Türkiyə bayrağı, arxiv şəkli

Türkiyə qapısını açdı, amma hər kəsə oradan keçmək asan olmayacaq

249
(Yenilənib 17:01 17.12.2020)
"Burada bir nüans ortaya çıxır ki, vətəndaşlar quru yolla getməli olsalar, müəyyən problemlər ortaya çıxacaq. Çünki əgər biz Türkiyə ilə giriş-çıxışı şəxsiyyət vəsiqəsi ilə həyata keçirmək imkanları yaradırıqsa, düşünürəm ki, Gürcüstanla da bu imkanları yaratmalıyıq"

İradə Cəlilova, Sputnik Azərbaycan

BAKI, 17 dekabr — Sputnik. Dekabrın 10-da Azərbaycan və Türkiyə hökuməti arasında qarşılıqlı olaraq vizadan azadetmə haqqında sazişə dəyişikliklər edilməsi haqqında Azərbaycan Respublikası Hökuməti və Türkiyə Respublikası Hökuməti arasında 1 saylı protokol imzalandı. Sazişə əlavə olaraq imzalanmış protokol qüvvəyə mindikdən sonra iki ölkə vətəndaşları artıq şəxsiyyət vəsiqəsi və digər sərhədkeçmə sənədləri ilə vizasız səfər edə və ölkə ərazisində 90 gün vizasız qala biləcəklər.

Türkiyə Prezidenti Rəcəb Tayyib Ərdoğan Bakıda paradda, arxiv şəkli
© Murat Cetinmuhurdar / Presidential Press Office / Handout via REUTERS

Azərbaycanda Türkiyəyə şəxsiyyət vəsiqəsi ilə gedə bilmək nəyi dəyişdirəcək?

Dövlət Miqrasiya Xidməti yanında İctimai Şuranın sədri, "Avrasiya Miqrasiya təşəbbüsləri" platformasının təsisiçisi Azər Allahverənov Sputnik Azərbaycan-a açıqlamasında bildirib ki, iki dövlət arasında miqrasiya mübadiləsi o zaman intensiv olur ki, iki ölkənin əhalisi arasında sıx inteqrasiya olur: "Yəni siyasi, mədəni, sosial, iqdisadi və sair əlaqələr bir-birilə uzlaşır. Belə olduğu vəziyyətdə miqrasiya mübadiləsi intensiv xarakter alır. Əgər iki dövlət arasında bu miqrasiya mübadiləsini təmin etmək çox əlverişlidirsə, mübadilə intensivləşir. İntensivlik üçün iki dövlət arasında əlverişli vəziyyət olmalıdır".

Ekspertin sözlərinə görə, bu ilin fevral ayında Türkiyə ilə Azərbaycan arasında viza rejimi götürüldü və orada qalma müddəti 90 gün oldu. Əvvəl isə bu müddət 2 ay olub. Gün sayı artırılsa da, daxili qanunlara görə, 90 gün bitdikdən sonra "oturum izni" (yaşamaq üçün icazə) almağa ehtiyac duyulur.

"Dövriyyədən xarici pasport çıxarılır və tək şəxsiyyət vəsiqəsi ilə Türkiyəyə getmək mümkün olacaq. Buna baxmayaraq, "oturum izni" və sair daxili qanunlar qüvvədə qalır. Tək şəxsiyyət vəsiqəsi deyildikdə, yeni nəsil vəsiqə nəzərdə tutulur, çünki yeni nəsil vəsiqədə informasiyalar çipə yerləşdirilir və digər ölkəyə giriş-çıxış həmin çip vasitəsi ilə həyata keçirilir", - deyə A.Allahverənovun sözlərinə görə, Türkiyə ilə Azərbaycan arasında hər zaman intensiv mübadilə olub.

Pandemiya ilə əlaqədar bu mübadilə zəifləsə də, yəqin ki, pandemiyadan sonra xarici pasportu olmayan vətəndaşlar da rahat şəkildə gediş-gəliş edə biləcəklər.

"Burada bir nüans ortaya çıxır ki, vətəndaşlar quru yolla getməli olsalar, müəyyən problemlər ortaya çıxacaq. Çünki əgər biz Türkiyə ilə giriş-çıxışı şəxsiyyət vəsiqəsi ilə həyata keçirmək imkanları yaradırıqsa, düşünürəm ki, Gürcüstanla da bu imkanları yaratmalıyıq. Gürcüstan üzərindən Türkiyəyə gedən vətəndaşlarımız problem yaşamamalıdırlar. Hesab edirəm ki, bu barədə hər iki tərəf müəyyən danışıqlar aparacaq", - deyə Allahverənov bildirib.

A.Allahverənovun fikrincə, ölkələr arası giriş-çıxış informasiyaları da vəsiqənin üzərində olan çiplərə yazılacaq. Və gələcəkdə İT mütəxəssisləri çipə yazılmış məlumatları oxumaq imkanı yaradacaqlar.

"Sənədlərin sayı azaldılır, hər şey çipə yazılır. Ancaq hesab edirəm ki, daxili 90 gün müddəti gələcəkdə 180 gün müddətinə artırılsın. Çünki 180 gün müddətində vətəndaşlar rahat işlərini görə və ya öz işlərini qura bilərlər", - deyə ekspert vurğulayıb.

A.Allahverənov hesab edir ki, Azərbaycan vətəndaşlarının əmək fəaliyyəti ilə məşğul olması üçün çox geniş əlverişli şərait var.

Dövlət Turizm Agentliyinin Media və ictimaiyyətlə əlaqələr sektorunun müdiri Kənan Quluzadənin sözlərinə görə, pandemiya ilə əlaqədar turizm fəaliyyəti dayandırılıb. İki ölkə arasında bağlanan müqavilənin nəticəsi isə gələcəkdə müşahidə ediləcək.

K.Quluzadənin sözlərinə görə, sərhədkeçmə şərtlərinin sadələşdirilməsi turizmin inkişafına təkan verir.

O bildirib ki, Azərbaycana səfər edən xarici ölkənin vətəndaşları sırasında Türkiyə üçüncü yerdədir.

Belə ki, 2019-cu ildə Azərbaycana 316628 Türkiyə vətəndaşı səfər edib. 2018-ci illə müqayisədə 8,6 faiz artım qeydə alınıb. Eləcə də, Azərbaycana səfər edən xarici vətəndaşların sırasında Türkiyə Rusiya və Gürcüstandan sonra üçüncüdür.

249
Teqlər:
Gürcüstan, şəxsiyyət vəsiqəsi, səfər, viza, Azərbaycan, Türkiyә
Meşə yanğını, arxiv şəkli

Hirkanda yanğın: Azərbaycanın zəngin təbiəti məhv olmaqdadır

13
(Yenilənib 22:32 18.01.2021)
Əməliyyata, həmçinin, Fövqəladə Hallar Nazirliyi Aviasiya dəstəsinin "BE-200ÇS" tipli amfibiya təyyarəsi də cəlb edilib.

BAKI, 18 yanvar — Sputnik. Astara rayonu ərazisində Hirkan Milli Parkında baş vermiş yanğının söndürülməsi ilə əlaqədar Fövqəladə Hallar Nazirliyi tərəfindən operativ və təxirəsalınmaz tədbirlər davam etdirilir.

Bu barədə Sputnik Azərbaycan-a nazirlikdən məlumat verilib.

Bildirilib ki, yanğının söndürülməsinə relyefin mürəkkəbliyi və hava şəraitinin əlverişsizliyi ciddi maneə yaradır. Yanğının daha geniş sahəyə yayılması və Milli Parkın ərazisinə, ümumiyyətlə, ekologiyaya daha böyük ziyan vurmasının qarşısının alınması məqsədilə FHN-in qüvvələri tərəfindən zəruri tədbirlər davam etdirilir.

Bu gün yanğınsöndürmə əməliyyatına Fövqəladə Hallar Nazirliyinin Dövlət Yanğından Mühafizə Xidmətindən 44 nəfər şəxsi heyət, iki texnika, Mülki Müdafiə Qoşunlarından 28 nəfər şəxsi heyət, iki texnika, Xüsusi Riskli Xilasetmə Xidmətindən 31 nəfər şəxsi heyət, iki texnika, Cənub Regional Mərkəzindən 18 nəfər şəxsi heyət, iki texnika, eyni zamanda, Ekologiya və Təbii Sərvətlər Nazirliyinin 15 nəfər əməkdaşı cəlb olunub.

Əməliyyata, həmçinin, Fövqəladə Hallar Nazirliyi Aviasiya dəstəsinin "BE-200ÇS" tipli amfibiya təyyarəsi də cəlb edilib.

13
Bakıda günəşli hava, arxiv şəkli

Bu hava axırımıza çıxacaq - ekspertlərdən bədbin proqnoz

86
(Yenilənib 22:27 18.01.2021)
Umayra Tağıyevanın sözlərinə görə, soyuq hava cərəyanları ölkəyə daxil olmur, buna görə də havanın temperaturu çoxillik normadan 2 dərəcəyədək yüksəkdir.

İradə Cəlilova, Sputnik Azərbaycan

BAKI, 18 yanvar — Sputnik. "Yanvar ayının ilk günlərindən hava çox xoş keçir, mülayimdir. Külək müşahidə olunmur". Bu barədə Milli Hidrometeorologiya Xidmətinin rəisi Umayra Tağıyeva danışıb. O qeyd edib ki, soyuq hava cərəyanları ölkəyə daxil olmur, buna görə də havanın temperaturu çoxillik normadan 2 dərəcəyədək yüksəkdir.

Onun sözlərinə görə, son onilliklərdə iqlimdə istiləşmə gedir.

Belə ki, istiləşmə ölkə ərazisində qeyri-bərabər şəkildə paylanır. Bəzi bölgələrdə göstəricilər daha yüksəkdir, məsələn, 1.4 dərəcə. Bəzi bölgələrdə 0.8 dərəcə. Amma istiləşmə prosesi müşahidə olunur.

İqlimin istiləşməsi nəticəsində qış aylarında şaxtalı günlərin sayı əhəmiyyətli dərəcədə azalıb:

"Azalma varsa, yağıntılar artıq qar şəklində deyil, yağış şəklində düşür. Yağıntıların da miqdarında azalma qeydə alınır. Bu problem nəinki Azərbaycanda, bir çox ölkələrdə baş verir. Bu da iqlim dəyişmələrinin təzahürləridir".

Ekoloq Vaqif Əliyev Sputnik Azərbaycan-a açıqlamasında bildirib ki, iqlim dəyişmələri landşaft qurşaqlarının sərhədlərinin yuxarı irəliləməsinə, isti və mülayim qurşaqların sahəsinin genişlənməsinə, soyuq qurşaqlarının sahəsinin isə azalmasına gətirib çıxarır.

Mütəxəssisin sözlərinə görə, dünya üzrə iqlim dəyişmələrinə nəzarət üçün Kiota protokolunun müddəti bitsə də, hələ ki, arzuolunan nəticə əldə edilməyib:

"Hal-hazırda bu protokolun ardınca İqlim Dəyişmələrinə dair Paris çərçivə Konvensiyası bu işi davam etdirir. Bu konvensiyada hər bir ölkə istixana qazlarının emissiyasını azaltmaq üzrə öhdəçilik götürür. Azərbaycan da baza ili kimi 1990-cı ili seçərək 2030-cu ilədək istixana effektli qazların emissiyasını 35% azaltmağı hədəf götürüb"

Onun sözlərinə görə, iqlim dəyişmələri havaların istiləşməsi ilə nəticələnir. Bu səbəbdən adaptasiya tədbirlərinin görülməsi çox önəmlidir.

İqlim dəyişikliklərinin yaratdığı problemləri aradan qaldırmaq üçün quraqlığa davamlı yeni bitki növlərinin becərilməsi, əkin sahələri və su hövzələri boyunca su qoruyucu və tarla qoruyucu zolaqların salınması, suvarmada damcılı və yağış suvarma texnologiyalarının tətbiqi, su anbarlarının tikilməsi, sel və daşqınlara qarşı qoruyucu bəndlərin tikilməsi və s. qoruyucu tədbirlər görülməlidir.

V.Əliyev vurğulayıb ki, iqlim dəyişikliyi illərlə baş verən bir prosesdir. Məsələn, illərlə qar yağmır, külək olmur və birdən qar yağmağa, külək əsməyə başlayır. Abşeron yarımadasında külək, günəş, rütubət var. Burada günəşli günlərin sayı daha azdır və quru hava şəraiti daha çox olur.

Həkim terapevt Xatirə Əhmədovanın sözlərinə görə, havaların anomal keçməsi müxtəlif xəstəliklərin yayılmasına, xüsusilə də soyuqdəymə adlanan hala gətirib çıxarır.

Buna səbəb isə insanların bədən temperaturlarını tənzimləyə bilməmələri ilə əlaqədardır.

Onun sözlərinə görə, bədən tempraturu tez-tez dəyişdiyinə görə, immunitet zəifləyir. İmmunitet zəiflədiyi zaman xəstəliklərə yoluxma asanlaşır.

"Belə havalarda insan özünü halsız, yuxusuz, iştahsız hiss edir. Bu, uzun müddət davam edəndə immunitet zəifləyir və xəstəliyə tutulma riski artır" - deyən həkim belə havalarda havaya uyğun geyinməyi məsləhət görür.

Həkim əlavə edib ki, pandemiya dönəmi olduğu üçün insanlar sağlamlıqları ilə daha diqqətli davranmalıdır:

"Qidalanmaya, geyim tərzinə xüsusi diqqət yetirilməlidir. Qalın və ya nazik geyinmək olmaz. Özünüzü havaya uyğunlaşdırın. Qidalara gəldikdə isə vitaminlərlə zəngin qidalara - meyvə-tərəvəzə üstünlük verin. Məsələn, qaraciyər, yumurta, balıq, banan, portağal və s. qidalara rasionunuzda daha çox yer ayırın".

Mütəxəssislərə görə, anomal hava şəraitində daha çox tərləmədən qorunmaq lazımdır. Çünki bədən tərli ikən soyuqlama daha tez baş verir.

86
Avtomat və güllələlər, arxiv şəkli

Qazax sakinində silah aşkarlanıb

0
(Yenilənib 00:11 19.01.2021)
Götürülən maddi sübutlar müvafiq ekspertizaya təqdm edilib, faktlarla bağlı XPŞ-nin İstintaq Qrupunda cinayət işi başlanılıb, araşdırmalar davam etdirilir.

BAKI, 18 yanvar — Sputnik. Nəqliyyatda Baş Polis İdarəsinin Narkotiklərlə Mübarizə Şöbəsinin və Dəmir Yolu Nəqliyyatında Polis İdarəsinin Gəncə st. Xətt Polis Şöbəsinin (XPŞ) əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində qanunsuz olaraq narkotik vasitə saxlamaqda və gəzdirməkdə şübhəli bilinən, Qazax şəhər sakini, Afiq Məmmədov XPŞ-yə gətirilib.

Sputnik Azərbaycan Daxili İşlər Nazirliyinin Mətbuat Xidmətinin Gəncə regional qrupundan verilən məlumata istinadla xəbər verir ki, onun üzərində şəxsi axtarış keçirilən zaman əlində olan, göy rəngli politelen torbanın içərisindən 455 qram narkotik vasitə olan qurudulmuş "marixuana" aşkar edilərək götürülüb.

Afiq Məmmədovun ətrafında keçirilən istintaq-əməliyyat tədbirləri nəticəsində onun Qazax şəhər ərazisindəki qəbirstanlıqda odlu silah gizlətməsi də məlum olub. Polis əməkdaşlarının həmin əraziyə keçirdiyi baxış zaman oradan bir ədəd istifadəyə yararlı "AKM-72" tipli avtomat və həmin avtomata aid 4 ədəd patron aşkar edilərək götürülüb.

Götürülən maddi sübutlar müvafiq ekspertizaya təqdm edilib, faktlarla bağlı XPŞ-nin İstintaq Qrupunda cinayət işi başlanılıb, araşdırmalar davam etdirilir.

0