Şəki rayonunun Turan qəsəbəsində Məmmədovlar ailəsinin evi yanğından sonra

Şəkidə poltergeyst: Ailə qorxudan evində gecələyə bilmir - FOTOLAR

1817
(Yenilənib 11:53 12.02.2021)
Şəkidə bir evdə poltergeystin peyda olması xəbəri sakinləri təşvişə salıb - “İlk dəfədir ki, belə bir şey görürəm. Əvvəllər televizorda görüb-eşitmişdim. Bu gün öz gözümlə gördüm. Əşyalar öz-özünə yanır”.

İbrahim Həşimov, Sputnik Azərbaycan

BAKI, 12 fevral – Sputnik. Müəmmalı yanğınlar Şəki rayonunun Turan qəsəbəsində yaşayan Məmmədovlar ailəsini qorxuya salıb. Ev sahibi Rəcəbəli Məmmədov Sputnik Azərbaycan-a bildirib ki, evin nə zaman tikildiyini bilmir. Özü isə ailəsi ilə birgə 2009-cu ildən burada yaşayır. Müəmmalı yanğın fevralın 10-dan başlayıb və ilk yanan uşaq çarpayısı olub.

“Otaqdakı divarın dibində uşaq çarpayısı var idi. Saat 16-17 radələrində uşaqlar toyuqları yemləyirmişlər həyətdə. Bu tərəfə gələndə görüblər ki, qapıdan tüstü çıxır. Mən küçədə idim, zəng edib dedilər. Mən gələnə kimi qonşunun köməyi ilə söndürüblər. Axşam oturub çörəyimizi yedik. Bir az sonra ortancıl qızım görüb ki, o biri otaq küncdən yanır. Onu da söndürdük. Gedib nərdivanı gətirdim ki, evin damına baxım. Oraya çıxanda da dedilər ki, üçüncü otaq yanır.  Aşağıya düşüb onu da söndürdüm”.

© Sputnik / Ibrahim Hashimov
Şəki rayonunun Turan qəsəbəsində Məmmədovlar ailəsinin evi yanğından sonra

Evdəki bütün əşyalar qonşuların köməyi ilə bayıra çıxarılıb və həyətə yığılıb. Lakin bu da otaqlardakı yanğınlara təsir etməyib. Fevralın 11-də səhər saatlarında isə şkafdakı parça yanmağa başlayıb. Onu isə qonşuluqda yaşayan müəllim Məzahir Quliyev söndürüb.

“Bu gün səhər uşaq qaça-qaça gəldi ki, şkaf yanır. Gedib gördüm ki, şkafın alt gözündə uşaq paltarı var. O yanıb qəfildən. Tez söndürdük. İlk dəfədir ki, belə bir şey görürəm. Əvvəllər televizorda görüb-eşitmişdim. Bu gün öz gözümlə gördüm”, – Məzahir Quliyev qeyd edib.

Ev sakini Gülnar Məmmədova deyir ki, yanğınların səbəbini bilmirlər. Bu da onları daha çox vahimələndirir.

“Çörək yeyib gələndə uşaq dedi ki, bu otağın küncü yanır. Tez su atıb söndürdük. Sonra da yoldaşımı çağırdıq.  Səbəbini bilmirik. Alışan yerlər elektrik xəttinə yaxın deyil. Otaqda qaz da yoxdur”, – deyə G. Məmmədova əlavə edib.

  • Şəki rayonunun Turan qəsəbəsində Məmmədovlar ailəsinin evi yanğından sonra
    © Sputnik / Ibrahim Hashimov
  • Şəki rayonunun Turan qəsəbəsində Məmmədovlar ailəsinin evi yanğından sonra
    © Sputnik / Ibrahim Hashimov
  • Şəki rayonunun Turan qəsəbəsində Məmmədovlar ailəsinin evi yanğından sonra
    © Sputnik / Ibrahim Hashimov
  • Rəcəbəli Məmmədov
    © Sputnik / Ibrahim Hashimov
  • Valeh Bağırov
    © Sputnik / Ibrahim Hashimov
1 / 5
© Sputnik / Ibrahim Hashimov
Şəki rayonunun Turan qəsəbəsində Məmmədovlar ailəsinin evi yanğından sonra

Yanğının yaranma səbəbini öyrənmək üçün qonşular səhərə kimi keşik çəkiblər. Amma heç bir nəticəsi olmayıb.

Ev sahibinin qonşusu Valeh Bağırov: “Axşam eşitdik ki, belə bir hadisə baş verib. Səhərə qədər burada qaldıq. Yatmamışdıq. Bu şkaf boş idi, içində bir uşaq paltarı var idi. Evə gedən kimi eşitdik ki, bu da alışıb”, –deyərək heyrətini gizlətməyib.

İndi Məmmədovlar ailəsi qorxudan həyətdə və qonşuların evində gecələyir.

1817
Teqlər:
foto, müəmma, yanğın, poltergeyst, ruh, ev, Şəki
Sputnik V peyvənd, arxiv şəkli

Kiril Dmitriyev: "Rusiyanın rəqibləri "Sputnik V"-nin uğurundan qorxur"

6
(Yenilənib 22:53 26.02.2021)
"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir".

BAKI, 26 fevral — Sputnik. "Rusiyanın "Sputnik V" koronavirus peyvəndinin əleyhdarları dünyada ona olan inamı sarsıtmağa çalışır, çünki bu ən yaxşı preparatlardan biridir və onlar bundan, sadəcə, qorxurlar" – bu fikri Rusiya Birbaşa İnvestisiyalar Fondunun (RBİF) rəhbəri Kiril Dmitriyev səsləndirib.

"Fikrimcə, söhbət yalnız "Sputnik V" peyvəndinin beynəlxalq səviyyədə tanınmasından deyil, dünyadakı liderliyimizdən gedir... Təvazökar, ancaq dürüst olmalıyıq. Dünyanın ən yaxşı peyvəndinə sahibik, bu, Rusiya alimlərinin böyük uğurudur, biz bununla fəxr etməliyik ", – deyə Dmitriyev Rusiya Tarix Cəmiyyətinin meydançasında bu ölkənin virusologiya tarixində liderliyinə həsr olunmuş sərginin açılışında bildirib.

"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir. Onlar, sadəcə, bundan qorxurlar", – deyə RBİF rəhbəri vurğulayıb.

Qeyd edək ki, fevralın 2-də "The Lancet" elmi jurnalı "Sputnik V" koronavirusa qarşı peyvənd preparatının klinik sınaqlarının üçüncü mərhələsinin nəticələrini dərc edib. Klinik sınaqların üçüncü mərhələsində "Sputnik V" yüksək effektivlik, immunogenlik və təhlükəsizlik göstəriciləri nümayiş etdirib. Könüllülərin analiz təhlilləri göstərib ki, peyvəndin effektivliyi 91,6 faiz təşkil edir. Preparat vurulandan sonra yalnız 78 koronavirusa yoluxma hadisəsi öz təsdiqini tapıb.

Müqayisə üçün bildirək ki, "AstraZeneca"-nın effektivliyi - 62,1%, "Sinovac" peyvəndinin - 50,4%, "Sinopharm"-ın - 79,3% təşkil edir.

Xatırladaq ki, Rusiya Səhiyyə Nazirliyi "Sputnik V" peyvəndini 2020-ci ilin avqust ayında qeydə alıb. Vaksin Rusiyanın Qamaleya adına Epidemiologiya və Mikrobiologiya Elmi Tədqiqat Mərkəzi tərəfindən RBİF-nin dəstəyi ilə işlənib-hazırlanıb. Bu dünyada COVID-19-un profilaktikası üçün ilk qeydiyyata alınmış preparatdır.

 

6
Lady Qaqa

Ledi Qaqa büsbütün dəyişdi

7
(Yenilənib 22:51 26.02.2021)
35 yaşlı Qaqa Roma şəhərində yeni stildə görüntülənib. Tanınmamaq üçün maska və qara gün eynəyindən istifadə edən ifaçının bu cəhdi boşa çıxıb.

BAKI, 26 fevral — Sputnik. Albomları və "A Star Is Born" filmindəki aktrisalıq qabiliyyəti ilə müzakirələrə səbəb olan Ledi Qaqa xarici görünüşündə dəyişiklik edib.

Sputnik Azərbaycan xarici mətbuata istinadən bildirir ki, 35 yaşlı Qaqa Roma şəhərində yeni stildə görüntülənib. Tanınmamaq üçün maska və qara gün eynəyindən istifadə edən ifaçının bu cəhdi boşa çıxıb.

Hazırda film çəkillişlərində iştirak edən Ledi geyim tərzini və saç rəngini dəyişib. O, bunu rol aldığı ekran işi üçün edib.

Qeyd edək ki, Qaqa "Gucci" adlı ekran əsərində çəkilir.

7