Müharibədən qayıdanlarla bağlı komissiyanın daha iki səyyar qrupu yaradılıb

4
Vətəndaşların gediş-gəlişini və rahatlığını nəzərə alaraq əlavə olaraq yanvarın 18-dən iki səyyarın qrupun da yaradılmasına qərar verilib.

BAKI, 17 yanvar - Sputnik. “Səfərbərlikdən tərxis edilmiş şəxslərin qəbulunun keçirilməsi, onların müraciətlərinə vaxtında və obyektiv baxılmasının təmin edilməsi məqsədilə yaradılmış komissiya müraciət edən bəzi vətəndaşlarımız könüllü olaraq komissiyanının işinə köməklik etməsi ilə bağlı müraciətlər ediblər. Bu da tərəfimizdən müsbət qarşılanıb. Həmin vətəndaşlar komissiyaya könüllü qoşularaq digər vətəndaşlarımıza köməklik göstərirlər”.

Sputnik Azərbaycan xəbər verir ki, bunu Müdafiə Nazirliyinin mətbuat katibi Anar Eyvazov deyib.

"Vətəndaşların gediş-gəlişini və rahatlığını nəzərə alaraq əlavə olaraq yanvarın 18-dən iki səyyarın qrupun da yaradılmasına qərar verilib. Belə ki, həmin səyyar qruplardan biri Pirəşəkül qəsəbəsində, digəri isə Gəncə şəhərindəki hərbi hissənin ərazisində fəaliyyət göstərəcək”, - nazirlik rəsmisi bildirib.

4
Mingəçevirdə ölü qarğa

Mingəçevirdə qarğalar qırılır - FOTO

3
(Yenilənib 18:39 27.02.2021)
Şəhər sakinləri son bir həftədə quşların ölümünü daha çox müşahidə etdiklərini deyirlər. Qarğa leşlərinə şəhər xəstəxanasının həyətində də rast gəlinir.

Rahim Məmmədov, Sputnik Azərbayacan

BAKI, 27 fevral — Sputnik. Qarğaların 250-300 il yaşaması haqda əfsanələr dolaşsa da, əslində, bu səs-küylü quşlar 15-20, ən çoxu isə 30-40 il ömür sürür. Onlar əsasən zibil poliqonlarında daha çox gözə dəyir. Əsasən bitkilər, böcəklər, qida qalıqları ilə dolanırlar. Qarğalar təhlükə ilə üz-üzə qaldıqda və ya yem tapdıqda daha çox səs-küy salmaları ilə seçilirlər. Sputnik Azərbaycan xəbər verir ki, son bir həftədə Mingəçəvir şəhəri ərazisində bu canlıların kütləvi ölümü müşahidə edilir. Şəhər sakini Mobil Ələkbərov Sputnik Azərbaycan-a bildirib ki, parklarda, küçələrdə qarğa leşlərinə son günlər tez-tez rast gəlinir: 

© Sputnik / Rahim Mammadov
Mingəçevirdə ölü qarğalar
“Mən şəxsən bu gün şəhər ərazisində beş qarğanın ölüb düşdüyünü görmüşəm. Amma bilmirəm ölüm səbəbi nədir. Onu həkimlər, mütəxəssislər araşdırmalıdırlar. Onu da deyim ki, 10-15 gündür, belə ölüm halları çoxdur. Əvvəlki günlərdə qarğa leşlərinə rast gəlməmişdim”.

Qarğaların kütləvi ölümü hər hansı xəstəliyin yayılmasına səbəb ola bilər. Elə bunu nəzərə alan Mingəçevir sakinləri narahatdırlar. Şəhər sakini Mehman Məlikov aidiyyatı qurumları tezliklə hərəkətə keçməyə, quşların ölüm səbəbini müəyyən etməyə səsləyib.

  • Mingəçevirdə ölü qarğalar
    © Sputnik / Rahim Mammadov
  • Mingəçevirdə ölü qarğalar
    © Sputnik / Rahim Mammadov
  • Mobil Ələkbərov
    © Sputnik / Rahim Mammadov
  • Mingəçevirdə ölü qarğalar
    © Sputnik / Rahim Mammadov
  • Mingəçevirdə ölü qarğalar
    © Sputnik / Rahim Mammadov
1 / 5
© Sputnik / Rahim Mammadov
Mingəçevirdə ölü qarğalar

“Bir həftə, bəlkə də çox olar, parklarda, küçələrdə qarğa leşlərinə rast gəlirik. Yəqin ki, xəstəlikdən ölürlər, bunu dəqiq deyə bilmərəm. Aidiyyatı qurumlara müraciət edirik ki, bunu araşdırsınlar, öyrənək, görək nədən ölür bu canlılar. Küçədə hərəkət edən zaman görürsən, qəfildən göydən nəsə düşdü. Baxırsan ki, qarğadır, ağacdan leşi düşür. Onlar uzunömürlüdür, qəfildən belə çoxlu ölümü səbəbsiz deyil”.

Şəhər ərazisində quşların qara, ağ-qara və digər bəzəkli növlərinin leşlərinə rast gəlinir. Həmçinin Mingəçevir Şəhər Xəstəxanasının həyətində də quşların ölüsünü görmək olur. Qarğaların kütləvi ölüm səbəbini öyrənmək üçün Mingəçevir şəhər Baytarlıq İdarəsinə müraciət etdik. İdarə rəisi Talıb Talıbov Sputnik Azərbaycan-ın bölgə müxbirinə məsələdən xəbərsiz olduğunu bildirib. Həmçinin şəhər sakinlərinin idarəyə müraciət etmədiklərini deyib.

3
Teqlər:
ölüm, qarğa, Mingəçevir
Zəncir, arxiv şəkli

"Narkobaron Alı" ələ keçdi

6
(Yenilənib 18:29 27.02.2021)
Keçirilən növbəti əməliyyat nəticəsində özünü “Alı” kimi təqdim edərək narkotik vasitələrin satışı ilə məşğul olan vətəndaş Allahverdi Orucov tutulub

BAKI, 27 fevral — Sputnik. Bir neçə gün əvvəl Səbail Rayon Polis İdarəsinin (RPİ) Narkotiklərlə Mübarizə və 9-cu Polis Bölməsinin (PB) əməkdaşları tərəfindən həyata keçirilən əməliyyat zamanı narkotik vasitələrin qanunsuz dövriyyəsi və satışı ilə məşğul olan Nurlan Kişiyev Nicat İmanquliyevin saxlanılması barədə məlumat verilib.

Daxili İşlər Nazirliyindən Sputnik Azərbaycan-a bildiriblər ki, qeyd edilən əməliyyat nəticəsində narkotik vasitələrin satışı ilə məşğul olan vətəndaş Nicat İmanquliyevin yaşadığı evdən ümumi çəkisi 2 kiloqramdan artıq olan narkotik vasitə olan heroin aşkar olunaraq götürülüb. N.İmanquliyev ifadəsində narkotik vasitələri satış məqsədi ilə “Alı” adlı şəxsdən əldə etdiyini bildirib.

Səbail RPİ və 9-cu PB əməkdaşları tərəfindən keçirilən növbəti əməliyyat nəticəsində özünü “Alı” kimi təqdim edərək narkotik vasitələrin satışı ilə məşğul olan vətəndaş Allahverdi Orucov tutulub. Onun üzərinə və idarə etdiyi avtomobilə baxış zamanı 11 büküm satış üçün qablaşdırılan narkotik vasitə olan heroin və psixotrop maddə metamfetamin, Abşeron rayonunda yaşadığı mənzilindən isə 5 kiloqram qurudulmuş marixuana aşkar edilərək götürülüb. A.Orucov ifadəsində paytaxt və ətraf ərazilərdə narkotik vasitələrin satışı ilə məşğul olduğunu etiraf edib.

Saxlanılan şəxslər barəsində Səbail Rayon Polis İdarəsində Cinayət Məcəlləsinin müvafiq maddələri ilə cinayət işi başlanılıb və onlar tutularaq istintaqa cəlb olunublar. Cinayət işi üzrə zəruri istintaq tədbirləri davam etdirilir.

Qeyd edək ki, Səbail RPİ və 9-cu PB əməkdaşları tərəfindən keçirilən sonuncu əməliyyatlar zamanı ümumilikdə 7 kiloqramdan artıq narkotik vasitənin qanunsuz dövriyyəyə buraxılmasının qarşısı alınıb.

6
Teqlər:
narkotik, polis, həbs, narkobaron