Leyla Abdullayeva, Sputnik Azərbaycan
BAKI, 10 fevral — Sputnik. Vətən müharibəsində itkin düşmüş hərbçimizin şəhid olması xəbəri gəlib.
Sputnik Azərbaycan-ın məlumatına görə, Şabran rayon Surra kənd sakini, 2002-ci il təvəllüdlü Ağayev Əmirağa Mahir oğlu iyul ayında hərbi xidmətə yola düşüb. Müharibə başlayan gündən döyüşlərdə iştirak edib. Ailəsi ilə son danışığı oktyabr ayının 11-də olub.
Əmirağa Ağayev
© Photo : Courtesy of Leyla Abdullayeva
Ondan sonra ailə Əmirağadan heç bir xəbər ala bilməyib. O, Füzuli döyüşlərində itkin düşüb.
Şəhid iki bacının bir qardaşıdır. Şəhid Ağayev Əmirağa sabah günorta saatlarında doğulduğu Şabran rayonunda torpağa tapşırılacaq.
