021)
Quru yolla, öz şəxsi avtomobili ilə Azərbaycana gələn şəxslər gömrük-keçid məntəqəsində nəqliyyat vasitələrinin rəsmiləşdirilməsi qiymətinə yaxın bir məbləğdə depozit qoymalıdırlar.

Zülfiyyə Quluyeva, Sputnik Azərbaycan

BAKI, 15 fevral — Sputnik. Koronavirus pandemiyası dövründə digər ölkələrdən Azərbaycana gəlmək istəyən şəxslərdən karantin qaydalarına əməl etmək tələb olunur. Elə xarici ölkə vətəndaşlarını da səfər edərkən maraqlandıran əsas məsələlərdən biri getdikləri ölkədə pandemiya dövründə tələb edilən qaydaların nələrdən ibarət olmasıdır. Sputnik Azərbaycan sərhəd və gömrük-keçid məntəqələrində digər ölkə vətəndaşlarından öz şəxsi avtomobilləri ilə gəldikdə, quru və hava yollu ilə ev heyvanlarını gətirdikdə hansı sənədlərin tələb edildiyini araşdırıb.

Dövlət Gömrük Komitəsindən Sputnik Azərbaycan-a bildiriblər ki, quru yolla Azərbaycana gələn digər ölkə vətəndaşları özləri ilə ev heyvanları gətirdikdə, mütləq həmin heyvanların pasportlarını, baytar müayinəsindən keçdiyini təsdiqləyən sənədləri də gömrük keçid məntəqəsində təqdim etməlidirlər. Gömrüyə təqdim olunan bütün sənədlər Azərbaycan dilində olmalıdır.

Əgər Azərbaycana digər ölkələrdən gələn şəxslər hava yolundan istifadə etdikdə özləri ilə birgə ev heyvanlarını da gətirirlərsə, bunun üçün də müəyyən qaydalardan məlumatlı olmalıdırlar.

AZAL-dan Agentliyə bildiriblər ki, hal-hazırda heyvanlar yalnız baqaj bölməsindən daşına bilər:

"Heyvanın reysə qeydiyyatdan keçirilməsi üçün uçuşa azı 24 saat qalmışa qədər sənədlər callcenter@azal.az ünvanına göndərilməlidir. Tələb olunan sənədlər bunlardır: 1) ev heyvanınızın pasportu və bütün peyvəndlərin qeydi; 2) baytar həkiminin arayışı. Həmçinin aviabiletin nömrəsi, qəfəsin ölçüləri, ev heyvanının qəfəslə birlikdə çəkisi, cinsi və yaşı qeyd edilməlidir. Yuxarıda göstərilən məlumatları aldıqdan sonra biz daşımanı təsdiq edə bilərik".

Quru yolla, öz şəxsi avtomobili ilə Azərbaycana gələn şəxslər gömrük-keçid məntəqəsində nəqliyyat vasitələrinə görə müəyyən məbləğdə depozit də qoymalıdırlar:

"Gömrükdə qoyulan depozit nəqliyyat vasitələrinin rəsmiləşdirilməsi qiymətinə yaxın bir məbləğ olur. Ölkədən çıxışda bu depozit həmin şəxsin özünə qaytarılır".

Onu da xatırladaq ki, quru yolla Azərbaycana digər ölkələrdən gələn vətəndaşlar Nazirlər Kabinetinə onlayn qaydada məktub yazmalı, Azərbaycana gəlmə səbəbini qeyd etməlidir. Bundan sonra həmin şəxsin müraciətinə baxılaraq cavab verilir.

2273
Oğlan, arxiv şəkli

Daha bir telefon mağazasından oğurluq olub

11
Yasamal ərazisindəki mağazaların birindən 10.000 manat dəyərində 20 ədəd mobil telefon oğurlamaqda şübhəli bilinən əvvəllər dəfələrlə məhkum olunmuş A.Yusifov saxlanılıb.

BAKI, 4 mart — Sputnik. Yasamalda telefon mağazasından 10.000 manat dəyərində mobil telefon, moped və 2 ədəd motosiklet oğurlayan şəxslər saxlanılıblar. Bu bardəə Daxili İşlər Nazirliyindən Sputnik Azərbaycan-a verilən məlumatda bildirilib.

Qeyd olunub ki, Yasamal Rayon Polis İdarəsinin (RPİ) 27-ci Polis Bölməsinin (PB) əməkdaşlarının keçirdikləri əməliyyat-axtarış tədbirləri nəticəsində rayon ərazisindəki mağazaların birindən 10.000 manat dəyərində 20 ədəd mobil telefon oğurlamaqda şübhəli bilinən əvvəllər dəfələrlə məhkum olunmuş A.Yusifov saxlanılıb. Saxlanılan şəxsin ətrafında aparılmış tədbirlərlə onun paytaxt sakini Kamil Xasıyevlə birgə Bakı şəhər sakini olan 1 nəfərin mopedini, 2 şəxsin isə “Yamaha” və “Haojue” markalı motosikletlərini qaçırmaları da müəyyən edilib. Bölmə əməkdaşları tərəfindən həyata keçirilən əməliyyat-axtarış tədbirləri nəticəsində K.Xasiyev də saxlanılaraq istintaq təqdim edilib.

Faktla bağlı 27-ci Polis Bölməsində saxlanılan şəxslər barəsində toplanan materiallar Yasamal RPİ-nin İstintaq Şöbəsinə göndərilib, araşdırmalar davam etdirilir. 

11
Koronavirusa qarşı peyvənd Pfizer-BioNTech, arxiv şəkli

İcbari Tibbi Sığorta üzrə Dövlət Agentliyi ÜST-ə etirazını bildirdi

270
Agentlik: Azərbaycanın “Pfizer-BioNTech” vaksinlərini əldə edəcək 18 ölkə siyahısına daxil edilməməsi aydın deyil

BAKI, 4 mart - Sputnik. İcbari Tibbi Sığorta üzrə Dövlət Agentliyi (Agentlik) Azərbaycanın COVAX platforması çərçivəsində “Pfizer-BioNTech” vaksinlərini əldə edəcək 18 ölkə siyahısına daxil edilməməsi barədə Ümumdünya Səhiyyə Təşkilatının (ÜST) qeydi ilə razı deyil.

Agentlikdən bildirilib ki, ÜST tərəfindən verilən məlumatda 29 yanvar tarixinədək COVID-19 peyvənd proqramına başlamış iştirakçı ölkələr “Pfizer-BioNTech” peyvəndinin birinci müstəsna paylanma mərhələsinə daxil edilmədiyi qeyd olunub:

“Bu əsaslandırma aydın deyil və bununla bağlı müddəalar heç bir hüquqi sənəddə və rəsmi yazışmalarda öz əksini tapmayıb. Azərbaycan ÜST-ün tövsiyələrini nəzərə alaraq vaksinasiya strategiyasını təsdiqləyib və vaksinlərin qəbulu üçün bütün texniki tələbləri yerinə yetirib.

Ötən il yaradılmış COVAX platformasının “SARS-CoV-2” virusuna qarşı vaksinlərin hazırlanması təşəbbüsünü yüksək qiymətləndirən və bu əməkdaşlığa ilk qoşulan 50 ölkədən biri də məhz Azərbaycan Respublikasıdır”.

Məlumatda qeyd olunub ki, Azərbaycan vaksinlərin dünya ölkələri arasında ədalətlilik və həmrəylik prinsipləri ilə bölgüsünün tərəfdarıdır:

“Təəssüflə qeyd etmək istərdik ki, təcrübədə bunun əksini görürük.

Bir daha vurğulayırıq ki, Azərbaycan ilk gündən ÜST-ün tövsiyələrinə uyğun fəaliyyət göstərməklə yanaşı, COVID-19-la mübarizə çərçivəsində həyata keçirilən əməkdaşlıqlara öz töhfəsini vermişdir və vətəndaşlarının sağlamlığı üçün qarşıya qoyulmuş bütün öhdəlikləri yerinə yetirməyə bu gün də davam edir”.

Bildirilib ki, COVAX-la yazışmalarda Azərbaycanın bu vaksinləri infrastruktur baxımından qəbul etməyə tam hazır olduğu bildirilib:

“Bu gün COVAX layihəsi faktiki olaraq öz öhdəliklərini yerinə yetirə bilmir. Vaksinlərin düzgün paylaşdırılmasında ədalətsiz yanaşma birbaşa bu layihənin icrasında ciddi problemlərin olmasından xəbər verir.  Hesab edirik ki, COVAX layihəsi çərçivəsində bu proses nəzarətdə saxlanılmalı və istehsalçı şirkətlər qarşısında konkret tələblər qoyulmalıdır. 

Agentlik mövqeyini COVAX-a göndərilən rəsmi məktubda bildirib və təşəbbüskar qurumları qərara yenidən baxmağa çağırıb”.

270