Şahbaz Quliyev və Dilqəm Əsgərov

Dilqəm Əsgərov ailəsinə qovuşdu

27
"2014-cü ildən erməni girovluğunda saxlanılan Şahbaz Quliyev və Dilqəm Əsgərov dekabrın 15-də günorta saatlarında təyyarə ilə Bakıya gətiriliblər"

Zülfiyyə Quluyeva, Sputnik Azərbaycan

BAKI, 30 dekabr — Sputnik. Altı ildir ki, erməni girovluğunda qalan Dilqəm Əsgərov ailəsinə qovuşub. Bu barədə Sputnik Azərbaycan-a Dilqəm Əsgərovun oğlu Kürdoğlu Əsgərov məlumat verib. O bildirib ki, atası artıq ailəsinin yanındadır: "Sevincimizin həddi-hüdudu yoxdur. Hisslərimizi sözlə ifadə etmək çətindir. Kədər göz yaşlarımızı sevinc göz yaşları əvəzləyib. Bu işdə bizim ailəmizə dəstək olan hər kəsə minnətdaram. Ən böyük minnətdarlıq isə Azərbaycanın Prezidenti, cənab Ali Baş Komandanımıza düşür. İlham Əliyevin rəhbərliyi altında Vətən müharibəsində qazandığımız qələbə sayəsində atam və digər əsir və girovlar ailələrinə qovuşacaqlar. Buna görə prezidentimiz İlham Əliyevə sonsuz minnətdaram".

Xatırladaq ki, 2014-cü ildən erməni girovluğunda saxlanılan Şahbaz Quliyev və Dilqəm Əsgərov dekabrın 15-də günorta saatlarında təyyarə ilə Bakıya gətiriliblər. Müvafiq karantin tədbirləri həyata keçirildikdən sonra onlar ailələrinə qaytarılırlar. Digər əsir və girovların da Yeni il və Dünya Azərbaycanlılarının həmrəylik bayramını evlərində qarşılayacağı bildirilir.

27
Teqlər:
ailə, əsir, Dilqəm Əsgərov
Dəniz quldurlarının bayrağı, arxiv şəkli

Dəniz quldurları Türkiyə gəmisinə hücum edib, azərbaycanlı mühəndis öldürülüb

15
(Yenilənib 00:29 24.01.2021)
Gəminin kapitanı bildirib ki, quldurlar radardan başqa bütün sistemləri söküblər: "Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

BAKI, 24 yanvar - Sputnik. Nigeriya sahillərində “Motsart” adlı Türkiyə şirkətinə məxsus Liberiya bayrağı altında üzən gəmiyə dəniz quldurları hücum edib.

“Report” xəbər verir ki, gəmidə olan 15 nəfər girov götürülüb, azərbaycanlı mühəndis isə qətlə yetirilib.

Gəminin kapitanı bildirib ki, quldurlar radardan başqa bütün sistemləri söküblər:

"Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

15
Bakıda tibbi maska taxmış şəxs, arxiv şəkli

Bakıda koronavirus ocağı bu ərazidir

19
(Yenilənib 23:42 23.01.2021)
Ölkəmizdə koronavirusa ən çox yoluxma faktı Bakı şəhərində müşahidə olunub. Belə ki, ümumi yoluxma hallarının 52,2 faizi paytaxtda qeydə alınıb.

 

BAKI, 23 yanvar — Sputnik. Bakı şəhəri üzrə yeni növ koronavirus (COVID-19) infeksiyasına yoluxma göstəriciləri açıqlanıb. Sputnik Azərbaycan-ın koronavirusinfo.az saytına istinadən məlumatına görə, paytaxtın rayonları arasında ən yüksək yoluxma göstəricisi Binəqədi rayonunda qeydə alınıb.

Belə ki, paytaxt üzrə yoluxma hallarının 15 faizi həmin rayonun payına düşür. Bakı şəhərinin digər rayonlarına gəlincə, yoluxma hallarının 13,1 faizi Xətai, 12,2 faizi Yasamal, 10,8 faizi Sabunçu, 8,2 faizi Nərimanov, 8,2 faizi Suraxanı, 7,8 faizi Nəsimi, 7 faizi Nizami, 6,8 faizi Xəzər, 5,4 faizi Qaradağ, 5 faizi Səbail, 0,5 faizi Pirallahı rayonlarında qeydə alınıb.

Qeyd edək ki, ölkəmizdə koronavirusa ən çox yoluxma faktı Bakı şəhərində müşahidə olunub. Belə ki, ümumi yoluxma hallarının 52,2 faizi paytaxtda qeydə alınıb.

19