Bakıda sürüşmə, arxiv şəkli

Paytaxtın sürüşən ərazilərində aktivləşmələr var, vəziyyət...

50
(Yenilənib 07:35 28.12.2020)
Məsələn, Zığda istinad divarları tikilib, xüsusi quyular qazılıb. Müəyyən tədbirlər görməklə zərərin azaldılması həyata keçirilir.

İradə Cəlilova, Sputnik Azərbaycan

BAKI, 28 dekabr — Sputnik. Qaraçuxur, Günəşli, Zığ-1, Zığ-2, Nübar qəsəbəsi və s. bu ərazilərdə davamlı olaraq monitorinqlər aparılır.

Bu barədə Sputnik Azərbaycan-a Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin rəisi Əli Əliyev məlumat verib.

O bildirib ki, həmin ərazilərə mütəmadi vizual baxış keçirilir və vəziyyət qiymətləndirilir.

"Bayılda mövsümi xarakterli aktivləşmə mövcuddur. Bu hələ noyabr ayının əvvələrindən müşahidə edilir. Bu əraziyə gedən yolun sağ kənarında səthi yuyulma müşahidə edilir. Digər sahələrdə hələ stabil vəziyyət müşahidə edilir. Amma mövsümi aktivləşmə hiss olunur", - deyə o bildirib.

Onun sözlərinə görə, Zəli gölü, Nübar massivi, Qaraçuxur və Günəşli sahəsində Nazirlər Kabinetinin göstərişi ilə müəyyən işlər görülüb. Nəticələr hazırdır. Həmin ərazilərin geoloji vəziyyəti və müşahidə edilən aktivləşmələr qiymətləndirilib: "Yağışlı günlərin sayı artdıqca sürüşmə ərazilərində zəif də olsa, dinamik aktivləşmələr müşahidə edilir. Bu dəyişikliklər bizim nəzarətimiz altındadır. Vəziyyət təhlil edilir və potensial fəaliyyət istiqamətləri müəyyənləşdirilir. Aktivləşmələr olsa da, təhlükəli vəziyyət müşahidə edilmir".

Mütəxəssis qeyd edib ki, proseslərin aktivləşmə mərhələsində "mövsümü aktivləşmə" deyilən mərhələ var. Bu da atmosfer çöküntülərinin çoxluğundan asılıdır.

Ə.Əliyev vurğulayıb ki, Zığ sürüşmə ərazisi geniş bir ərazini əhatə etməsinə baxmayaraq, bütün ərazi sürüşməyə meyilli deyil.

"Böyük bir ərazidə ayrı-ayrı lokal sahələrdə bu problemlər var. Xüsusilə Zığ-1, Zığ-2 ərazilərində bu problemlər var. Biz zaman-zaman vətəndaş müraciətləri və dövlət sifarişi əsasında həmin ərazilərdə monitorinqlər keçirilir və öyrənilir. Mütəmadi olaraq həmin ərazilər nəzarətimizdədir. Proseslər region üçün ciddi sayılan nəzarət obyektləri sırasında olduğu üçün davamlı monitorinqlər aparılır və sürüşmənin qarşısının alınması üçün tədbirlər icra edilir. Məsələn, Zığda istinad divarları tikilib, xüsusi quyular qazılıb. Müəyyən tədbirlər görməklə zərərin azaldılması həyata keçirilir. Bu gün də həmin tədbirlər davam etdirilir və Fövqəladə Hallar Nazirliyi ilə birgə tədbirlər görülür.

50
Təlim hərbi hissələrində gənc əsgərlərin qəbulu

MN: Təlim hərbi hissələrində gənc əsgərlərin qəbulu davam edir

2
(Yenilənib 19:44 19.01.2021)
Hərbi qulluqçular şəxsi heyətin qəbul məntəqələrində qeydiyyatdan keçdikdən sonra müvafiq bölgü aparılır.

BAKI, 19 yanvar — Sputnik. "Azərbaycan Respublikası vətəndaşlarının 2021-ci il yanvarın 1-dən 30-dək müddətli həqiqi hərbi xidmətə çağırılması haqqında" ölkə Prezidenti İlham Əliyevin müvafiq sərəncamının icrası ilə bağlı Azərbaycan Ordusunun təlim hərbi hissələrində gənc əsgərlərin qəbulu keçirilir.

Bu barədə Sputnik Azərbaycan-a Müdafiə Nazirliyindən məlumat verilib.

Müdafiə nazirinin əmri ilə gənc əsgərlərin sağlamlığının qorunub saxlanılması məqsədilə yoluxucu xəstəliklərə qarşı profilaktik və əks-epidemik tədbirlər görülür. Eyni zamanda, müxtəlif mövsümi xəstəliklərdən qorunmaqla bağlı şəxsi heyətlə müvafiq maarifləndirmə işləri aparılır və onların sağlamlığına nəzarət məqsədi ilə gündəlik termometriyası keçirilir.

Hərbi qulluqçular şəxsi heyətin qəbul məntəqələrində qeydiyyatdan keçdikdən sonra müvafiq bölgü aparılır.

  • Təlim hərbi hissələrində gənc əsgərlərin qəbulu
    © AR Ministry of Defence
  • Təlim hərbi hissələrində gənc əsgərlərin qəbulu
    © AR Ministry of Defence
  • Təlim hərbi hissələrində gənc əsgərlərin qəbulu
    © AR Ministry of Defence
1 / 3
© AR Ministry of Defence
Təlim hərbi hissələrində gənc əsgərlərin qəbulu

Tibb məntəqələrində hərbi həkim komissiyası tərəfindən müayinə olunduqdan sonra hərbi qulluqçuların hər birinə tibbi kitabça açılır və gənc əsgərlərə müvafiq qaydada məişət xidmətləri göstərilir.

Hərbi qulluqçular bütün təminat növlərinə qoyulurlar və normalara uyğun olaraq qış hərbi geyim forması ilə təmin edilirlər.

Gənc əsgərlərin hazırlığı proqramına uyğun olaraq şəxsi heyətə sıra hazırlığı məşğələləri keçirilir və onlara hərbi intizamın möhkəmləndirilməsi üzrə mühazirələr oxunur.

2
Pasport, arxiv şəkli

Şəxsiyyət vəsiqəsilə Türkiyəyə səfəri nəzərdə tutan layihə müzakirə olunacaq

6
(Yenilənib 19:39 19.01.2021)
Azərbaycan Respublikası vətəndaşının şəxsiyyət vəsiqəsi Türkiyəyə səyahət edən Azərbaycan vətəndaşları üçün vizadan azad səyahət çərçivəsində etibarlı sərhədkeçmə sənədlərinin siyahısına daxil edilib

BAKI, 19 yanvar — Sputnik. Azərbaycan vətəndaşlarının Türkiyəyə şəxsiyyət vəsiqəsi ilə səyahət etməsini nəzərdə tutan qanun layihəsi Milli Məclisə daxil olub.

Sputnik Azərbaycan xəbər verir ki, bu, Milli Məclisin Beynəlxalq münasibətlər və parlamentlərarası əlaqələr komitəsinin bu gün keçirilən iclasının gündəliyinə daxil edilən "Azərbaycan Respublikası Hökuməti ilə Türkiyə Respublikası Hökuməti arasında qarşılıqlı olaraq vizadan azad etmə haqqında 25 fevral 2020-ci il tarixində Bakı şəhərində imzalanmış Sazişə dəyişikliklər edilməsi haqqında Azərbaycan Respublikası Hökuməti ilə Türkiyə Respublikası Hökuməti arasında 1 saylı Protokol"un təsdiq edilməsi barədə" qanun layihəsində əksini tapıb.

Layihəyə əsasən, Azərbaycan Respublikası vətəndaşının şəxsiyyət vəsiqəsi Türkiyə Respublikasına səyahət edən Azərbaycan Respublikası vətəndaşları üçün vizadan azad səyahət çərçivəsində etibarlı sərhədkeçmə sənədlərinin siyahısına daxil edilib.

Bu məsələ eyni zamanda Türkiyə vətəndaşlarının Azərbaycana səfərinə də şamil olunacaq.

Qanun layihəsi müzakirələrdən sonra plenar iclasa tövsiyə olunub.

6