Şəkidə sel sularaının fəsadları

Yağma yağış! - Şəki sakinləri niyə bu təbiət hadisəsindən qorxurlar?

842
Şəhər sakini: “Sel gəlsə, mənim də olduğum o binalar təhlükə ilə üzləşəcək. Buradakı xeyli ictimai iaşə və ticarət obyektləri də suyun altında qalacaq”.

İbrahim Həşimov, Sputnik Azərbaycan

BAKI, 8 fevral — Sputnik. Ötən ilin avqust ayında güclü yağışlar səbəbindən Şəkidə güclü sel əmələ gəlib. Nəticədə də şəhərin mərkəzindən keçən Qurcana çayının istinad divarları dağılıb və sel suları Şəkiyə xeyli ziyan vurub. Sputnik Azərbaycan xəbər verir ki, hadisədən 5 aydan artıq vaxt keçsə də, uçmuş istinad divarları hələ də bərpa edilməyib. M.F. Axundov prospekti və 20 Yanvar küçəsində ümumilikdə 200 metrə yaxın istinad divarının bərpasına ehtiyac var. Şəhər sakini Əlövsət Ağayev Sputnik Azərbaycan-a bildirib ki, yaz aylarında dağlardakı qarın əridiyi və çaylarda suyun artdığı vaxtda yenə sel təhlükəsi yaranacaq:

“Bura Qurcana və Dəyirman çaylarının birləşdiyi yerdir, “Köhnə bazar” ərazisi adlanır. Hər birində 50 mənzil olan 54 və 56 nömrəli binalar yerləşir. Sel gəlsə, mənim də yaşadığım o binalar təhlükə ilə üzləşəcək. Buradakı xeyli ictimai iaşə və ticarət obyektləri suyun altında qalacaq”.

© Sputnik / Ibrahim Hashimov
Şəhər sakini Əlövsət Ağayev sel suları nəticəsində Şəkidə küçədə yaranan vəziyyəti göstərir

Şəhər sakini Faiq Hacıyev isə deyib ki, istinad divarları ilə yanaşı suqırıcı bəndlərin də dağılması təhlükəni daha da artırır:

"1977-ci ildən buradakı 56 nömrəli binada yaşayıram. Çay ilə qonşuyuq. 6 aya yaxındır hər dəfə yağış yağanda qorxuruq ki, yenə sel gələcək. 54 nömrəli binadan prokurorluğun yanınadək 12 bənd dağılıb. Bu bəndlər həm suyun sürətini azaldırdı, həm də çayın kənarındakı divarların dib hissələri çökmürdü. Həmin bəndlərin də olmaması, bizi daha çox vahiməyə salır". 

Sel gələn zaman istinad divarları uçduqdan sonra su avtomobil yolunun da bir hissəsini dağıtmışdı. Şəhər sakini Şəhla Nəsrullayeva qeyd edib ki, bu hal nəqliyyat vasitələri ilə yanaşı, piyadalar üçün də təhlükə yaradır:

“20 Yanvar küçəsində maşın yolunun yarısına qədər hissəni su yuyub. Piyadalar da yolun kənarı ilə gedir. Gecə buradan gedən adam uçmuş hissəyə də düşə bilər”. 

  • Şəkidə sel sularaının fəsadları
    © Sputnik / Ibrahim Hashimov
  • Şəkidə sel sularaının fəsadları
    © Sputnik / Ibrahim Hashimov
  • Şəkidə sel sularaının fəsadları
    © Sputnik / Ibrahim Hashimov
1 / 3
© Sputnik / Ibrahim Hashimov
Şəkidə sel sularaının fəsadları

Məsələ ilə bağlı Şəki Şəhər İcra Hakimiyyətinin Memarlıq və Tikinti Şöbəsinin müdiri Taleh Alxasov Sputnik Azərbaycan-a bildirib ki, ərazidə monitorinq aparılıb və layihə-smeta sənədləri hazırlanaraq aidiyyəti qurumlara göndərilib:

“Sözügedən ərazidə böyük maliyə vəsaiti tələb edən tikinti işləri aparılmalıdır. O cümlədən, istinad divarları və çoxlu sayda su qırıcıları, yəni, bəndlər tikilməlidir. Hesab edirik ki, yaxın vaxtlarda maliyyə vəsaiti ayrılacaq və tikinti işlərinə başlanacaq”.

842
Timsah, arxiv şəkli

Timsah 8 yaşlı qızı uddu - VİDEO

189
"Youtube" şəbəkəsində yayımlanan videoda isə qızın timsahın mədəsindən çıxarılma anı və yaxınlarının göz yaşları öz əksini tapıb.

BAKI, 6 mart — Sputnik. İndoneziyada dəhşətli olay baş verib. Sputnik Azərbaycan-ın Türkiyə mediasına istinadən xəbərinə görə, İndoneziyanın Borneo adasında timsah 8 yaşlı qızı udub. Bir gün sonra isə qızın cansız bədəni heyvanın mədəsindən çıxarılıb.

Hadisənin necə baş verməsinə gəldikdə isə, atası 8 yaşlı qızının çayda üzərkən timsahın hücumuna məruz qaldığını, ona kömək etmək istədiyini, lakin bir şey edə bilmədiyini deyib. 

"Youtube" şəbəkəsində yayımlanan videoda isə qızın timsahın mədəsindən çıxarılma anı və yaxınlarının göz yaşları öz əksini tapıb.

189
Təhsil Nazirliyi

Direktor vəzifəsinə işə qəbul üzrə imtahan təxirə salınıb - SƏBƏB

561
Müvafiq məlumatlar vətəndaşların şəxsi kabinetinə və telefon nömrələrinə göndərilib. İmtahanın keçirilmə vaxtı və yeri barədə yenilənmiş məlumatlar texniki profilaktik işlər yekunlaşdıqdan sonra elan olunacaq

BAKI, 6 mart - Sputnik. 6 mart saat 16:00 tarixində keçirilən direktor vəzifəsinə işə qəbul üzrə müsabiqənin test mərhələsində yaranmış texniki nasazlıqla əlaqədar imtahan dayandırılıb və növbəti tarixə təxirə salınıb.

Təhsil Nazirliyindən Sputnik Azərbaycan-a verilən məlumata görə, qeyd olunan tarixdə imtahanda iştirak etmiş hər bir iştirakçı təkrar imtahana cəlb olunacaq və onlara yeni sual variantı təqdim olunacaq.

"Eyni zamanda bildiririk ki, texniki profilaktik işlərin görülməsi ilə əlaqədar 7 mart 2021-ci il tarixində keçirilməsi planlaşdırılan direktor vəzifəsinə işə qəbul üzrə müsabiqənin test imtahan mərhələsi təxirə salınıb.

Müvafiq məlumatlar vətəndaşların şəxsi kabinetinə və telefon nömrələrinə göndərilib. İmtahanın keçirilmə vaxtı və yeri barədə yenilənmiş məlumatlar texniki profilaktik işlər yekunlaşdıqdan sonra elan olunacaq".

561

Azad edilmiş daha bir kəndimizin hazırkı mənzərəsi belədir - VİDEO

0
Cəbrayıl rayonunun Papı kəndi 2020-ci ilin oktyabrın 21-də əks-hücum əməliyyatı nəticəsində işğaldan azad olunub.

Müdafiə Nazirliyi Cəbrayıl rayonunun Papı kəndindən videogörüntülər paylaşıb. Sputnik Azərbaycan həmin görüntüləri təqdim edir.

0