Saatlı Tarix-Diyarşünaslıq Muzeyində eksponat

Tarix vacibdir: Muzey direktoru arxeoloji qazıntı tələb edir

38
(Yenilənib 00:28 12.01.2021)
Muzeyin direktoru Sürəyya Muğanlı özü də rəssam olduğu üçün tarixi abidələrin üzərində olan şəkilləri kağız üzərinə köçürür.

İradə Cəlilova, Sputnik Azərbaycan

BAKI, 12 yanvar — Sputnik. Muzeylər ölkələrin tarixini əks etdirən maddi dəyərlərin saxlanıldığı məkan hesab edilir. Azərbaycanda ilk muzeyin yaranması XIX əsrin sonlarına təsadüf edir. 1990-cı illərdə baş verən hadisələr muzeylərin də fəaliyyətinə öz təsirini göstərdi. Muzeylərin fəaliyyəti iflic vəziyyətinə düşsə də, Azərbaycan müstəqillik əldə etdikdən sonra bu sahədə də dirçəlmə müşahidə edildi. Bölgələrdə də muzeylərin yaranması, formalaşması prosesi başladı.

Saatlı Tarix diyarşünaslıq muzeyi 1983-cü ildə yaradılsa da, 2012-ci ildə yeni binaya köçürülüb. Muzeydə 9 mindən çox eksponat nümayiş etdirilir. Sputnik Azərbaycan xəbər verir ki, muzeydə Saatlı ərazisində tapılan və eramızdan əvvəl III minilliyə aid müxtəlif məişət əşyaları nümayiş olunur. Burada Kür-Araz mədəniyyətindən başlayaraq orta əsrlər dövrünədək istifadə olunan məişət əşyaları, müxtəlif tarixi formasiyalar zamanı əhali tərəfindən istifadə edilən pullardan ibarət numizmatika guşəsi də ziyarətçilərin marağını çəkir.

© Sputnik / Irade JELIL
Saatlı Tarix-Diyarşünaslıq Muzeyinin direktoru Sürəyya Muğanlı

Muzeyin direktoru Sürəyya Muğanlının sözlərinə görə, Saatlı Tarix-Diyarşünaslıq Muzeyi arxeologiya, etnoqrafiya, mədəniyyət, ideoloji və təsviri sənət bölmələrindən ibarətdir.

Müsahibimiz bildirir ki, Saatlı tarixi abidələrlə zəngin bir bölgədir. Rayonda Azadkənd kəndi ərazisində zəngin tarixin "yatdığını" qeyd edən S.Muğanlı həmin ərazilərdə arxeoloji qazıntıların aparılmasına ehtiyac olduğunu deyir.

"Mən şəxsən tarixi abidələrin yerini bilirəm. Yəni Saatlıda arxeoloji araşdırmaların aparılmasına qərar verilsə, özüm də məmnuniyyətlə iştirak edərəm. Bununla bağlı dəfələrlə müraciət etmişəm", - deyən Sürəyya Muğanlı, demək olar ki, bütün həyatını muzeyin yaradılmasına, tarixi abidələrin qorunmasına həsr edib.

Deyir ki, bu günədək kimdə tarixi eksponat, tarixi əşyalar görürsə, alıb muzeyə yığır.

  • Saatlı Tarix-Diyarşünaslıq Muzeyində eksponat
    © Sputnik / Irade JELIL
  • Saatlı Tarix-Diyarşünaslıq Muzeyində eksponat
    © Sputnik / Irade JELIL
  • Saatlı Tarix-Diyarşünaslıq Muzeyində eksponat
    © Sputnik / Irade JELIL
  • Saatlı Tarix-Diyarşünaslıq Muzeyində eksponat
    © Sputnik / Irade JELIL
  • Saatlı Tarix-Diyarşünaslıq Muzeyinin direktoru Sürəyya Muğanlı (solda)
    © Sputnik / Irade JELIL
  • Saatlı Tarix-Diyarşünaslıq Muzeyində eksponat
    © Sputnik / Irade JELIL
  • Saatlı Tarix-Diyarşünaslıq Muzeyində eksponat
    © Sputnik / Irade JELIL
  • Saatlı Tarix-Diyarşünaslıq Muzeyinin binası
    © Sputnik / Irade JELIL
1 / 8
© Sputnik / Irade JELIL
Saatlı Tarix-Diyarşünaslıq Muzeyində eksponat

S.Muğanlı hətta öz evində olan xalçaları da muzeyə gətirib: "Muzeyə girməklə Saatlıda bu günə qədər olan həyat tərzi haqqında məlumat almaq olar. İstər eksponatlarımız, istərsə də digər nümayiş edilən tapıntılar tarix haqqında danışır".

Muzeyin direktoru bizə muzeyi gəzdirib, ətraflı məlumat verdi. Saatlılıların həyat tərzi, geyimləri, bəzək əşyaları, məişətdə istifadə etdikləri bütün qab-qacaq haqqında danışan S.Muğanlı bildirdi ki, Saatlı haqqında bütün məlumatı muzeyə baş çəkməklə almaq mümkündür.

O qeyd edir ki, muzeydə XIX-XX əsrlərdə saatlılıların həyat tərzini və məişətini əks etdirən eksponatlar yer alıb. Muzeydə evlərin kiçik maketləri, rəsm əsərləri, xalça nümunələri, qədim bəzək əşyaları da sərgilənir.

© Sputnik / Irade JELIL
Saatlı Tarix-Diyarşünaslıq Muzeyində eksponat

Onun sözlərinə görə, muzeydə tarixi eksponatların qorunub saxlanılması üçün xüsusi fond var. Burada muzeydə sərgilənəcək eksponatlar saxlanılır. Muzeyin fondunda qəzetlər, büstlər və s. mədəniyyət nümunələri saxlanılır.

Muzeyin direktoru Sürəyya Muğanlı özü də rəssam olduğu üçün tarixi abidələrin üzərində olan şəkilləri kağız üzərinə köçürür. Deyir ki, vəsait olsa, həmin fotoları kətan üzərinə köçürməyi düşünür.

Muzeyə daxil olan ziyarətçilər burada Azərbaycanın bir parçası olan Saatlının tarixi, mədəniyyəti ilə tanış ola bilərlər. Yolunuz bu istiqamətə düşsə, mütləq muzeyə baş çəkin...

38
Teqlər:
arxeoloji qazıntı, tarixi abidələr, Saatlı, direktor, muzey
Sputnik V peyvəndi, arxiv şəkli

"Rusiya pul dalınca qaçmır": Avropada "Sputnik-V" peyvəndinin müdafiəsinə qalxdılar

2
(Yenilənib 17:00 18.01.2021)
Qərb "hekayəçiləri" illərdir Rusiyanın elm sahəsindəki inkişafını inkar etdiklərindən, indi bu ölkənin peyvənd yaratdığını eşidəndə təəccüblənirlər.

BAKI, 18 yanvar — Radio Sputnik. Rusiya koronavirus pandemiyasının qarşısını almağa qadir dərman hazırlayıb; "Monde diplomatique" fransız qəzetinin ispan nəşrinin yazdığına görə, Qərbdə rus elmi ilə bağlı cəhalət hökm sürür.

"Qərbin "Sputnik-V" peyvəndinin yaradılmasına laqeyd və şübhəli yanaşması Rusiyanın elmi ənənələri haqqında məlumatsızlıqdan irəli gəlir. "Dil, mədəni və siyasi fərqliliklərdən qaynaqlanan bu cəhalət Rusiyadakı təşəbbüslərə şübhə ilə yanaşır", – deyə jurnalist vurğulayır.

O qeyd edib ki, preparatın işlənib-hazırlanması Rusiyadakı elmi axtarışların bütöv bir tarixi elmi inkişaf zəncirinin nəticəsidir. Jurnalistin sözlərinə görə, Qərb "hekayəçiləri" illərdir Rusiyanın elm sahəsindəki inkişafını inkar etdiklərindən, indi bu ölkənin peyvənd yaratdığını eşidəndə təəccüblənirlər.

"ABŞ və Avropa Şurası kimi əczaçılıq laboratoriyalarının öz dərmanlarına astronomik qiymətlər qoyduğu ölkələrdən fərqli olaraq, Rusiya pul dalınca qaçmır", – deyə Kusko qeyd edir.

Onun sözlərinə görə, hazırda müxtəlif ölkələrdə "Sputnik-V" ilə bağlı geniş yayılmış bu cür şübhələr 50 ildən sonra heç kimin yadına düşməyəcək.

2

Koronavirusla mübarizənin yeni mərhələsi: Bakıda vaksinasiya necə başladı

9
(Yenilənib 17:02 18.01.2021)
Paytaxtın tibb müəssisələri koronavirusa qarşı hamıdan əvvəl peyvənd olunan şəxsləri qəbul etdi. Bunun necə baş verdiyini videoda izləyin.

Azərbaycanda vaksinasiya Çinin “CoronaVac” preparatından istifadə olunmaqla aparılır. Bu gün həmin preparat səhiyyə işçiləri və dövlət qurumlarında çalışanlar üzərində sınaqdan keçirildi. Daha sonra yaşı 65-dən yuxarı olan vətəndaşlar və hüquq-mühafizə orqanlarının pandemiyaya qarşı tədbirlərə cəlb olunmuş əməkdaşları peyvənd olunacaqlar.

Azərbaycanın tibb müəssisələrində peyvənd zonası yaradıldı - Reportaj >>

Qeyd edək ki, könüllü şəkildə peyvənd olunmaq istəyən vətəndaşlar bunun üçün elektron sistem vasitəsilə yaşayış yerlərinə ən yaxın tibb məntəqəsini və vaxtı seçməlidir. Lakin bundan əvvəl sahə həkiminin qəbulunda olmaq vacibdir.

9