Azərbaycan Respublikasının Konstitusiya Məhkəməsi, arxiv şəkli

Baş nazirin keçmiş müavininin qızı Konstitusiya Məhkəməsinin hakimi təyin edilib

46
(Yenilənib 13:19 01.02.2021)
Milli Məclisin iclasında "Humay Əfəndiyevanın Azərbaycan Respublikası Konstitusiya Məhkəməsinin hakimi təyin edilməsi haqqında" qanun layihəsi müzakirəyə çıxarılıb.

BAKI, 1 fevral — Sputnik. Konstitusiya Məhkəməsinə yeni hakim təyin olunub.

Sputnik Azərbaycan xəbər verir ki, Milli Məclisin bu gün keçirilən iclasında "Humay Əfəndiyevanın Azərbaycan Respublikası Konstitusiya Məhkəməsinin hakimi təyin edilməsi haqqında" qanun layihəsi müzakirəyə çıxarılıb.

Qanun layihəsi səsə qoyularaq bir oxunuşda qəbul edilib.

Humay Əfəndiyeva Konstitusiya Məhkəməsinin hakimi təyin olunub.

Humay Əfəndiyeva baş nazirinin keçmiş müavini, yazıçı Elçin Əfəndiyevin qızı, yazıçı İlyas Əfəndiyevin nəvəsidir.

Humay Elçin qızı Əfəndiyeva 7 dekabr 1975-ci il tarixində Bakı şəhərində anadan olub. Əfəndiyeva bunadək Konstitusiya Məhkəməsinin Aparatında Beynəlxalq hüquq və beynəlxalq əməkdaşlıq şöbəsinin müdir müavini vəzifəsində çalışıb. O, dövlət qulluğunun baş müşaviri ixtisas dərəcəsinə malikdir.

Ölkə başçısının 25 iyun 2011-ci il tarixli sərəncamı ilə Humay Əfəndiyeva "Dövlət qulluğunda fərqlənməyə gorə" medalı ilə təltif edilib.

46
Timsah, arxiv şəkli

Timsah 8 yaşlı qızı uddu - VİDEO

90
"Youtube" şəbəkəsində yayımlanan videoda isə qızın timsahın mədəsindən çıxarılma anı və yaxınlarının göz yaşları öz əksini tapıb.

BAKI, 6 mart — Sputnik. İndoneziyada dəhşətli olay baş verib. Sputnik Azərbaycan-ın Türkiyə mediasına istinadən xəbərinə görə, İndoneziyanın Borneo adasında timsah 8 yaşlı qızı udub. Bir gün sonra isə qızın cansız bədəni heyvanın mədəsindən çıxarılıb.

Hadisənin necə baş verməsinə gəldikdə isə, atası 8 yaşlı qızının çayda üzərkən timsahın hücumuna məruz qaldığını, ona kömək etmək istədiyini, lakin bir şey edə bilmədiyini deyib. 

"Youtube" şəbəkəsində yayımlanan videoda isə qızın timsahın mədəsindən çıxarılma anı və yaxınlarının göz yaşları öz əksini tapıb.

90
Təhsil Nazirliyi

Direktor vəzifəsinə işə qəbul üzrə imtahan təxirə salınıb - SƏBƏB

521
Müvafiq məlumatlar vətəndaşların şəxsi kabinetinə və telefon nömrələrinə göndərilib. İmtahanın keçirilmə vaxtı və yeri barədə yenilənmiş məlumatlar texniki profilaktik işlər yekunlaşdıqdan sonra elan olunacaq

BAKI, 6 mart - Sputnik. 6 mart saat 16:00 tarixində keçirilən direktor vəzifəsinə işə qəbul üzrə müsabiqənin test mərhələsində yaranmış texniki nasazlıqla əlaqədar imtahan dayandırılıb və növbəti tarixə təxirə salınıb.

Təhsil Nazirliyindən Sputnik Azərbaycan-a verilən məlumata görə, qeyd olunan tarixdə imtahanda iştirak etmiş hər bir iştirakçı təkrar imtahana cəlb olunacaq və onlara yeni sual variantı təqdim olunacaq.

"Eyni zamanda bildiririk ki, texniki profilaktik işlərin görülməsi ilə əlaqədar 7 mart 2021-ci il tarixində keçirilməsi planlaşdırılan direktor vəzifəsinə işə qəbul üzrə müsabiqənin test imtahan mərhələsi təxirə salınıb.

Müvafiq məlumatlar vətəndaşların şəxsi kabinetinə və telefon nömrələrinə göndərilib. İmtahanın keçirilmə vaxtı və yeri barədə yenilənmiş məlumatlar texniki profilaktik işlər yekunlaşdıqdan sonra elan olunacaq".

521

Azad edilmiş daha bir kəndimizin hazırkı mənzərəsi belədir - VİDEO

0
Cəbrayıl rayonunun Papı kəndi 2020-ci ilin oktyabrın 21-də əks-hücum əməliyyatı nəticəsində işğaldan azad olunub.

Müdafiə Nazirliyi Cəbrayıl rayonunun Papı kəndindən videogörüntülər paylaşıb. Sputnik Azərbaycan həmin görüntüləri təqdim edir.

0