Müharibə iştirakçıılarına və onların ailələrinə özünüməşğulluq proqramı çərçivəsində xidmət, arxiv şəkli

Nazirlik son bir ayda sosial dəstəklə əhatə olunan şəxslərin statistikasını yayıb

12
(Yenilənib 11:29 19.12.2020)
Hər gün daha da genişlənən dəstək tədbirlərinin bir istiqaməti şəhid ailəsi üzvlərinin sosial təminat hüquqlarının təmin edilməsidir.

BAKI, 18 dekabr — Sputnik. Prezident İlham Əliyevin tapşırığına uyğun olaraq Vətən müharibəsi şəhidlərinin ailə üzvləri, müharibə iştirakçıları, o cümlədən yaralanmış hərbçilər, erməni terrorundan zərər çəkənlər ilə bağlı konkret tədbirləri planı üzrə sosial dəstək tədbirləri görülür. Son bir ayda bu tədbirlər həmin kateqoriyalardan olan artıq 4 mindən çox şəxsi əhatə edib. Sputnik Azərbaycan-ın məlumatına görə, bunu Əmək və Əhalinin Sosial Müdafiəsi naziri Sahil Babayev kollegiya iclasında deyib.

Nazir qeyd edib ki, hər gün daha da genişlənən dəstək tədbirlərinin bir istiqaməti şəhid ailəsi üzvlərinin sosial təminat hüquqlarının təmin edilməsidir. Bu istiqamətdə ardıcıl və operativ işlər aparılır. Şəhid ailəsi üzvlərinə Prezidentin aylıq təqaüdləri, pensiya və müavinətlər təyin edilir.

Bu proses, eləcə də Vətən müharibəsi şəhidlərinin ailə üzvləri, müharibə iştirakçıları, yaralanmış hərbçilər, erməni terrorundan zərər çəkənlərin aktiv məşğulluq proqramlarına cəlb edilməsi, onların sosial-psixoloji dəstəklə təminatı və s. tədbirləri də davam edir. Nazirliyin əməkdaşları tərəfindən hər bir şəhid ailəsi, müharibə iştirakçısı, müharibədən zərər çəkən şəxslə görüşülür, onların dövlətin sosial dəstəyi ilə əhatə olunmaları üçün bütün işlər görülür.

Şəhid evi
© AR Ministry of Labour and Social Protection of the Population

S.Babayev bildirib ki, bu günlərdə şəhid ailələri, Milli Qəhrəmanlarla bağlı proaktiv xidmətlər daxil olmaqla, daha 4 proaktiv, 2 elektron, 5 e-arayış xidməti təqdim edildi. İndi Nazirliyin 31-i proaktiv olan 60-a yaxın e-xidməti, habelə 20 e-arayış xidməti var ki, onlardan bir hissəsi şəhid ailələri, Milli Qəhrəmanlar, müharibə əlilləri ilə bağlıdır. Onlarla bağlı proaktiv xidmətlərin dairəsi getdikcə daha da genişlənəcək. Yaxın günlərdə bir sıra yeni e-xidmətlər də təqdim ediləcək. Bütün bu işlərdə məqsəd əhaliyə, xüsusilə də həmin kateqoriyalardan olan vətəndaşlarımıza daha keyfiyyətli, şəffaf, operativ, vətəndaş məmnunluğuna səbəb olan xidmətlər göstərməkdir.

Kollegiya iclasında peşə və kvalifikasiya standartlarının hazırlanması sahəsində aparılan işlər nəzərdən keçirilib. Bu standartların peşə-ixtisas təhsilinin əmək bazarının tələblərinə uyğunlaşdırılmasında, işçi qüvvəsinin rəqabət qabiliyyətinin artırılmasında önəmi qeyd edilib.

2020-ci il ərzində sosial xidmət və reabilitasiya müəssisələrində əsaslı təmir və yenidənqurma, yeni sosial obyektlərin tikintisi, Nazirlikdə sənəd dövriyyəsi və kargüzarlıq işinin təşkili, vətəndaşların qəbulu və onların müraciətlərinə baxılması sahələrində görülən işlər və qarşıda duran vəzifələr də müzakirə olunub. Bir sıra peşə və kvalifikasiya standartlarının təsdiq edilməsi qərara alınıb.

Həmçinin Nazirliyin Kollegiyasının müvafiq qərarı ilə təsdiq edilmiş "Turizm müəssisələrinə aid olan qulluqçu vəzifələrinin Vahid Tarif-İxtisas Sorğu Kitabçası"nda dəyişiklik edilməsi, növbəti ilin istehsalat təqviminin təsdiqlənməsi məsələləri iclasda ətraflı müzakirə edilib.

12

"Lotu Quli"nin məzarı üstündə atışma olub, 1 nəfər ölüb

9
Silahlı insident nəticəsində bir azərbaycanlı başından güllələnib. O, aldığı güllə yarasından hadisə yerində ölüb.

BAKI, 19 yanvar - Sputnik. İstanbulun Esenyurt rayonunda "Lotu Quli" ləqəbli kriminal avtoritet Nadir Səlifovun məzarı üstündə silahlı insident olub.

APA-nın verdiyi xəbərə görə, silahlı insident nəticəsində bir azərbaycanlı başından güllələnib. Güllələnən şəxsin Əli Həşimov olduğu bildirilir. O, aldığı güllə yarasından hadisə yerində ölüb.

Onu vuran digər azərbaycanlı Kənan adlı şəxs isə xəstəxanaya çatdırılıb.

Məlumata görə, hadisə borc üstündə baş verib.

Hadisədə şübhəli bilinən 3 nəfər saxlanılıb.

9
 Передача денег из рук в руки, фото из архива

Hökumətdən 190 manatlıq birdəfəlik ödəmə ilə bağlı açıqlama

9
(Yenilənib 18:40 19.01.2021)
Ötən il dekabrın 30-da ƏƏSMN tərəfindən ölkədə karantin rejiminin sərtləşdirilməsi ilə bağlı işsiz və karantin rejimində gəlirini itirən qeyri-formal işləyən aztəminatlılara cari ilin yaşayış minimumu həcmində birdəfəlik ödəmə vəsaitlərinin köçürülməsi başa çatdırılıb

BAKI, 19 yanvar - Sputnik. Nazirlər Kabineti işsiz və xüsusi karantin rejimində gəlirini itirən qeyri-formal işləyən şəxslərə birdəfəlik ödəmə (190 manat) vəsaitlərinin yanvar ayı üçün verilib-verilməyəcəyi ilə bağlı məsələyə aydınlıq gətirib.

Hökumətdən “Report”a bildirilib ki, 2020-ci il 14 dekabr saat 00:00-dan 2021-ci il 18 yanvar saat 00:00-dək bütün ölkə üzrə sərtləşdirilmiş xüsusi karantin rejimi tətbiq edilmışdi.

“Bu müddət bir ayı əhatə edib. Bununla əlaqədar olaraq da ötən il dekabrın 30-da Əmək və Əhalinin Sosial Müdafiəsi Nazirliyi tərəfindən ölkəmizdə xüsusi karantin rejiminin sərtləşdirilməsi ilə əlaqədar işsiz və xüsusi karantin rejimində gəlirini itirən qeyri-formal işləyən aztəminatlılara cari ilin yaşayış minimumu həcmində birdəfəlik ödəmə (190 manat) vəsaitlərinin köçürülməsi başa çatdırılıb”, - Nazirlər Kabinetdən vurğulanıb.

9

Kəlbəcər rayonunun Çopurlu kəndindən videogörüntülər

0
Üçtərəfli bəyanatın şərtlərinə əsasən Kəlbəcər rayonu 2020-ci il noyabrın 25-də Azərbaycana qaytarılıb.

Müdafiə Nazirliyi Kəlbəcər rayonunun Çopurlu kəndindən videogörüntülər paylaşıb. Sputnik Azərbaycan həmin görüntüləri təqdim edir.

0