Nizami Gəncəvini başqa yöndən dünyaya tanıdacağıq
(Yenilənib 10:06 08.01.2021)
Mədəniyyət Nazirliyi bu il Nizami Gəncəvi ilə bağlı bir sıra tədbirlər həyata keçirəcək. Nizami Gəncəvi irsi beynəlxalq səviyyədə də tədqiq ediləcək.İbrahim Həşimov, Sputnik Azərbaycan
BAKI, 7 yanvar – Sputnik. Prezident İlham Əliyevin 3 gün əvvəl imzaladığı sərəncamla 2021-ci il Azərbaycanda “Nizami Gəncəvi İli” elan edilib. Mədəniyyət Nazirliyinin Kitab dövriyyəsi və nəşriyyatlarla iş şöbəsinin müdiri Akif Marifli Sputnik Azərbaycan-a bildirib ki, Ümummilli lider Heydər Əliyev 1979-cu ildə Nizami irsinin təbliği və təşviqi ilə bağlı qərar imzalayıb.
Bu qərar Nizami yaradıcılığının araşdırılmasında dönüş nöqtəsi olub. Prezident İlham Əliyevin 2011-ci ildə Nizami Gəncəvinin 870 illik yubileyinin keçirilməsi ilə bağlı imzaladığı sərəncam da bu sahədə önəmli addım olub. 2021-ci ilin ölkədə "Nizami Gəncəvi İli" elan edilməsi isə Nizami irsinin daha dərindən araşdırılmasında xüsusi rol oynayacaq. Şöbə müdirinin sözlərinə görə, Mədəniyyət Nazirliyi bu il Nizami Gəncəvi ilə bağlı bir sıra lokal və beynəlxalq səviyyədə tədbirlər həyata keçirəcək:
“Nizaminin doğulub boya başa çatdığı Gəncə şəhərində, eləcə də paytaxt Bakıda və Şuşa şəhərində silsilə tədbirlər olacaq. Konfranslar olacaq, bununla bağlı müsabiqələr olacaq. Gənc yazarlar arasında, ümumiyyətlə bütün ədəbi-bədii sahələrdə bu tədbirlər həyata keçiriləcək”.
Nizami Gəncəvi təkcə Azərbaycan mədəniyyətinə deyil, bir çox şərq ölkərinin ədəbiyyatına da böyük töhfələr verib. Bu səbəbdən də onun irsi beynəlxalq səviyyədə də tədqiq ediləcək.
“Qonşu region ölkələrinin, İran başda olmaqla demək olar ki, bütün şərq ölkələrinin və eləcə də dünyanın bir çox ölkələrinin mədəniyyət və ədəbiyyat tarixində öz təsir izlərini buraxmış bir dühadır Nizami Gəncəvi. Bu qəbildən biz düşünürük ki, bizim səfirliklər vasitəsilə xaricdə Nizami irsinin tədqiqi ilə bağlı bir çox tədbirlər həyata keçirəcəyik”.
Hazırda "Nizami Gəncəvi İli"ndə görüləcək işlərlə bağlı tədbirlər planı hazırlanır. Yaxın vaxtlarda o, ictimaiyyətə açıqlanacaq.
Adi karandaşla canlı kimi görünən qəhrəmanlarımız: bunlar 14 yaşlı uşağın əl işidir - FOTO
(Yenilənib 23:32 16.01.2021)
Yardımlıdan olan yeniyetmə Vətən müharibəsi şəhidlərinin portretlərini sadə karandaşla yaradır. O inanır ki, gələcəkdə məşhur fırça ustası olacaqBAKI, 16 yanvar - Sputnik, Kəmalə Əliyeva. Akademik təhsilinin olmamasına rəğmən, on dörd yaşlı Səməd İskəndərli karandaşla unikal əsərlər yaradır. O, daha çox Qarabağ müharibəsinin qəhrəmanlarının portretlərini çəkir. Sputnik Azərbaycan bildirir ki, gənc rəssam üçün hazırda ən böyük çətinlik işləmək üçün şəraitin olmaması və rassam ləvazimatlarının yoxluğudur.
Посмотреть эту публикацию в Instagram
Səməd Yardımlı rayonunun Sırıq kəndində yaşayır. O, rəsmlə uşaqlıqdan maraqlanır. Maliyyə problemlərinə görə ailəsi ona inkişaf etməkdə yardım edə bilmir. Müəllimlə çalışmaq imkanı olmayan Səməd internetdə müxtəlif videoçarxlara baxaraq öyrənir.
Посмотреть эту публикацию в Instagram
"Təəssüf ki, valideynlərim mənə rəssamlıq üçün lazım olanları ala bilmirlər, çünki bu ləvazimatlar çox bahadır. Əvvəl ancaq sadə karandaşla çəkməyə başladım. Sonra mənim xaricdə yaşayan dostum tanışları vasitəsilə mənə rəngli karandaşlar göndərdi, indi də onlardan istifadə edirəm. Onun sayəsində öz üzərimdə daha çox işləmək arzusu yarandı", - Səməd deyir.
©
Photo : Courtesy of Samed Iskenderli
Səməd İskəndərli
Gənc istedad qohumlarını, tanışlarını, müxtəlif filmlərin qəhrəmanlarını çəkir. Son işləri isə Vətən müharibəsinin qəhrəmanlarına həsr olunub. Onun sözlərinə görə, hər dəfə şəhidlərin portretlərini yaradanda böyük məsuliyyət hiss edir və çalışır ki, hər yeni işi öncəkindən daha yaxşı alınsın.
Səməd əmindir ki, gələcəkdə məşhur rəssam olacaq və onun əsərlərini hər kəs tanıyacaq.
Teqlər:
Şəkərlə bağlı xərcləri əhəmiyyətli dərəcədə azaltmaq olar
(Yenilənib 23:07 16.01.2021)
"Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".BAKI, 16 yanvar — Sputnik. "Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".
Sputnik Azərbaycan-ın məlumatına görə, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev "Virtual Diabet Məktəbi" layihəsi üzrə Anlaşma Memorandumunun imzalanması mərasimində deyib. O bildirib ki, diabetlə əlaqəli fəsadlaşmaların sayının artması universal tibbi təminat baxımından dövlət büdcəsinə ağır maliyyə yükü yaradır:
"İlkin profilaktik tədbirləri və əhali arasında maarifləndirməni gücləndirməklə xəstəliklə bağlı xərcləri əhəmiyyətli dərəcədə azaltmaq olar. Bu baxımdan Anlaşma Memorandumu mənfi tendensiyanı müsbətə doğru çevirməkdə yeni imkanlar açır".
Agentliyin İdarə Heyətinin sədri deyib ki, hər il dünyada ölümlərin 11.3%-i şəkərli diabetlə bağlı olur.