Xüsusi sərtləşdirilmiş karantin rejimində kimlər işləyə biləcəklər? - SİYAHI

306
Azərbaycan Respublikasının ərazisində müəyyən edilmiş xüsusi karantin rejimi dövründə işlərin davam etdirilməsi zəruri olan fəaliyyət sahələri açıqlanıb

BAKI, 8 dekabr — Sputnik. 2020-ci il 14 dekabr saat 00:00-dan 2021-ci il 18 yanvar saat 00:00-dək ölkənin bütün ərazisində bu Qərarda müəyyən edilmiş iş və xidmət sahələri istisna olmaqla digər iş və xidmət sahələrinin fəaliyyəti dayandırılacaq.

Sputnik Azərbaycan xəbər verir ki, bu, Nazirlər Kabinetinin "Azərbaycan Respublikasında 2020-ci il dekabrın 14-dən xüsusi karantin rejiminin sərtləşdirilməsi haqqında" qərarında əksini tapıb.

Qərara əsasən, Azərbaycan Respublikasının ərazisində müəyyən edilmiş xüsusi karantin rejimi dövründə işlərin davam etdirilməsi zəruri olan fəaliyyət sahələri aşağıdakılardır:

1. Səhiyyə və sosial xidmət sahələri üzrə:

- elmi-tədqiqat və laborator xidmətləri;

- xəstəxanalar, poliklinikalar və digər tibb müəssisələri üzrə xidmətlər;

- baytarlıq xidmətləri;

- tibbi avadanlıqların, dərmanların və tibbi vasitələrin istehsalı;

- sosial xidmətlər;

- əqli və hissiyyat pozuntusu olan, habelə xüsusi qayğıya ehtiyacı olan şəxslər üçün baxıcılıq xidməti.

2. İnfrastruktur sahəsi üzrə:

- kommunal xidmətlər (kanalizasiya və su təchizatı, qaz təchizatı, istilik təchizatı, enerji paylanması);

- elektrik enerjisinin istehsalı və təchizatı;

- su təchizatı və meliorasiya;

- telekommunikasiya və rabitə xidmətləri.

3. Nəqliyyat və logistika sahəsi üzrə:

- hava, dəniz, dəmir yolu və avtomobil nəqliyyatı ilə yük daşımaları;

- dəmir yolu, dəniz gəmiçiliyi, liman və avtomobil yolları xidmətləri;

- logistika xidmətləri; 3.4. ictimai nəqliyyat və taksi xidmətləri.

4. Əsas istehsalat sahələri üzrə:

- müdafiə sənayesi məhsullarının istehsalı;

- maşınqayırma sənayesi üzrə fəaliyyət;

- neft avadanlıqları və qurğularının istehsalı;

- qida məhsullarının və onlar üçün xammalın istehsalı, qida məhsullarının tədarükü, təchizatı, saxlanması və topdan satışı;

- gündəlik baxım və gigiyena vasitələrinin istehsalı;

- kimyəvi məhsulların istehsalı;

- kənd təsərrüfatı məhsullarının istehsalı və emalı, o cümlədən fermer təsərrüfatlarının fəaliyyəti; 4.8. əkinçilik və məhsul yığımı; 4.9. neft və qazın hasilatı, emalı, saxlanması və satışı;

- neft və qazın boru kəmərləri vasitəsi ilə ötürülməsi;

- metallurgiya sənayesi üzrə fəaliyyət;

-tikinti və məişət avadanlıqlarının istehsalı və təmiri;

- mühəndislik və layihələndirmə xidmətləri;

- mülki və sənaye təyinatlı bina və qurğuların, yolların tikintisi və təmiri;

- qablaşdırma məhsullarının istehsalı;

- daş, metal və taxta məhsullarının istehsalı;

- mebel istehsalı və təmiri;

- diri heyvanların kəsimi.

5. Pərakəndə və topdan satış üzrə:

- ərzaq mağazaları (supermaketlər, bazarlar);

- apteklər;

- yanacaq doldurma məntəqələri;

- Azərbaycan Respublikasının ərazisində bütün ticarət obyektləri (nəzdində ərzaq mağazası və apteklər istisna olmaqla) tərəfindən yalnız çatdırılma xidmətinin göstərilməsi (və ya onlayn satış);

- Azərbaycan Respublikasının ərazisində ictimai iaşə obyektlərində, o cümlədən restoran, kafe və çay evlərində müştərilərə yalnız çatdırılma xidmətlərinin göstərilməsi (və ya onlayn satış).

Məişət xidmətləri üzrə:

- məişət tullantılarının yığılması və utilizasiyası;

- poçt xidmətləri;

- kimyəvi təmizləmə;

- mənzillər istisna olmaqla, yaşayış binalarının təmizlənməsi;

- avtomobillərin təmiri; 6.6. avtomobil yuyulma məntəqələri;

- heyvan sığınacaqları;

7. Kütləvi informasiya vasitələri.

8. Maliyyə təşkilatları üzrə:

- banklar və bank olmayan kredit təşkilatları, lombardlar;

- investisiya şirkətləri, fond birjaları;

- sığorta təşkilatları;

- ödəniş xidmətləri və klirinq xidmətləri göstərən təşkilatlar.

9. Xüsusi xidmət növləri üzrə:

- çatdırılma xidmətləri;

- məişət avadanlıqlarının, kompüter və mobil cihazların təmiri;

- dezinfeksiya xidmətləri.

10. Vəkillik fəaliyyəti.

11. Otellərin fəaliyyəti.

12. Tamaşaçıların iştirakı olmadan açıq havada rəsmi idman yarışlarının keçirilməsi, habelə beynəlxalq idman yarışlarına hazırlıq üzrə tədbirlərin təşkili.

306
Teqlər:
Nazirlər Kabineti yanında Operativ Qərargah, siyahı, icazə, fəaliyyət, , xüsusi karantin rejimi, karantin
Ağac kəsimi, arxiv şəkli

İcra Hakimiyyətinin verdiyi əraziyə görə cərimə yazdılar

3
(Yenilənib 17:28 20.04.2021)
İki ağacın kəsildiyi, bir ağacın zədələndiyi və təbiətə 2280 manat məbləğində ziyan dəydiyi müəyyən edilib.

BAKI, 20 aprel — Sputnik. Nəsimi rayonu Seyid Cəfər Pişəvari küçəsi 27A ünvanında ağacların kəsilərək tikinti işlərinin aparılması barədə Dövlət Ekoloji Təhlükəsizlik Xidmətinə daxil olan şikayət Xidmətin əməkdaşları tərəfindən yerində araşdırılıb.

Xidmətin rəsmisi Vaqif Cavadov Sputnik Azərbaycan-a bildirib ki, əraziyə keçirilən baxış zamanı fakt təsdiqini tapıb, sözügedən ünvanda tikinti məqsədilə qazıntı işlərinin aparıldığı, 2 ağacın kəsildiyi, 1 ağacın zədələndiyi və təbiətə 2280 manat məbləğində ziyan dəydiyi müəyyən edilib.

O qeyd edib ki, araşdırma zamanı ərazinin yaşayış binasının tikintisi məqsədilə Bakı Şəhər İcra Hakimiyyəti tərəfindən "Memar İnşaat-2017" MMC-yə verildiyi məlum olub: "Faktla bağlı akt tərtib olunub, yaşıllığa dəymiş ziyanın məbləği cinayət tərkibi yaratdığından toplanmış sənədlər aidiyyəti üzrə Prokurorluq orqanına göndəriləcək".

3
Teqlər:
cərimə, ağacların kəsilməsi, tikinti şirkəti, icra hakimiyyəti
Məktəb, arxiv şəkli

Tədrisi digər dillərdə olan uşaqların I sinfə qəbulu üçün müsahibələrin vaxtı açıqlanıb

2
(Yenilənib 17:11 20.04.2021)
Dövlət ümumi təhsil müəssisələrində tədris digər dillərdə aparılan birinci siniflərə qəbulla bağlı müsahibələrin onlayn həyata keçirilməsi nəzərdə tutulur.

BAKI, 20 aprel — Sputnik. Aprelin 29-dan Azərbaycan bölməsi üzrə sorğuların yerləşdirilməsi və dövlət ümumi təhsil müəssisələrinin tədris digər dillərdə aparılan birinci siniflərinə qəbulla bağlı məktəbəhazırlıq qruplarına cəlb olunmuş və cəlb olunmamış uşaqların həmin dil üzrə şifahi nitq bacarıqlarının yoxlanılması məqsədilə təşkil olunan müsahibəyə yazılmaq üçün qeydiyyat prosesinə start veriləcək.

Təhsil Nazirliyindən Sputnik Azərbaycan-a verilən məlumata görə, dövlət ümumi təhsil müəssisələrinin tədris digər dillərdə aparılan birinci siniflərinə qəbulla bağlı müsahibəyə yazılma mərhələsi iyunun 8-də başa çatacaq. Dövlət ümumi təhsil müəssisələrində tədris digər dillərdə aparılan birinci siniflərə qəbulla bağlı müsahibələrin 4 may - 14 iyun 2021-ci il tarixlərində onlayn həyata keçirilməsi nəzərdə tutulur.

2
Rusiya Prezidentinin mətbuat katibi Dmitri Peskov

Peskov: Rusiya öz maraqlarından imtina etməyə hazır deyil

2
(Yenilənib 17:34 20.04.2021)
"Təəssüf ki, bir çox ölkələr istənilən haker hücumu zamanı bunda Rusiyanı günahlandırırlar. Həm də bu zaman, təbii ki, indiyə qədər heç kim anlaşılan bir izahat da verməyib".

BAKI, 20 aprel — Sputnik. Rusiya Qərblə münasibətlərdə öz maraqlarından imtina etməyə hazır deyil. Sputnik Azərbaycan RİA Novosti-yə istinadən xəbər verir ki, bunu Rusiya prezidentinin mətbuat katibi Dmitri Peskov deyib.

Mətbuat katibi bildirib ki, bütün bunlara baxmayaraq Rusiya dialoq üçün açıqdır.

"Təəssüf ki, bir çox ölkələr istənilən haker hücumu zamanı bunda Rusiyanı günahlandırırlar. Həm də bu zaman, təbii ki, indiyə qədər heç kim anlaşılan bir izahat da verməyib. Əlbəttə ki, Rusiya buna dözə bilməz və nəticədə müəyyən gərginlik yaranır. Həqiqətən, bəzən elə dövrlər olur, amma bu o demək deyil ki, bu məqamları arxada qoymaq üçün Rusiya hansısa maraqlarından əl çəkməyə hazırdır. Xeyr, bu qətiyyən belə deyil", - deyə Peskov Kremlin beynəlxalq arenada yaranmış vəziyyəti necə qiymətləndirməsi və Rusiyanın bir sıra ökələrlə münasibətlərinin kəskinləşməsi barədə sualı cavablandırarkən bildirib.

Peskov onu da qeyd edib ki, Rusiya dialoqa açıq olaraq qalır "və bunu prezident Putin dəfələrlə deyib".

2
Teqlər:
haker hücumu, açıqlama, Dmitry Peskov, Rusiya