CƏMİYYƏT
Cəmiyyətin həyatında baş verən aktual hadisələr

Gələn ilin üçdə birini işləməyəcəyik - yeni TƏQVİM

CC0 / rawpixel / БумагиTəqvim, arxiv şəkli
Təqvim, arxiv şəkli - Sputnik Azərbaycan
Abunə olmaq
Azərbaycanda gündəlik normal iş vaxtının müddəti 8 saatdan, gündəlik normal iş vaxtına uyğun olan həftəlik normal iş vaxtının müddəti isə 40 saatdan artıq ola bilməz

BAKI, 18 dekabr - Sputnik. Əmək və Əhalinin Sosial Müdafiəsi Nazirliyinin Kollegiyasının 18 dekabr 2020-ci il tarixli Qərarı ilə  2021-ci il üçün iş vaxtı norması və istehsalat təqvimi təsdiq edilib.  

Жители Баку отмечают День Государственного флага - Sputnik Azərbaycan
Zəfər Günü iş günü hesab olunmayan bayram günlərinə aid ediləcək

Nazirlikdən Sputnik Azərbaycan-a verilən məlumata görə, 2021-ci il üçün iş vaxtı normasında bildirilir ki, Azərbaycan Respublikasının Əmək Məcəlləsinə, Azərbaycan Respublikası Prezidentinin “Azərbaycan Respublikasında Zəfər Gününün təsis edilməsi haqqında” 2020-ci il 3 dekabr tarixli Sərəncamına və Azərbaycan Respublikası Nazirlər Kabinetinin “2021-ci il üçün Novruz, Ramazan və Qurban bayramları günlərinin müəyyən edilməsi haqqında” 2020-ci il 3 dekabr tarixli 483 nömrəli Qərarına əsasən, 2021-ci ildə aşağıdakı günlər iş günü hesab edilmir:           

1, 2 yanvar –Yeni il bayramı;
20 yanvar – Ümumxalq hüzn günü;
8  mart – Qadınlar günü;
20, 21, 22, 23, 24 mart – Novruz bayramı;
9 may – Faşizm üzərində qələbə günü;
13, 14 may – Ramazan  bayramı;
28 may - Respublika Günü;
15 iyun – Azərbaycan xalqının Milli Qurtuluş Günü;
26 iyun - Azərbaycan Respublikasının Silahlı Qüvvələri Günü;
20, 21 iyul - Qurban bayramı;

8 noyabr - Azərbaycan Respublikasının Zəfər Günü;   
9  noyabr - Azərbaycan Respublikasının Dövlət Bayrağı Günü
31 dekabr – Dünya azərbaycanlılarının  həmrəyliyi günü.
2021-ci ildə həftələrarası istirahət günlərinin iş günləri hesab olunmayan bayram günləri ilə üst-üstə düşməsi ilə əlaqədar olaraq beşgünlük iş həftəsində 4 yanvar, 25, 26 mart, 10 may, 28 iyun tarixləri, altıgünlük iş həftəsində  25 mart, 10 may tarixləri istirahət günləridir.  

2021-ci ildə beşgünlük iş həftəsində 241 iş günü (onlardan 8-i bayramqabağı və Ümumxalq hüzn günü qabağı iş günləridir), iş günü hesab edilməyən 109 istirahət günü (onlardan, 5-i iş günü hesab edilməyən bayram günləri ilə üst-üstə düşən), iş günü hesab edilməyən 19 bayram (5-i istirahət günləri ilə üst-üstə düşən) və 1 Ümumxalq hüzn günü vardır. 

Мужчина ставит подпись на документе, фото из архива - Sputnik Azərbaycan
CƏMİYYƏT
Anım Günü ilə bağlı Əmək Məcəlləsinə dəyişiklik edilir

Azərbaycanda gündəlik normal iş vaxtının müddəti 8 saatdan, gündəlik normal iş vaxtına uyğun olan həftəlik normal iş vaxtının müddəti isə 40 saatdan artıq ola bilməz.  Bir qayda olaraq, iki istirahət günü olan beşgünlük iş həftəsi müəyyən edilir.   

2021-ci il üçün 40 saatlıq iş həftəsində iş vaxtının illik norması 1920 saatdır.

Altıgünlük iş həftəsi tətbiq edilərkən həftəlik norma 40 saat olduqda gündəlik iş vaxtının müddəti 7 saatdan və bilavasitə səhərisi gün istirahət günü olan iş gününün müddəti 6 saatdan çox ola bilməz. Altıgünlük iş həftəsi olan iş yerlərində də 40 saatlıq iş həftəsində çalışanlar üçün 1920 saatlıq illik iş vaxtı norması tətbiq edilməlidir.

2021-ci il üçün iş vaxtı norması və istehsalat təqvimi Əmək və Əhalinin Sosial Müdafiəsi Nazirliyinin rəsmi internet saytında (http://sosial.gov.az/istehsalat-tqvimi) da yerləşdirilib.

Xəbər lenti
0