Yeniyetmə qız, arxiv şəkli

İtkin düşən tapılaraq uşaq evinə verilən 12 yaşlı qıza qarşı zorakılıq olub?!

224
(Yenilənib 16:34 06.01.2021)
Ləman Şahbazova polisə ifadəsində ailəsində ona qarşı zorakılıq olduğu üçün evdən qaçdığını söyləyib.

Zülfiyyə Quluyeva, Sputnik Azərbaycan

BAKI, 6 yanvar — Sputnik. Ailə, Qadın və Uşaq Problemləri üzrə Dövlət Komitəsi tərəfindən 3 gündür ki itkin düşən, nəhayət bu gün tapılan 12 yaşlı Ləman Şahbazova barədə araşdırmalara başlanılıb. Bu barədə Sputnik Azərbaycan-a açıqlamasında Teymur Mərdanoğlu məlumat verib.

O, bildirib ki, Kütləvi İnformasiya Vasitələrində 12 yaşlı Ləman Şahbazovanın Sabunçu rayonu Zabrat qəbəsində yaşayan nənəsinin evindən çıxaraq geri qayıtmadığı ilə bağlı məlumat dərhal Ailə, Qadın və Uşaq Problemləri üzrə Dövlət Komitəsi tərəfindən nəzarətə götürülüb:

"Ləman Şahbazova Sabunçu rayonu ərazisində tapılaraq bu səhər "Nur" uşaq evinə yerləşdirilib. Məsələ tərəfindən nəzarətə götürülüb. Hazırda onun evdən getməsinin səbəbləri araşdırılır".
© AR Ministry of Internal Affairs
Ləman Şahbazov

T. Mərdanoğlu Ləmanın anasının və atasının sağ olduğunu, ona qarşı ailədə münasibətin araşdırıldığını söyləyib.

Sputnik Azərbaycan-ın əldə etdiyi məlumata görə, L. Şahbazova polisə ifadəsində ailəsində ona qarşı zorakılıq olduğu üçün evdən qaçdığını söyləyib. Onun ailəsinə təhvil verilməməsinin də səbəbi məhz bu amildir. Hazırda polis tərəfindən L.Şahbazovanın ifadəsi ilə bağlı araşdırılma aparılır.

Xatırladaq ki, Ləman Şahbazova Bakının Sabunçu rayonunda tapılıb. Nizami rayonu ərazisində yaşayan 12 yaşlı L.Şahbazova 2021-ci ilin yanvarın 4-də Sabunçu rayonunun Zabrat qəsəbəsində yaşayan nənəsinin evindən dükana getmək adı ilə çıxaraq geri qayıtmamışdı.

224
Dəniz quldurlarının bayrağı, arxiv şəkli

Dəniz quldurları Türkiyə gəmisinə hücum edib, azərbaycanlı mühəndis öldürülüb

15
(Yenilənib 00:29 24.01.2021)
Gəminin kapitanı bildirib ki, quldurlar radardan başqa bütün sistemləri söküblər: "Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

BAKI, 24 yanvar - Sputnik. Nigeriya sahillərində “Motsart” adlı Türkiyə şirkətinə məxsus Liberiya bayrağı altında üzən gəmiyə dəniz quldurları hücum edib.

“Report” xəbər verir ki, gəmidə olan 15 nəfər girov götürülüb, azərbaycanlı mühəndis isə qətlə yetirilib.

Gəminin kapitanı bildirib ki, quldurlar radardan başqa bütün sistemləri söküblər:

"Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

15
Bakıda tibbi maska taxmış şəxs, arxiv şəkli

Bakıda koronavirus ocağı bu ərazidir

19
(Yenilənib 23:42 23.01.2021)
Ölkəmizdə koronavirusa ən çox yoluxma faktı Bakı şəhərində müşahidə olunub. Belə ki, ümumi yoluxma hallarının 52,2 faizi paytaxtda qeydə alınıb.

 

BAKI, 23 yanvar — Sputnik. Bakı şəhəri üzrə yeni növ koronavirus (COVID-19) infeksiyasına yoluxma göstəriciləri açıqlanıb. Sputnik Azərbaycan-ın koronavirusinfo.az saytına istinadən məlumatına görə, paytaxtın rayonları arasında ən yüksək yoluxma göstəricisi Binəqədi rayonunda qeydə alınıb.

Belə ki, paytaxt üzrə yoluxma hallarının 15 faizi həmin rayonun payına düşür. Bakı şəhərinin digər rayonlarına gəlincə, yoluxma hallarının 13,1 faizi Xətai, 12,2 faizi Yasamal, 10,8 faizi Sabunçu, 8,2 faizi Nərimanov, 8,2 faizi Suraxanı, 7,8 faizi Nəsimi, 7 faizi Nizami, 6,8 faizi Xəzər, 5,4 faizi Qaradağ, 5 faizi Səbail, 0,5 faizi Pirallahı rayonlarında qeydə alınıb.

Qeyd edək ki, ölkəmizdə koronavirusa ən çox yoluxma faktı Bakı şəhərində müşahidə olunub. Belə ki, ümumi yoluxma hallarının 52,2 faizi paytaxtda qeydə alınıb.

19