Bakıda kafe, arxiv şəkli

Sovet dövründə belə deyildi - Mərkəz rəhbərini kafelər niyə məyus edib?

21
"Kafe-restoranlar bəzən özəl dezinfeksiya şirkətləri ilə müqavilə bağlasalar da, həmin şirkətlərin  hansı dezinfeksiyaedici məhlullardan istifadə etdikləri bəlli deyil".

Zülfiyyə Quluyeva, Sputnik Azərbaycan

BAKI, 6 fevral — Sputnik. Pandemiya dövründə kafe və restoranların dezinfeksiyası vacib olsa da, onların heç biri indiyədək Bakı Şəhər Dezinfeksiya Mərkəzi ilə müqavilə bağlamayıb. Bakı Şəhər Dezinfeksiya Mərkəzinin rəhbəri Akif Məmmədov Sputnik Azərbaycan-a açıqlamasında deyib ki, kafe və restoranlardan dezinfeksiya üçün onlara müraciət daxil olmayıb. Onun sözlərinə görə, əslində kafe və restoranlar ən çox dezinfeksiyaya ehtiyac olan məkanlardır:

"Çünki belə yerlərdə insanlar qapalı şəkildə bir müddət oturur, yemək yeyirlər. Ona görə də kafe və restoranların dezinfeksiyası şərtdir. Bununla belə, restoranlar dezinfeksiya etməkdə maraqlı deyillər. Çünki dezinfeksiya edilən məkan ən azı axşam saatlarına qədər bağlı saxlanılmalıdır. Restoranlar isə gəlirlərini itirməmək üçün dezinfeksiya etmirlər”.

A.Məmmədov bildirib ki, kafe-restoranlar bəzən özəl dezinfeksiya şirkətləri ilə müqavilə bağlayır. Amma həmin şirkətlərin sayı pandemiyada dezinfeksiyaya tələbdən dolayı artsa da, hansı dezinfeksiyaedici məhlullardan istifadə etdikləri bəlli deyil: "Dezinfeksiyaya tələbat bu işlə məşğul olan şirkətlərin də sayını artırıb. Amma onların dezinfeksiya üçün keyfiyyətli dezinfeksiyaedici məhlullardan istifadə edib-etmədiyi məlum deyil".

Mərkəz rəhbəri deyir ki, əslində belə məkanlar ayda bir dəfə dezinfeksiya olunmalıdır: “Sovet dövründə sanitar günləri var idi. Həmin günlər ayda bir dəfə keçirilirdi. Belə qapalı məkanlarda dezinfeksiya işləri aparılırdı. Çox təəssüf ki, bu ənənə elə sovet dövründə qaldı. Restoranlarda qab-qacaqlar xlorlu su ilə yuyulmalı, hər gün belə dezinfeksiya edilməlidir. Amma bütün kafe və restoranlar bu qaydaya da əməl etmirlər. Bu günədək bizə heç bir müraciət bu tip iaşə obyektlərindən daxil olmayıb".

21
Teqlər:
müqavilə, məhlul, dezinfeksiya, restoran, kafe

Şaxtalı fevral gecəsi bütün ailəsini itirən 81 yaşlı kişinin dəhşətli xatirələri

5
Xocalı faciəsinin şahidi 81 yaşlı Baloğlan Allahyarov bu qanlı gecədəki hadisələri heç zaman unutmayacağını bildirir. Həmin şaxtalı gecənin dəhşətli xatirələrindən biri ilə videomuzda tanış ola bilərsiniz.

Xocalıdan əli yalın, başıaçıq çıxanda Baloğlan Allahyarovun 51 yaşı vardı. Şaxtalı fevral gecəsi o da ailəsi ilə birgə ermənilərin qətliamından qurtulmağa çalışırdı. Həmin gecə o da dəhşətli faciə yaşadı. 21 yaşlı oğlu Etibarı, 20 yaşlı gəlini Çiçəyi və həyat yoldaşı Qəmzə xanımı itirdi. Yeganə övladı Etibar Allahyarov o zaman Xocalı aeroportu istiqamətində itkin düşüb. 81 yaşlı Baloğlan kişi indiyədək onun nə ölüsü, nə dirisi haqda xəbər ala bilmir. Baş verən hadisədən 29 il ötsə də, Xocalı sakini o gecəni heç vaxt yaddan çıxara bilmədiyini deyir.

Onun sözlərinə görə, ermənilər uşaq, qadın, ahıl demədən hər kəsi işgəncə ilə öldürüblər. Çobanın cibindən Quran kitabı çıxanda isə onu yandırmaq haqda əmr veriblər.

Baloğlan Allahyarov, Xocalı sakini: "Ordan - yamacın başından qumbaranı bizim başımıza atdılar. Torpağı necə sovurdusa... Bax, elə bil, mən burada oturmuşam, 40-50 nəfər orada. Baxdım gördüm ki, məndən aşağıdakıların hamısının başını elə bil toyuğun başı kimi kəsib üzürlər. Bax elə üzüblər. Başları, əlləri parçalandı. O vaxt ferma müdiri işləyirdim. Təvəkkül adında bir çobanım vardı, laçınlı idi. Onu tutmuşdular. Cibindən Quran kitabı tapmışdılar deyə onu odlamışdılar".

Xocalıda doğmalarını itirdikdən sonra Ağdam rayonuna pənah gətirən Baloğlan Allahyarov daha sonra Mingəçevir şəhərində məskunlaşır. Ölkə başçısı İlham Əliyev nur şəhərinə səfəri zamanı Xocalı sakininin evində olub.

 

5
Koronavirus testi, arxiv şəkli

Azərbaycanda koronavirus: Yoluxanların sayı bir günə iki dəfəyədək artdı

6
İndiyədək ölkədə ümumilikdə 233 989 nəfərin koronavirus infeksiyasına yoluxması faktı müəyyən edilib, onlardan 228 479 nəfər müalicə olunaraq sağalıb, 3 213 nəfər vəfat edib.

BAKI, 26 fevral — Sputnik. Azərbaycanda bu gün koronavirus infeksiyasına 219 yeni yoluxma faktı qeydə alınıb, 180 nəfər müalicə olunaraq sağalıb və evə buraxılıb. Bu barədə Sputnik Azərbaycan-a Nazirlər Kabineti yanında Operativ Qərargahdan məlumat verilib.

Bildirilib ki, son sutkada 4 nəfər COVID-19-dan vəfat edib.

İndiyədək ölkədə ümumilikdə 233 989 nəfərin koronavirus infeksiyasına yoluxması faktı müəyyən edilib, onlardan 228 479 nəfər müalicə olunaraq sağalıb, 3 213 nəfər vəfat edib. Hazırda 2 297 aktiv xəstə var.

Son sutka ərzində yeni yoluxma hallarının müəyyənləşdirilməsi ilə əlaqədar 6908, bu günə qədər isə ümumilikdə 2 583 362 test icra olunub.

Qeyd edək ki, fevralın 25-də Azərbaycanda koronavirus infeksiyasına 126 yeni yoluxma faktı qeydə alınmış, 3 nəfər “COVID-19”dan vəfat etmişdi.

6
Teqlər:
Koronavirus, epidemiya, COVID-19