Ovçu, arxiv şəkli

Ov mövsümü necə olacaq - Nazirlik rəsmisi açıqlayır

30
(Yenilənib 20:01 23.01.2021)
Dünəndən ov mövsümü açıq elan edilib. Bu dəfə 3 növ quşun ovuna icazə verilib. eləcə də həftənin cəmi 2 günündə ov etmək mümkün olacaq.

İbrahim Həşimov, Sputnik Azərbaycan

BAKI, 23 yanvar — Sputnik. Yanvarın 22-dən etibarən ov mövsümü açıq elan edilib və fevralın 28-dək davam edəcək. Ekologiya və Təbii Sərvətlər Nazirliyi yanında Bioloji Müxtəlifliyin Qorunması Xidmətinin rəis müavini Arzu Səmədova Sputnik Azərbaycan-a bildirib ki, mövsümə start verilsə də, istənilən heyvanı ovlamaq olmaz:

“Hər bir ov obyektinin özünün ovlanma müddəti var. Hazırkı dövrdə, yəni yanvar-fevral ayı müddətində yalnız qaz, ördək və qaşqaldağın ovuna icazə verilir. Digər ov heyvanları üçün isə ov müddətləri bitib. Hazırda hər bir ovçu qaz və ördəyin hərəsindən yalnız bir baş ovlaya bilər. İstənilən sayda ovlamaq təbii ki, təbiətə qarşı haqsızlıq deməkdir. Eyni zamanda qanunazidd bir hərəkətdir”.

Arzu Səmədovanın sözlərinə görə, yalnız ovçuluq təsərrüfatlarında və ov üçün ayrılmış yerlərdə bu fəaliyyəti həyata keçirmək olar. Ov üçün nəzərdə tutulmuş xüsusi günlər də var:

“Yalnız şənbə-bazar günlərində ova icazə verilir. Eyni zamanda ova icazə verilən və qadağan olunan xüsusi ərazilər var. Xüsusi mühafizə olunan təbiət ərazilərində, yəni milli parklarda, qoruqların ərazisində, yaşayış məntəqələrində, yaşayış məntəqələrindən 2 kilometr aralıda, eyni zamanda sahil zolağında, yaşıllıq zonalarında, meşə ərazilərində, həmçinin sərhədyanı rayonların ərazisində ov tamamilə qadağan edilir”.

Ov müddəti bitən, eləcə də Qırmızı Kitaba düşən heyvanların ovlanması məsuliyyət yaradır. Əgər bu heyvanlar xüsusi mühafizə olunan təbiət ərazisindədirsə, cərimənin məbləği 3 dəfə artıq olur. Nazirlik rəsmisi vurğulayıb ki, bəzi hallarda ovçuların özlərinin mənəvi məsuliyyətindən asılı olan hallar da var.

“Ovçuların özlərində də ictimai qınaq olmalı və yoldaşlarını Qırmızı Kitaba düşmüş heyvanları ovlamaqdan çəkindirməlidirlər. Həm də bizim adət-ənənələrimiz var. Balası olan heyvanların da ovlanması doğru deyil” - Səmədova deyib.

30
Oğlan, arxiv şəkli

Daha bir telefon mağazasından oğurluq olub

11
Yasamal ərazisindəki mağazaların birindən 10.000 manat dəyərində 20 ədəd mobil telefon oğurlamaqda şübhəli bilinən əvvəllər dəfələrlə məhkum olunmuş A.Yusifov saxlanılıb.

BAKI, 4 mart — Sputnik. Yasamalda telefon mağazasından 10.000 manat dəyərində mobil telefon, moped və 2 ədəd motosiklet oğurlayan şəxslər saxlanılıblar. Bu bardəə Daxili İşlər Nazirliyindən Sputnik Azərbaycan-a verilən məlumatda bildirilib.

Qeyd olunub ki, Yasamal Rayon Polis İdarəsinin (RPİ) 27-ci Polis Bölməsinin (PB) əməkdaşlarının keçirdikləri əməliyyat-axtarış tədbirləri nəticəsində rayon ərazisindəki mağazaların birindən 10.000 manat dəyərində 20 ədəd mobil telefon oğurlamaqda şübhəli bilinən əvvəllər dəfələrlə məhkum olunmuş A.Yusifov saxlanılıb. Saxlanılan şəxsin ətrafında aparılmış tədbirlərlə onun paytaxt sakini Kamil Xasıyevlə birgə Bakı şəhər sakini olan 1 nəfərin mopedini, 2 şəxsin isə “Yamaha” və “Haojue” markalı motosikletlərini qaçırmaları da müəyyən edilib. Bölmə əməkdaşları tərəfindən həyata keçirilən əməliyyat-axtarış tədbirləri nəticəsində K.Xasiyev də saxlanılaraq istintaq təqdim edilib.

Faktla bağlı 27-ci Polis Bölməsində saxlanılan şəxslər barəsində toplanan materiallar Yasamal RPİ-nin İstintaq Şöbəsinə göndərilib, araşdırmalar davam etdirilir. 

11
Koronavirusa qarşı peyvənd Pfizer-BioNTech, arxiv şəkli

İcbari Tibbi Sığorta üzrə Dövlət Agentliyi ÜST-ə etirazını bildirdi

325
Agentlik: Azərbaycanın “Pfizer-BioNTech” vaksinlərini əldə edəcək 18 ölkə siyahısına daxil edilməməsi aydın deyil

BAKI, 4 mart - Sputnik. İcbari Tibbi Sığorta üzrə Dövlət Agentliyi (Agentlik) Azərbaycanın COVAX platforması çərçivəsində “Pfizer-BioNTech” vaksinlərini əldə edəcək 18 ölkə siyahısına daxil edilməməsi barədə Ümumdünya Səhiyyə Təşkilatının (ÜST) qeydi ilə razı deyil.

Agentlikdən bildirilib ki, ÜST tərəfindən verilən məlumatda 29 yanvar tarixinədək COVID-19 peyvənd proqramına başlamış iştirakçı ölkələr “Pfizer-BioNTech” peyvəndinin birinci müstəsna paylanma mərhələsinə daxil edilmədiyi qeyd olunub:

“Bu əsaslandırma aydın deyil və bununla bağlı müddəalar heç bir hüquqi sənəddə və rəsmi yazışmalarda öz əksini tapmayıb. Azərbaycan ÜST-ün tövsiyələrini nəzərə alaraq vaksinasiya strategiyasını təsdiqləyib və vaksinlərin qəbulu üçün bütün texniki tələbləri yerinə yetirib.

Ötən il yaradılmış COVAX platformasının “SARS-CoV-2” virusuna qarşı vaksinlərin hazırlanması təşəbbüsünü yüksək qiymətləndirən və bu əməkdaşlığa ilk qoşulan 50 ölkədən biri də məhz Azərbaycan Respublikasıdır”.

Məlumatda qeyd olunub ki, Azərbaycan vaksinlərin dünya ölkələri arasında ədalətlilik və həmrəylik prinsipləri ilə bölgüsünün tərəfdarıdır:

“Təəssüflə qeyd etmək istərdik ki, təcrübədə bunun əksini görürük.

Bir daha vurğulayırıq ki, Azərbaycan ilk gündən ÜST-ün tövsiyələrinə uyğun fəaliyyət göstərməklə yanaşı, COVID-19-la mübarizə çərçivəsində həyata keçirilən əməkdaşlıqlara öz töhfəsini vermişdir və vətəndaşlarının sağlamlığı üçün qarşıya qoyulmuş bütün öhdəlikləri yerinə yetirməyə bu gün də davam edir”.

Bildirilib ki, COVAX-la yazışmalarda Azərbaycanın bu vaksinləri infrastruktur baxımından qəbul etməyə tam hazır olduğu bildirilib:

“Bu gün COVAX layihəsi faktiki olaraq öz öhdəliklərini yerinə yetirə bilmir. Vaksinlərin düzgün paylaşdırılmasında ədalətsiz yanaşma birbaşa bu layihənin icrasında ciddi problemlərin olmasından xəbər verir.  Hesab edirik ki, COVAX layihəsi çərçivəsində bu proses nəzarətdə saxlanılmalı və istehsalçı şirkətlər qarşısında konkret tələblər qoyulmalıdır. 

Agentlik mövqeyini COVAX-a göndərilən rəsmi məktubda bildirib və təşəbbüskar qurumları qərara yenidən baxmağa çağırıb”.

325