Xəyal Səfərli

Şuşa onda dərin iz qoydu: "Döyüşə qatılan ilk gün pusquya düşdük" - FOTO

380
(Yenilənib 21:49 15.12.2020)
"Sol qolumun mil sümükləri parçalanmışdı, sol gözüm zədələnib, 20% görür, sol ayağım və sol böyrəyim yaralanıb, ürək nahiyəmə 2 ədəd qəlpə girib", - deyən qazimiz sağalan kimi xidmətə dönmək istəyir

Rahim Muradov, Sputnik Azərbaycan

BAKI, 15 dekabr — Sputnik. "Yaralıları çıxarıb qaçırdım, yenə təkrar meydana atılırdım. İçi mən qarışıq hər kəs öz torpağımız uğrunda can qoymağa hazır idi". 

Növbəti reportajımızda 44 günlük Vətən savaşının qəhrəmanlarından birini tanıyacağıq. Masallı rayonu Viləş kənd sakini, 25 yaşlı Xəyal Səfərli bu ilin mart ayından Daxili Qoşunların N saylı hərbi hissəsində Xüsusi Təyinatlı Dəstəsində MAXE (müddətdən artıq xidmət edən - red.) kimi xidmətə başlayıb. Qazimiz Ordumuz əks-hücum əməliyyatına başlayan gündən Füzuli rayonu istiqamətində döyüşlərə qatıldığı barədə Sputnik Azərbaycan-a danışır: "Düşməndan alınan postları biz təhvil götürüb müdafiə edirdik. Döyüşə qatılan ilk gün pusquya düşdük. Səhər sübhdən gecə təxminən saat 1-dək pusquda qaldıq. Həmin müddət ərzində güclü artilleriya zərbələrinə məruz qaldıq, şəhidimiz də var idi.

© Sputnik / Rahim Murad
Xəyal Səfərlinin ailəsi

Bir-iki həftə Füzuli rayonunda xidmət apardıqdan sonra Şuşa şəhərinə yollandıq. Şuşa azad olunmamışdan öncə hər gün dağ-meşə yolları ilə 15-17 saat dayanmadan piyada gedərək silah-sursat daşıyırdıq. 

Şuşa ətrafında döyüşlər başlayanda biz döyüş meydanına girib, dayanmadan yaralıları və şəhidləri çıxarırdıq. Bütün döyüşçülərimiz böyük sevinclə və yüksək ruh yüksəkliyi ilə vuruşurdular. Daim irəliyə getdiyimizə və torpaqlarımızı aldığımıza görə sevinirdik, yəni heç kimdə qorxu hissi yox idi. Yaralıları və şəhidləri meydandan çıxaranda ermənilər dayanmadan minaatan mərmiləri üzərimizə yağdırırdılar, amma yenə də qorxmurdum. Yaralıları çiynimə götürüb oradan çıxarır, yenə təkrar meydana atılırdım. İçi mən qarışıq hər kəs öz torpağımız uğrunda can qoymağa hazır idi. Təxminən 18 nəfərə yaxın yaralı, 10 nəfərə yaxın da şəhid çıxarmışdıq”.

Xəyal deyir ki, noyabrın 8-də döyüş meydanından çıxardıqları yaralıları təxliyə ediblər. Səhəri gün isə Şuşa şəhərinə yaxın Daşaltı kəndində günorta saatlarında özü yaralanıb, ayın 10-da təxliyə olunub: “Yanıma iki top mərmisi düşmüşdü. Yaralanan zaman mənimlə bərabər 6 əsgər də var idi. Mən yaralı halda yoldaşlarla qaçıb yaxınlıqdakı evlərdən birinin zirzəmisinə girdik. 9 noyabr gecə 1-də həmin evə girdik, 10 noyabr səhər saatlarında bizi həmin evin dağıntılarının altından çıxardılar.

© Sputnik / Rahim Murad
Xəyal Səfərli (solda)

Düşmən bizim orada olduğumuzu bildiyi üçün həmin evi artilleriya atəşinə tutub, evi başımıza uçurdu. Mən və başqa bir döyüş yoldaşım yaralanmışdıq, digərləri isə şükür, salamat idilər. Sol qolumun mil sümükləri parçalanmışdı, sol gözüm zədələnib, 20% görür, sol ayağım və sol böyrəyim yaralanıb, ürək nahiyəmə 2 ədəd qəlpə girib. Ümumiyyətlə, kürəyimin sol tərəfində çoxlu sayda xırda qəlpə var. İki dəfə əməliyyat olunmuşam, hazırda qolumun ağrısı kəsməyib, narahatlıq yaradır. Həkimlər gözümün tədricən sağalacağını deyiblər".

X.Səfərli tezliklə sağalıb Müzəffər Ordumuzun işğaldan azad etdiyi torpaqlara getmək, xidmətini davam etdirmək istədiyini deyir.

Qazimizin atası Mübariz Səfərov kiçik oğlu Xəyalla qürur duyur: “Müharibə başlayan zaman zəng eləyib dedi ki, “Ata, müharibəyə gedirəm, haqqınızı halal edin”. Mən də ona halallığımı verdim ki, “Get, canla-başla vuruş!” Xəyalın yaralandığını bilmirdim. 11 noyabrda özü mənə zəng eləyib yaralı olduğunu və Ağcabədi rayonunda hospitalda müalicə aldığını dedi. Allaha çox şükür, salamatdır, evdədir. Allah şəhidlərimizə rəhmət eləsin, qazilərimizə də şəfa versin! Mən oğlum Xəyalla fəxr edirəm ki, bir neçə nəfərin həyatını xilas edib, əsgərlərimizin döyüş meydanında qalmağına və ya itkin düşməyinə imkan verməyib. Hətta qonşu kənddən bir nəfər Xəyal onların övladının həyatını xilas etdiyi üçün bizə gəlib minnətdarlıq etdi".

© Sputnik / Rahim Murad
Xəyal Səfərlinin ailəsi

Mübariz Səfərovun böyük oğlu Vüsal Səfərli də Vətən müharibəsi iştirakçısıdır: “Vüsal ilk dəfə 2016-cı ilin Aprel döyüşlərində könüllü iştirak etmək üçün Rayon Hərbi Komissarlığına müraciət etmişdi. Həmin vaxt onun ehtiyatda qalmasını bildirdilər. Bu il Tovuz döyüşləri vaxtı da könüllü olaraq döyüşlərə qatılmaq istədiyini bildirmişdi. Ona sentyabrın 28-dən Vətən müharibəsində iştirak etmək qismət oldu. Hal-hazırda isə Zəngilanda xidmətdədir”.

380
Teqlər:
müharibə, döyüş, yaralılar, Şuşa, MAXE, Masallı, Qarabağ, qazi
Mövzu:
Azərbaycan və Ermənistan arasında müharibə (1184)
Çarpayıda gənc cütlük, arxiv şəkli

Hüquqşünas: "Yataq otağından çıxandan sonra söhbət ediləcək mövzu yoxdursa..."

7
(Yenilənib 15:15 19.01.2021)
"Kişilər unutmamalıdırlar ki, qadınla ailə həyatı quran zaman o, atası evindən çıxanda əxlaqsız olmur ki?! Əxlaqsız idisə, niyə alırdın? Deyildisə, deməli, sənin əlində əxlaqsız olub"

İradə Cəlilova, Sputnik Azərbaycan

BAKI, 19 yanvar — Sputnik. Pandemiya dövründə daha əvvəl müşahidə edilməyən qaydalar tətbiq edildiyi üçün vətəndaşlar bu dönəmdə müxtəlif qayda pozuntuları ilə qarşılaşdılar. Karantin rejimi, SMS-icazə, evdə qalmaq kimi məhdudiyyətlər yenilik olduğu üçün bir çox vətəndaşlar bu vəziyyətlə barışmaqda çətinlik çəkdilər.

Bəs bu dövrdə vətəndaşlar hüquqşünaslara daha çox hansı hüquq pozuntusu ilə müraciət ediblər?

Hüquqşünas Tağı Hüseynov Sputnik Azərbaycan-ın suallarını cavablandırıb.

© Sputnik / Irade JELIL
Hüquqşünas Tağı Hüseynov

- Pandemiya dövründə vətəndaşları hüquqi istiqamətdə daha çox nə narahat edib?

- Pandemiya dövründə əsas hüquq pozuntuları iki istiqamətdə olub. Yəni şəxslərin bizə müraciətləri boşanma və inzibati orqanların tətbiq etdiyi cərimələrlə bağlı olub. Bir müddət əvvəl, sərt karantin rejimində evdə qalmaq tələbi, kafe və restoranların bağlı olması ailələri, demək olar ki, bir yerə topladı. Bu müddət ərzində mehriban olan ailələr daha da mehribanlaşdı. Problemli ailələrin problemi isə böyüyərək boşanma ilə nəticələndi.

İkinci istiqamətdə olan hüquq pozuntuları əsasən polisin yazdığı cərimələrlə bağlı olub. Belə ki, müraciət edən vətəndaşlar müxtəlif səbəblərlə polisin yazdığı cərimələrlə razılaşmadıqlarını dilə gətirirdilər. Bəziləri qeyd edirdilər ki, SMS müddətinin bitməsindən 2 dəqiqə sonra cərimə yazılıb, bəziləri evinin qapısında ona cərimə yazıldığını bildirirdilər. Bu problemlə qarşılaşan vətəndaşların 99 faizi məhkəməyə müraciət etmir. Düşünürlər ki, 100 manata görə məhkəmələrə vaxt ayırmağa dəyməz.

Ancaq bəzi prinsipial insanlar var ki, axıra qədər davam edirlər. Mən vətəndaşlara izah edirdim ki, məhkəməyə arayış yazmağa 50 manat vəkilə verməkdənsə, cəriməni tətbiq edən quruma müraciət ünvanlasınlar.

- Boşanma müraciətləri ilə bağlı vətəndaşlar səbəb kimi nəyi vurğulayırlar?

- Düzünü desək, son dövrlədə kişilər öz məsuliyyətlərini unudublar. Bir müddət əvvəl qadınlar hüquq bərabərliyi istəyirdilər. Bu da sizə hüquq bərabərliyi. Ailədə kişi və qadınların vəzifələri yazılı şəkildə müəyyən edilmədiyi üçün ailə daxilində ər və arvad ailədə öz vəzifəsini bilmir. Ərzaq, əmlak, yemək almaq və s. kimin vəzifəsidir? Heç kim bilmir. Çox qəribədir, ailədə kişi yeyib-yatanda, işləməyəndə məsuliyyətə cəlb edilmir, amma ayrılandan sonra aliment ödəməyəndə cəlb edilir.

Boşanmaların digər səbəbi isə xəyanətdir.

Sosial şəbəkələr xəyanətlərin artmasına səbəb olur. Qadın və ya kişi sosial şəbəkədə kimləsə tanış olur və düşünür ki, ərim, arvadım onsuz da bilməyəcək. Amma artıq texnologiya inkişaf edib. Bütün şəbəkələrin mesajlarını tutmaq mümkündür.

Kişilər unutmamalıdırlar ki, qadınla ailə həyatı quran zaman atası evindən çıxanda əxlaqsız olmur ki?! Əxlaqsız idisə, niyə alırdın? Deyildisə, deməli, sənin əlində əxlaqsız olub.

Qadınlar da ailə həyatına müvəqqəti baxırlar. Yəni ərə sadəcə ərə getmək, ana olmaq xatirinə gedirlər. Düşünmürlər ki, həyat yoldaşı olmaq da özü də gözəl statusdur.

Qızlar oğlanı tanımadan ailə həyatı qururlar. Bəzən olur ki, onlar yataq otağından çıxandan sonra yarım saat söhbət edə biləcək mövzu tapa bilmirlər.

Bu səbəbdən də ailələr uzun müddətli olmur.

- "Aliment Fondu"nun yaradılması müzakirə edilir.

- Fondun yaradılması bir neçə il əvvəl də müzakirə edilmişdi. Ancaq bu müzakirələr reallaşmadı. Çünki bu fondun yaradılması boşanmaların artmasına səbəb ola bilərdi. Məsələn, qadınlar onu incidən həyat yoldaşları ilə birlikdə yaşamaqdan imtina edəcəkdilər. Düşünəcəkdilər ki, əgər fond varsa, heç kişini aliment üçün məhkəməyə də verməyə ehtiyac qalmayacaq. "Aliment Fondu" uşağa aliment ödəyəcək.

Ancaq bu gün qadınlar düşünürlər ki, boşansalar, aliment də ala bilməsələr, uşağa tək baxa bilməyəcəklər. Məcburən güzəştə gedib, ailə həyatını davam etdirməli olurlar.

Bu səbəbdən də fondun müzakirəsi dayandırıldı.

Hesab edirəm ki, uşaq pulunun verilməsi müzakirə edilməlidir. Məsələn, hər uşağa 100 manat uşaq pulu ayrılsa, boşanma olsa belə, kişi öz payına düşən 75 manatı ödəməli olar.

Ölkədə hamı 2000 manat maaş almır. Normal maaş 500 manatdır. Əgər bu maaşı alan kişinin iki uşağı varsa, uşaqlara 350 manat ödənilməlidir. Bu da təbii ki, kişiyə də sərf etmir. Mən hesab edirəm ki, kişilərə güzəşt etmək lazımdır. Aliment verməyən kişi Azərbaycan üçün üz qarasıdır. Ancaq kişilərin gəlirləri də nəzərə alınmalıdır.

7
Teqlər:
müsahibə, problemlər, kişi, qadın, hüquqşünas
Təlim hərbi hissələrində gənc əsgərlərin qəbulu

MN: Təlim hərbi hissələrində gənc əsgərlərin qəbulu davam edir

4
(Yenilənib 19:44 19.01.2021)
Hərbi qulluqçular şəxsi heyətin qəbul məntəqələrində qeydiyyatdan keçdikdən sonra müvafiq bölgü aparılır.

BAKI, 19 yanvar — Sputnik. "Azərbaycan Respublikası vətəndaşlarının 2021-ci il yanvarın 1-dən 30-dək müddətli həqiqi hərbi xidmətə çağırılması haqqında" ölkə Prezidenti İlham Əliyevin müvafiq sərəncamının icrası ilə bağlı Azərbaycan Ordusunun təlim hərbi hissələrində gənc əsgərlərin qəbulu keçirilir.

Bu barədə Sputnik Azərbaycan-a Müdafiə Nazirliyindən məlumat verilib.

Müdafiə nazirinin əmri ilə gənc əsgərlərin sağlamlığının qorunub saxlanılması məqsədilə yoluxucu xəstəliklərə qarşı profilaktik və əks-epidemik tədbirlər görülür. Eyni zamanda, müxtəlif mövsümi xəstəliklərdən qorunmaqla bağlı şəxsi heyətlə müvafiq maarifləndirmə işləri aparılır və onların sağlamlığına nəzarət məqsədi ilə gündəlik termometriyası keçirilir.

Hərbi qulluqçular şəxsi heyətin qəbul məntəqələrində qeydiyyatdan keçdikdən sonra müvafiq bölgü aparılır.

  • Təlim hərbi hissələrində gənc əsgərlərin qəbulu
    © AR Ministry of Defence
  • Təlim hərbi hissələrində gənc əsgərlərin qəbulu
    © AR Ministry of Defence
  • Təlim hərbi hissələrində gənc əsgərlərin qəbulu
    © AR Ministry of Defence
1 / 3
© AR Ministry of Defence
Təlim hərbi hissələrində gənc əsgərlərin qəbulu

Tibb məntəqələrində hərbi həkim komissiyası tərəfindən müayinə olunduqdan sonra hərbi qulluqçuların hər birinə tibbi kitabça açılır və gənc əsgərlərə müvafiq qaydada məişət xidmətləri göstərilir.

Hərbi qulluqçular bütün təminat növlərinə qoyulurlar və normalara uyğun olaraq qış hərbi geyim forması ilə təmin edilirlər.

Gənc əsgərlərin hazırlığı proqramına uyğun olaraq şəxsi heyətə sıra hazırlığı məşğələləri keçirilir və onlara hərbi intizamın möhkəmləndirilməsi üzrə mühazirələr oxunur.

4