BAKI, 31 dekabr - Sputnik. Azərbaycan Respublikası Prezidenti İlham Əliyev ümumi səbəblərdən I dərəcə gözdən əlilliyi olan şəxslərə Azərbaycan Respublikası Prezidentinin təqaüdünün təsis edilməsi haqqında Fərman verib.
Sputnik Azərbaycan bildirir ki, sənədə görə, təqaüdün aylıq məbləği 210 manat müəyyən olunur.
Bu təqaüdü dövlət büdcəsində Azərbaycan Respublikasının Əmək və Əhalinin Sosial Müdafiəsi Nazirliyinə nəzərdə tutulmuş xərclər hesabına həmin nazirlik ödəyəcək.
Fərman 2021-ci il yanvarın 1-dən qüvvəyə minir.
