DYP

"Avtoşluq" edən "KamAZ" sürücüsü saxlanıldı

19
Sürücü barəsində müvafiq sənədləşdirilmə aparılaraq Xətai rayon Polis İdarəsinin 36-cı polis bölməsinə təhvil verilib.

BAKI, 21 dekabr — Sputnik. Bakı şəhər Baş Polis İdarəsinin Dövlət Yol Polisi İdarəsi Bakıda yol hərəkəti qaydalarını pozan "KamAZ" sürücüsü ilə bağlı yayılan video barədə araşdırma aparıb.

İdarənin bölmə rəisi, polis polkovniki Vaqif Əsədov Sputnik Azərbaycan-a açıqlamasında bildirib ki, hadisəni törədən şəxs nəqliyyat vasitəsilə birlikdə saxlanılıb: "Hadisə dekabrın 18-də axşam saat 21:30 radələrində baş verib. Paytaxtın Nobel prospektində "KamAZ" markalı 10 HZ 667 dövlət nömrə nişanlı avtomobilin sürücüsü, Şüvəlan qəsəbə sakini, 1984-cü il təvəllüdlü Məmmədov Balaəhməd Ağaəhməd oğluna yük maşınlarının qadağan olduğu ərazidə avtomobil idarə etdiyi üçün polis tərəfindən "Saxla!" əmri verilib.

Lakin sürücü müvafiq sənədləri olmadığı üçün polisin qanuni əmrinə əhəmiyyət vermədən ərazidən qaçmağa cəhd edib. Polis əməkdaşlarının səyi nəticəsində avtomobil sürücü ilə birlikdə saxlanılıb, nəqliyyat vasitəsi müvəqqəti mühafizə olunan duracağa yerləşdirilib. Sürücü barəsində müvafiq sənədləşdirilmə aparılaraq Xətai rayon Polis İdarəsinin 36-cı polis bölməsinə təhvil verilib.

19

"Lotu Quli"nin məzarı üstündə atışma olub, 1 nəfər ölüb

4
Silahlı insident nəticəsində bir azərbaycanlı başından güllələnib. O, aldığı güllə yarasından hadisə yerində ölüb.

BAKI, 19 yanvar - Sputnik. İstanbulun Esenyurt rayonunda "Lotu Quli" ləqəbli kriminal avtoritet Nadir Səlifovun məzarı üstündə silahlı insident olub.

APA-nın verdiyi xəbərə görə, silahlı insident nəticəsində bir azərbaycanlı başından güllələnib. Güllələnən şəxsin Əli Həşimov olduğu bildirilir. O, aldığı güllə yarasından hadisə yerində ölüb.

Onu vuran digər azərbaycanlı Kənan adlı şəxs isə xəstəxanaya çatdırılıb.

Məlumata görə, hadisə borc üstündə baş verib.

Hadisədə şübhəli bilinən 3 nəfər saxlanılıb.

4
 Передача денег из рук в руки, фото из архива

Hökumətdən 190 manatlıq birdəfəlik ödəmə ilə bağlı açıqlama

3
(Yenilənib 18:40 19.01.2021)
Ötən il dekabrın 30-da ƏƏSMN tərəfindən ölkədə karantin rejiminin sərtləşdirilməsi ilə bağlı işsiz və karantin rejimində gəlirini itirən qeyri-formal işləyən aztəminatlılara cari ilin yaşayış minimumu həcmində birdəfəlik ödəmə vəsaitlərinin köçürülməsi başa çatdırılıb

BAKI, 19 yanvar - Sputnik. Nazirlər Kabineti işsiz və xüsusi karantin rejimində gəlirini itirən qeyri-formal işləyən şəxslərə birdəfəlik ödəmə (190 manat) vəsaitlərinin yanvar ayı üçün verilib-verilməyəcəyi ilə bağlı məsələyə aydınlıq gətirib.

Hökumətdən “Report”a bildirilib ki, 2020-ci il 14 dekabr saat 00:00-dan 2021-ci il 18 yanvar saat 00:00-dək bütün ölkə üzrə sərtləşdirilmiş xüsusi karantin rejimi tətbiq edilmışdi.

“Bu müddət bir ayı əhatə edib. Bununla əlaqədar olaraq da ötən il dekabrın 30-da Əmək və Əhalinin Sosial Müdafiəsi Nazirliyi tərəfindən ölkəmizdə xüsusi karantin rejiminin sərtləşdirilməsi ilə əlaqədar işsiz və xüsusi karantin rejimində gəlirini itirən qeyri-formal işləyən aztəminatlılara cari ilin yaşayış minimumu həcmində birdəfəlik ödəmə (190 manat) vəsaitlərinin köçürülməsi başa çatdırılıb”, - Nazirlər Kabinetdən vurğulanıb.

3