Kitablar, arxiv şəkli

Kinomuzun inkişafı üçün mühüm nəşr

26
(Yenilənib 10:39 09.02.2021)
"Azərbaycan kino sənəti tarixi" 4 cildliyi, İttifaqın Həsən Seyidbəylinin 100 illiyinə həsr olunmuş "Həsən Seyidbəyli: Şəxsiyyət və yaradıcı" kitabından sonra ikinci nəşrdir.

BAKI, 8 fevral — Sputnik. Azərbaycan Kinematoqrafçılar İttifaqı Azərbaycan kino tarixində ilk dəfə 4 cildlik "Azərbaycan kino sənəti tarixi"ni nəşr edib. Sputnik Azərbaycan xəbər verir ki, nəşrin müəllifi yazar, kino tədqiqatçısı Nəriman Əbdülrəhmanlı kinomuzun 120 illik tarixini bütün təfərrüatları ilə araşdırıb.

Nəşrin layihə rəhbəri, Xalq yazıçısı Rüstəm İbrahimbəyov kitab haqda danışarkən qeyd edir: "Fundamental dördcildlik tədqiqatı Azərbaycan kinosunun yarandığı vaxtdan bugünədək formalaşma prosesini izləməyə imkan verir. Araşdırmanın faktoloji mənada zəngin olan mətni quruluş cəhətdən maraqlı dramaturgiyaya malikdir, tarixi prosesi müxtəlif rakurslardan – xronoloji, janr, tematik, konseptual və s. – nəzərdən keçirməyə imkan verir. O da vacibdir ki, kinomuzun tarixi, ayrı-ayrı dövrlərdə istehsal edilən filmlərin sayına, başlıcası isə ekran əsərlərinin məzmununa və bədii təcəssümünə əhəmiyyətli dərəcədə təsir göstərən genişmiqyaslı ictimai-siyasi proseslər kontekstində araşdırılıb".

© Sputnik / Shahperi Abbasova
"Azərbaycan kino sənəti tarixi" kitabı

Kinoşünas Sevda Sultanova kitabı kinomuzun inkişafı üçün mühüm nəşr sayır: "Kinomuz haqda belə hərtərəfli, fundamental, əhatəli təqdiqat ilk dəfədir ki, yayımlanır. Kitabın müəllifi, kinoaraşdırmaçısı Nəriman Əbdülrəhmanlı təkcə kinonun yaranma tarixini yox, istehsalat prosesini, sənətkar-məmur münasibətlərini, maddi-texniki baza, kinorpokatla bağlı məsələləri, həmçinin, yaradıcı prosesi bütünlüklə – rəssam işindən tutmuş musiqiyədək geniş spekteri əhatə edib".

Azərbaycan Kinematoqrafçılar İttifaqından bildiriblər ki, kino tarixi, kino sənəti, kinoşünaslıq nəşrləri və dərslikləri sahəsində boşluğu nəzərə alaraq, kinomuz üçün vacib fəaliyyət istiqamətləri ilə yanaşı, ardıcıl olaraq kino nəşrləri ilə də məşğul olacaqlar. "Azərbaycan kino sənəti tarixi" 4 cildliyi, İttifaqın Həsən Seyidbəylinin 100 illiyinə həsr olunmuş "Həsən Seyidbəyli: Şəxsiyyət və yaradıcı" kitabından sonra ikinci nəşrdir. "Azərbaycan kino sənəti tarixi" Azərbaycan Cümhuriyyətinin 100, Azərbaycan kinosunun 120 illiyinə həsr olunub.

26
Rusiyada koronavirusa yoluxanan xəstələrin müalicə aldığı hospital, arxiv şəkli

Rusiyada koronavirusdan ölənlərin sayı 87 mini keçdi

0
Dünyada koronavirus infeksiyasına indiyədək yoluxanların sayı 114,7 milyonu keçib, 2,54 milyondan çox adam isə virus səbəbi ilə ölüb.

BAKI, 3 mart — Sputnik. Son bir sutka ərzində Rusiyada 10 535 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 452 nəfər ölüb.

Ümumilikdə, Rusiyada bu xəstəliyə yoluxanların sayı 4 278 750 –yə çatıb. Rusiyada pandemiya yayılandan 87 348 nəfər COVID-19-dan vəfat edib. Ölkədə bu virusdan sağalanların sayı 3 853 734 - ə çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 114,7 milyonu keçib, 2,54 milyondan çox adam isə virus səbəbi ilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

0
Xəstəxana, arxiv şəkli

Əməkdar artist beyin infarktı keçirib

3
Cavid Zeynallı: "Hazırda reanimasiyadadır. Həkimi ilə əlaqə saxladıq, bildirdi ki, xəstəxanaya gəldiyi günlə müqayisədə səhhətində müəyyən irəliləyiş var".

BAKI, 3 mart — Sputnik. Azərbaycan Dövlət Akademik Milli Dram Teatrının aktyoru, Əməkdar artist Pərviz Bağırov xəstəxanaya yerləşdirilib.

Bu barədə Sputnik Azərbaycan-a məlumat verən teatrın mətbuat xidmətinin rəhbəri Cavid Zeynallı aktyorun 5 saylı Şəhər Klinik Xəstəxanasında müalicə aldığını deyib:

"Pərviz Bağırov beyin infarktı keçirib. Hazırda reanimasiyadadır. Həkimi ilə əlaqə saxladıq, bildirdi ki, xəstəxanaya gəldiyi günlə müqayisədə səhhətində müəyyən irəliləyiş var. Xəstə qəbul olunanda vəziyyəti çox ağır idi. Hazırda stabil ağır olaraq qalır. Huşu aydın olsa da, ünsiyyətində problem var, sağ tərəfi işləmir.Vəziyyəti orta-ağırdır. Ümid edirik ki, yaxın zamanlarda ayağa qalxar".

3