Pul qabı, arxiv şəkli

Ünvanlı sosial yardımın məbləği artacaq - Millət vəkili

691
(Yenilənib 18:15 10.02.2021)
Deputat ünvanlı yardımların əhatə dairəsinin və vətəndaşların ünvanlı sosial yardım proqramına çıxış imkanlarının genişləndirilməsindən danışıb.

Xalid Məmmədov, Sputnik Azərbaycan

BAKI, 10 fevral — Sputnik. Azərbaycanda ünvanlı yardımların əhatə dairəsi genişləndiriləcək. Bu, Prezident İlham Əliyevin sərəncamı ilə təsdiq edilmiş "Azərbaycan 2030: sosial-iqtisadi inkişafa dair Milli Prioritetlər"də əksini tapıb. Sənəddə qeyd olunub ki, ölkənin bütün təbəqələri cəmiyyətin ayrılmaz hissəsidir və dövlət onların qayğısına qalmalıdır. Ölkədə yoxsulluq səviyyəsinin minimuma endirilməsi və aşağı işsizlik səviyyəsi, eləcə də yoxsul təbəqənin ehtiyaclarının qarşılanmasına yönələn ünvanlı yardımların əhatə dairəsinin genişləndirilməsi vətəndaşların sosial müdafiəsinə əlavə imkanlar yaradır.

Milli Məclisin əmək və sosial siyasət komitəsinin üzvü Vüqar Bayramov Sputnik Azərbaycan-a deyib ki, yeni konsepsiyaya uyğun olaraq bütövlükdə sosial proqramların genişləndirilməsi nəzərdə tutulur: "Bu, həm sosial proqramlara ayrılan vəsaitin həcminin artırılması, həm də miqyasının genişləndirilməsi ilə bağlıdır. Nəzərə alsaq ki, 2020-ci ildə ünvanlı sosial yardımın verilməsi qaydaları təkmilləşdirilib, asanlaşdırılıb, bu da ünvanlı yardıma əlçatanlığın artırılmasına imkan verib".

"Gözlənilir ki, ünvanlı sosial yardım ilə bağlı həyata keçiriləcək tədbirlər bir istiqamətdə ayrılan vəsaitin həcminin artırılmasında özünü ehtiva edəcək. Belə ki, ünvanlı sosial yardım proqramına daha çox vəsaitin ayrılması həyata keçirilir. Paralel olaraq özünüməşğulluq proqramına da daha çox diqqətin ayrılması müşahidə olunur. Çünki özünüməşğulluq proqramı da vacib sosial proqramlardan biridir. Özünüməşğulluq proqramının icra olunması ünvanlı sosial yardım proqramının dayandırılması anlamına gəlmir. Əksinə, biz ünvanlı sosial yardım proqramına ayrılan vəsaitin həcminin artırılmasını müşahidə edirik", - deyə deputat qeyd edib.

O bildirib ki, ikinci istiqamət proqrama əlçatanlığın daha da genişləndirilməsi və daha çox vətəndaşlarımızın ünvanlı sosial yardım proqramına müraciət imkanlarının yaradılmasıdır: "Gözlənilir ki, bu istiqamətdə də qaydaların təkmilləşdirilməsi və vətəndaşların ünvanlı sosial yardım proqramına çıxış imkanlarının genişləndirilməsi müşahidə olunacaq. Bu baxımdan növbəti dövrdə ünvanlı sosial yardım proqramından istifadə edən vətəndaşların sayında artım olacaq. Eyni zamanda, ehtiyac meyarının artırılması hesabına ünvanlı sosial yardım məbləğinin də artması müşahidə ediləcək".

691
Türkiyə Prezidenti Rəcəb Tayyib Ərdoğan, arxiv şəkli

Ərdoğan: “Yuxarı sinif şagirdləri üçün əyani təhsil bərpa olunacaq”

8
Restoran, kafe və bu kimi ictimai iaşə müəssisələri çox yüksək riskli (qırmızı) vilayətlər istisna olmaqla səhər 7-dən axşam 19.00-dək 50 faiz fəaliyyətlərini bərpa edəcəklər. 

BAKI, 1 mart - Sputnik. “Türkiyədə ÇOVID-19-la mübarizə tədbirləri ilə əlaqədar yeni nəzarətli normallaşma mərhələsi başlayır”. 

APA-nın xəbərinə əsasən, bunu Türkiyə Prezidenti Rəcəb Tayyib Ərdoğan Nazirlər Kabinetindəki növbəti toplantısından sonra bildirib.

Prezident deyib ki, Türkiyədə yeni növ koronavirus infeksiyasının yayılması mavi, sarı, narıncı, qırmızı (zəif, orta, yüksək və çox yüksək) rənglərlə fərqləndirilməklə mübarizə tədbirləri bu dərəcələrə uyğun aparılacaq. 

Zəif və orta riskli ərazilərdə koronavirusla mübarizə tədbirləri ilə əlaqədar sərtləşdirilmiş qaydalar ləğv ediləcək, infeksiyanın yayılması yüksək və çox yüksək olan ərazilərdə isə yayılma dərəcəsinə görə, qaydalar ya saxlanılacaq, ya da daha çox sərtləşdiriləcək. 

Zəif və orta riskli ərazilərdə həftəsonu küçəyə çıxma qadağası yalnız bazar günlərinə şamil ediləcək, şənbə günləri bu məhdudiyyət ləğv olunacaq, axşam saat 21.00-dan səhər saat 5-dək ölkə boyu küçəyə çıxma məhdudiyyəti isə saxlanılacaq. 

Ərdoğan deyib ki, ölkədə 8-ci sinifdən başlayaraq yuxarı sinif şagirdləri üçün ənənəvi əyani təhsil bərpa olunacaq, zəif və orta riskli ərazilərdə isə ibtidai siniflər də daxil məktəblər açılacaq. 

Restoran, kafe və bu kimi ictimai iaşə müəssisələri çox yüksək riskli (qırmızı) vilayətlər istisna olmaqla səhər 7-dən axşam 19.00-dək 50 faiz fəaliyyətlərini bərpa edəcəklər. 

Yaşı 65-dən yuxarı olanlar və 21 yaşdan aşağı kateqoriyaya daxil olan gənclərin küçəyə çıxma məhdudiyyətləri zəif və orta riskli yerlərdə ləğv edilsə də, yüksək riskli yerlərdə bu qaydalar saxlanılacaq, çox yüksək riskli yerlərdə isə əksinə, artırılacaq. 

Qeyd edək ki, Türkiyənin eyni nəzarətli normallaşma mərhələsinə görə, böyük şəhərlərdə Şanlıurfa, Dyarbəkir zəif (mavi) risk,  Ankara, Manisa orta (sarı) risk, İstanbul və İzmir yüksək (narıncı) risk, Konya isə çox yüksək (qırmızı) risk qrupuna daxildir.

8
A journalist makes a video of the Instagram logo

"Instaqram"da yeni funksiya yaradılır

11
İstifadəçilər “Live Rooms”un yardımı ilə müxtəlif interaktiv funksiyalardan istifadə edə biləcəklər.

BAKI, 1 mart - Sputnik. Instagram sosial şəbəkəsi “Live Rooms” funksiyasını istifadəyə verəcək.

Bu barədə “Report” şirkətin saytına istinadən xəbər verir.

Qeyd edilir ki, yeni proqram dörd nəfərə qədər istifadəçini birbaşa yayıma qoşmağa imkan yaradacaq.

"Bu gün sizə dörd nəfərə qədər istifadəçiyə Instaqramda birbaşa yayım aparmağa imkan verəcək “Live Rooms” funksiyasını təqdim edirik. Əvvəl birbaşa yayımı yalnız bir nəfərlə apara bilirdiniz, amma indi sizə birbaşa yayımınızı "üçqat artırmağa" imkan veririk", - xəbərdə deyilir.

Şirkət həmçinin qeyd edib ki, funksiya daha çox biznes qurmaq və pul qazanmaq imkanları yaradacaq. İstifadəçilər “Live Rooms”un köməyi ilə müxtəlif interaktiv funksiyalardan istifadə edə bilərlər. Bunlar arasında birbaşa yayımda alqı və vəsait yığımı da var.

“Live Rooms” funksiyası yaxın vaxtlarda bütün dünyada mümkün olacaq.

11