Suiti, arxiv şəkli

Xəzərdə müəmmalı ölümlər qlobal "sui-qəsd": bu, adi adamın işi deyil

229
(Yenilənib 17:57 14.12.2020)
"Xəzər bir dənizdir. Dağıstanda baş verən burada da baş verəcək. Çünki Xəzərin axınları şimaldan cənuba doğrudur" - ekoloq.

İradə Cəlilova, Sputnik Azərbaycan

BAKI, 14 dekabr — Sputnik. Dağıstanda Xəzər dənizi sahillərində bir neçə gün ərzində 272 suiti ölümü qeydə alınıb. Federal Balıqçılıq Agentliyinin ərazi idarəsinin məlumatına görə, yüzlərlə heyvanın leşini dalğalar Mahaçqalada Sulak və Samur kəndlərində quruya atıb. Cəsədlərin çoxu Mahaçqaladan Sulakadək sahilin şimal hissəsində tapılıb.

МОРСКИЕ КОТИКИ ОСТРОВ ТЮЛЕНИЙ
© Sputnik / Валерий Шустов

Hazırda alimlər suitilərin kütləvi ölüm səbəbini müəyyənləşdirirlər. Bir versiyaya görə, bunun səbəbi viral və ya bakterial mənşəli bir yoluxucu xəstəlik ola bilər.

Ekologiya və Təbii Sərvətlər Nazirliyinin Bioloji Müxtəlifliyin Qorunması Xidmətinin rəsmisi Mehman Axundov Xəzər dənizinin Mahaçqala və Kaspiysk şəhərləri arasındakı Kalmıkiya sahillərində Xəzər suitilərinin ölümü ilə bağlı məsələyə aydınlıq gətirərkən Sputnik Azərbaycan-a bildirib ki, Xəzər suitisinin populyasiyasının böyük hissəsi payızın sonu və qışda Xəzərin şimal hissəsində baş verir.

Bu səbəbdən suitilər Xəzərin şimalına miqrasiya edir və yetkin fərdlər yazın əvvəllərinə qədər orada qalaraq, yanvar-fevral aylarında buzun üzərində çoxalırlar.

"Şimali Xəzərə miqrasiya edərkən Dağıstan və Kalmıkiya sahillərindən qrup şəklində keçən suitilərin həmin sahilyanı akvatoriyalarda qanunsuz balıq ovu məqsədilə qurulmuş torlara ilişərək boğulma səbəbindən öldüyü ehtimal olunur", - deyə o qeyd edib.

Mehman Axundovun sözlərinə görə, suitilərin digər səbəbdən, suyun çirklənməsinin təsirindən ölməsi versiyası isə az məntiqlidir.

Çünki bu halda digər dəniz canlılarının da kütləvi ölümü qeydə alınardı. Bu versiyanın təsdiqi üçün suiti cəsədlərinin daxili orqanlarından nümunələr götürülməli və toksikoloji analizlər aparılmalıdır. Odur ki, Dağıstan sahillərində suitilərin kütləvi ölümünün əsas səbəbini qanunsuz balıq ovu və brakonyerliklə əlaqələndirmək daha məntiqli görünür.

Xidmətin rəsmisi onu da qeyd edib ki, dünyada mövcud olan pərayaqlıların ən xırda növü hesab edilən endemik Xəzər suitisinin sayı XX əsrin əvvəllərində təqribən 1 milyon fərd təşkil edib, hazırda isə onların ümumi sayı təqribən 111 mindir: "Suitilərin azalması əsasən 1997-ci ildən müşahidə olunur. Rusiya mütəxəssisləri ehtimal edirlər ki, suitilərin məhv olmasına səbəb qida zəncirindəki dəyişikliklər, Xəzər dənizinin ekosisteminə yeni növlərin gətirilməsi, isti keçən qış, iqlim dəyişməsi səbəbindən təbii çoxalma dövrünün pozulması, müxtəlif xəstəliklər, o cümlədən suiti vəbası, balıq ovunda istifadə edilən qadağan olunmuş ov vasitələri və brokonyerlikdir".

Ekoloq Telman Zeynalovun fikrincə isə suitilərin ölümü brokonyerlərin fəaliyyəti ilə deyil, epidemiya ilə əlaqəlidir.

"2011-ci ildə quş epidemiyası var idi. Quş xəstəliyi Antarktidada pinqvinlərin ölümü ilə özünü göstərmişdi", - deyən mütəxəssisin fikrincə, bu, dünyada gedən siyasi oyunun bir parçasıdır.

T.Zeynalov bildirib ki, Dağıstanda yayılan epidemiya Azərbaycanda da müşahidə edilə bilər: "Xəzər bir dənizdir. Dağıstanda baş verən burada da baş verəcək. Çünki Xəzərin axınları şimaldan cənuba doğrudur. Epidemiya burada da yayıla da bilər. Brokonyer suiti öldürür? Bu, gülünc fikirdir".

 

229
Teqlər:
ekoloq, ölüm, suiti, Xəzər dənizi
Təlim hərbi hissələrində gənc əsgərlərin qəbulu

MN: Təlim hərbi hissələrində gənc əsgərlərin qəbulu davam edir

1
(Yenilənib 19:44 19.01.2021)
Hərbi qulluqçular şəxsi heyətin qəbul məntəqələrində qeydiyyatdan keçdikdən sonra müvafiq bölgü aparılır.

BAKI, 19 yanvar — Sputnik. "Azərbaycan Respublikası vətəndaşlarının 2021-ci il yanvarın 1-dən 30-dək müddətli həqiqi hərbi xidmətə çağırılması haqqında" ölkə Prezidenti İlham Əliyevin müvafiq sərəncamının icrası ilə bağlı Azərbaycan Ordusunun təlim hərbi hissələrində gənc əsgərlərin qəbulu keçirilir.

Bu barədə Sputnik Azərbaycan-a Müdafiə Nazirliyindən məlumat verilib.

Müdafiə nazirinin əmri ilə gənc əsgərlərin sağlamlığının qorunub saxlanılması məqsədilə yoluxucu xəstəliklərə qarşı profilaktik və əks-epidemik tədbirlər görülür. Eyni zamanda, müxtəlif mövsümi xəstəliklərdən qorunmaqla bağlı şəxsi heyətlə müvafiq maarifləndirmə işləri aparılır və onların sağlamlığına nəzarət məqsədi ilə gündəlik termometriyası keçirilir.

Hərbi qulluqçular şəxsi heyətin qəbul məntəqələrində qeydiyyatdan keçdikdən sonra müvafiq bölgü aparılır.

  • Təlim hərbi hissələrində gənc əsgərlərin qəbulu
    © AR Ministry of Defence
  • Təlim hərbi hissələrində gənc əsgərlərin qəbulu
    © AR Ministry of Defence
  • Təlim hərbi hissələrində gənc əsgərlərin qəbulu
    © AR Ministry of Defence
1 / 3
© AR Ministry of Defence
Təlim hərbi hissələrində gənc əsgərlərin qəbulu

Tibb məntəqələrində hərbi həkim komissiyası tərəfindən müayinə olunduqdan sonra hərbi qulluqçuların hər birinə tibbi kitabça açılır və gənc əsgərlərə müvafiq qaydada məişət xidmətləri göstərilir.

Hərbi qulluqçular bütün təminat növlərinə qoyulurlar və normalara uyğun olaraq qış hərbi geyim forması ilə təmin edilirlər.

Gənc əsgərlərin hazırlığı proqramına uyğun olaraq şəxsi heyətə sıra hazırlığı məşğələləri keçirilir və onlara hərbi intizamın möhkəmləndirilməsi üzrə mühazirələr oxunur.

1
Pasport, arxiv şəkli

Şəxsiyyət vəsiqəsilə Türkiyəyə səfəri nəzərdə tutan layihə müzakirə olunacaq

3
(Yenilənib 19:39 19.01.2021)
Azərbaycan Respublikası vətəndaşının şəxsiyyət vəsiqəsi Türkiyəyə səyahət edən Azərbaycan vətəndaşları üçün vizadan azad səyahət çərçivəsində etibarlı sərhədkeçmə sənədlərinin siyahısına daxil edilib

BAKI, 19 yanvar — Sputnik. Azərbaycan vətəndaşlarının Türkiyəyə şəxsiyyət vəsiqəsi ilə səyahət etməsini nəzərdə tutan qanun layihəsi Milli Məclisə daxil olub.

Sputnik Azərbaycan xəbər verir ki, bu, Milli Məclisin Beynəlxalq münasibətlər və parlamentlərarası əlaqələr komitəsinin bu gün keçirilən iclasının gündəliyinə daxil edilən "Azərbaycan Respublikası Hökuməti ilə Türkiyə Respublikası Hökuməti arasında qarşılıqlı olaraq vizadan azad etmə haqqında 25 fevral 2020-ci il tarixində Bakı şəhərində imzalanmış Sazişə dəyişikliklər edilməsi haqqında Azərbaycan Respublikası Hökuməti ilə Türkiyə Respublikası Hökuməti arasında 1 saylı Protokol"un təsdiq edilməsi barədə" qanun layihəsində əksini tapıb.

Layihəyə əsasən, Azərbaycan Respublikası vətəndaşının şəxsiyyət vəsiqəsi Türkiyə Respublikasına səyahət edən Azərbaycan Respublikası vətəndaşları üçün vizadan azad səyahət çərçivəsində etibarlı sərhədkeçmə sənədlərinin siyahısına daxil edilib.

Bu məsələ eyni zamanda Türkiyə vətəndaşlarının Azərbaycana səfərinə də şamil olunacaq.

Qanun layihəsi müzakirələrdən sonra plenar iclasa tövsiyə olunub.

3