Səhrada qurumuş ağaclar, arxiv şəkli

2020-ci il daha bir bəd rekord vurubmuş

24
(Yenilənib 21:07 08.01.2021)
"Bu, antropogen amillərin planetin iqliminə necə böyük təsir göstərdiyini və təbii amillərin artıq öz əhəmiyyətini itirdiyini göstərir".

BAKI, 8 yanvar — Sputnik. 2020-ci ildə Yer kürəsində orta temperatur 2016-cı ildə qeydə alınmış rekord səviyyəyə çatıb. Sputnik Azərbaycan "RİA Novosti"yə istinadən xəbər verir ki, bu barədə "Copernicus Climate Change Service" (C3S) məlumat yayıb. C3S – Avropa Şurasının himayəsi altında olan "Copernicus" Yer Müşahidə Proqramı ("Copernicus" Earth Observation Programme) tərəfindən təqdim edilən altı tematik məlumat xidmətindən biridir. "Copernicus" – Avropada və digər ölkələrdə mövcud olan tədqiqat infrastrukturları və elmi məlumatlara əsaslanan əməliyyat proqramıdır. Qeyd edək ki, C3S Dünya İqlim Tədqiqatları Proqramı (WCRP) tərəfindən aparılan iqlim tədqiqatlarına əsaslanır.

"2020-ci ildə orta temperatur qlobal miqyasda ən isti il hesab olunan 2016-cı ildəki göstəriciyə çatıb. Beləliklə, 2011-2020-ci illər bütün müşahidə müddətində planetdə ən isti onillik kimi tarixə düşüb", – deyə məlumatda bildirilir.

Bundan başqa meteoroloqlar 2020-ci ili Avropada ən isti il kimi qeydə alıblar. Bu ilin yay aylarında Avropada termometrlərin göstərdiyi ən yüksək hərarət 2019-cu illə müqayisədə 0,4 dərəcə çox olub.

Qeyd edək ki, Rusiya Hidrometeorologiya Mərkəzi də 2020-ci ili Rusiya tarixində ən isti il kimi qeydə alıb.

"Əgər qlobal səviyyədə rekorddan danışsaq, deməliyəm ki, 2016-cı və 2020-ci illərin orta temperaturu bir-birinə çox yaxın olub. Hazırda bu illərdən hansında temperaturun daha yüksək olduğu araşdırılır", – deyə Rusiya Hidrometeorologiya Mərkəzinin elmi rəhbəri Roman Vilfand "RİA Novosti"yə müsahibəsində bildirib.

Mütəxəssisin sözlərinə görə, 2020-ci il, həmçinin insan fəaliyyətinin yer iqliminə böyük təsir göstərdiyini də təsdiqləyib. O əlavə edib ki, bu vəziyyət antropogen emissiyaların yaratdığı atmosferdəki CO2 konsentrasiyasının davamlı artması fonunda meydana gəlib.

"Bu, antropogen amillərin planetin iqliminə necə böyük təsir göstərdiyini və təbii amillərin artıq öz əhəmiyyətini itirdiyini göstərir", – deyə Vilfand vurğulayıb.

 

24
Teqlər:
qlobal quraqlıq, quraqlıq, iqlim, hava
Rəssamın rəngləri və fırçaları, arxiv şəkli

Adi karandaşla canlı kimi görünən qəhrəmanlarımız: bunlar 14 yaşlı uşağın əl işidir - FOTO

22
(Yenilənib 23:32 16.01.2021)
Yardımlıdan olan yeniyetmə Vətən müharibəsi şəhidlərinin portretlərini sadə karandaşla yaradır. O inanır ki, gələcəkdə məşhur fırça ustası olacaq

BAKI, 16 yanvar - Sputnik, Kəmalə Əliyeva. Akademik təhsilinin olmamasına rəğmən, on dörd yaşlı Səməd İskəndərli karandaşla unikal əsərlər yaradır. O, daha çox Qarabağ müharibəsinin qəhrəmanlarının portretlərini çəkir. Sputnik Azərbaycan bildirir ki, gənc rəssam üçün hazırda ən böyük çətinlik işləmək üçün şəraitin olmaması və rassam ləvazimatlarının yoxluğudur. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

Səməd Yardımlı rayonunun Sırıq kəndində yaşayır. O, rəsmlə uşaqlıqdan maraqlanır. Maliyyə problemlərinə görə ailəsi ona inkişaf etməkdə yardım edə bilmir. Müəllimlə çalışmaq imkanı olmayan Səməd internetdə müxtəlif videoçarxlara baxaraq öyrənir. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

"Təəssüf ki, valideynlərim mənə rəssamlıq üçün lazım olanları ala bilmirlər, çünki bu ləvazimatlar çox bahadır. Əvvəl ancaq sadə karandaşla çəkməyə başladım. Sonra mənim xaricdə yaşayan dostum tanışları vasitəsilə mənə rəngli karandaşlar göndərdi, indi də onlardan istifadə edirəm. Onun sayəsində öz üzərimdə daha çox işləmək arzusu yarandı", - Səməd deyir.

© Photo : Courtesy of Samed Iskenderli
Səməd İskəndərli

Gənc istedad qohumlarını, tanışlarını, müxtəlif filmlərin qəhrəmanlarını çəkir. Son işləri isə Vətən müharibəsinin qəhrəmanlarına həsr olunub. Onun sözlərinə görə, hər dəfə şəhidlərin portretlərini yaradanda böyük məsuliyyət hiss edir və çalışır ki, hər yeni işi öncəkindən daha yaxşı alınsın. 

Səməd əmindir ki, gələcəkdə məşhur rəssam olacaq və onun əsərlərini hər kəs tanıyacaq. 

22
Teqlər:
Yardımlı, yeniyetmə, rəssam, Qarabağ
Mövzu:
Sözlə deyə bilmədiklərimizin izharı - sənət
Qanda qlükozanın miqdarının yoxlanılması

Şəkərlə bağlı xərcləri əhəmiyyətli dərəcədə azaltmaq olar

10
(Yenilənib 23:07 16.01.2021)
"Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".

BAKI, 16 yanvar — Sputnik. "Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".

Sputnik Azərbaycan-ın məlumatına görə, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev "Virtual Diabet Məktəbi" layihəsi üzrə Anlaşma Memorandumunun imzalanması mərasimində deyib. O bildirib ki, diabetlə əlaqəli fəsadlaşmaların sayının artması universal tibbi təminat baxımından dövlət büdcəsinə ağır maliyyə yükü yaradır:

"İlkin profilaktik tədbirləri və əhali arasında maarifləndirməni gücləndirməklə xəstəliklə bağlı xərcləri əhəmiyyətli dərəcədə azaltmaq olar. Bu baxımdan Anlaşma Memorandumu mənfi tendensiyanı müsbətə doğru çevirməkdə yeni imkanlar açır".

Agentliyin İdarə Heyətinin sədri deyib ki, hər il dünyada ölümlərin 11.3%-i şəkərli diabetlə bağlı olur.

10