Laçına mənzərə, arxiv şəkli

Sülhə su calayanlar: "təhlükəsizlik" üçün onlara Kəlbəcərlə Laçın vacibmiş

276
"Düzünü desək, bu və bu kimi uydurma kitablar, heç bir əsası olmadan ermənilərin Azərbaycana qarşı məkrli siyasətlərini həyata keçirmək və dünyaya öz yalan tarixlərini çatdıra bilmək üçün yazılıb" - Fərzəli həsənov

İradə Cəlilova, Sputnik Azərbaycan

BAKI, 29 noyabr — Sputnik. Azərbaycan Memarlıq və İnşaat Universitetinin dosenti Fərzəli Həsənov erməni tarixçi David Babayanın "Dağlıq Qarabağ münaqişəsinin nizamlanmasında su problemi" kitabında yer almış iddialara cavab verəcək rəy hazırlayıb.

F.Həsənov Sputnik Azərbaycan-a açıqlamasında bildirib ki, kitabın giriş hissəsində əsas su mənbəyi kimi Kəlbəcər və Laçın rayonları göstərilir, sonra isə Dağlıq Qarabağın su təhlükəsizliyinin təmin olunması üçün uydurma arqumentlərə əsaslananan cəfəng, bədxah fikirlər səsləndirilir.

Arpaçay və Bazarçayın Kəlbəcər rayonundan başladığını əsas gətirərək uydurduqları fikirlərin təsiri altına düşən müəlliflər Ermənistanın su təhlükəsizliyində hətta Kəlbəcər rayonunun mühüm rol oynadığını yazırlar. Dağlıq Qarabağın və Ermənistanın gələcəkdə qarşılaşacağı ekoloji barrikadaları dəf etmək üçün Kəlbəcər və Laçın rayonlarının həlledici əhəmiyyət daşıdığını qeyd etməklə uydurma fikirlər səsləndirirlər:

"Kitabda Kəlbəcər və Laçın rayonlarının ərazisinin verilmiş sxematik xəritəsinə baxmaqla özlərinin yazdığı kimi, başlanğıcda cəmi 10-15 kilometr məsafədə Kəlbəcər rayonu ərazisindən axan Arpaçayın, cəmi 15-20 kilometr məsafədə axan Bazarçayın Ermənistanın su təhlükəsizliyində həlledici rolundan yazılması təəssüfedicidir".

Ekspert qeyd edir ki, bu fikirlərin yazılması Qarabağ münaqişəsinin sülh yolu ilə həllinə mane olmaq və ya danışıqların müddətini uzatmaq üçün çox məkrli siyasətin bir parçası idi.

Kitabda Azərbaycan xalqı haqqında əsaslı olmayan fikirlər səsləndirilir. Qeyd edilir ki, 1930-cu ildən başlamaqla Azərbaycanda yaşayan Qafqaz albanlarının varisi ləzgilər, İran mədəniyyətinin daşıyıcısı olan talışlar, kürdlər, tatlar, dağlılar, bir sözlə, ərazidə yaşayan millətlərin hamısı azərbaycanlılar adlandırılmağa başlanıb. Bu fikirlər isə Azərbaycan xalqı haqqında əsası olmayan fikirlərdir. Guya bu prosesin reallaşmasına mane olan Dağlıq Qarabağ olub.

Kitaba görə, Dağlıq Qarabağın müstəqilliyinin tanınması və geniş muxtariyyət verilməsi Azərbaycan üçün qeyri-mümkündür. Çünki bu halda ləzgilər və talışlar da müstəqillik və ya geniş muxtariyyət tələb edəcəklər ki, bu da Azərbaycanın müstəqil dövlət kimi qalmasına təhlükədir: "Müəlliflər eyforiyaya uyaraq yazırlar: "Azərbaycan əgər gələcəkdə Dağlıq Qarabağın müstəqilliyini tanısa belə, anti-erməni siyasətindən dönməyəcək". Etiraf etdikləri kimi, erməni diasporunun köməkliyi ilə 1988-ci ildən başlanan təcavüz nəticəsində yaranmış indiki vəziyyəti 1915-ci ildə Qərbi Ermənistanda baş verənlərdən fərqli olaraq qoruyub saxlamaq üçün əsas amil kimi Dağlıq Qarabağın su təhlükəsizliyinin təmin olunmasını önə çəkiblər".

F.Həsənov bildirib ki, bu kitab erməni siyasətçilərinin müxtəlif illərdə Dağlıq Qarabağla əlaqədar nəşr etdirdikləri məkrli fikirlərin toplumudur: "Düzünü desək, bu və bu kimi uydurma kitablar, heç bir əsası olmadan ermənilərin Azərbaycana qarşı məkrli siyasətlərini həyata keçirmək və dünyaya öz yalan tarixlərini çatdıra bilmək üçün yazılıb. Olmayan tarixləri öz təxəyyülləri əsasında qələmə alınır. Bilirsiniz, Azərbaycanın Dağlıq Qarabağ münaqişəsi zamanı 1 milyon qaçqın və köçkünü olub. Azərbaycan bu barədə bütün dünyaya səslənib. Ancaq bu uydurma kitabda bu rəqəm 300 min kimi göstərilir. Bu da bir daha onu sübut edir ki, tarixi olmayan bir millət özünə tarix yarada bilmək üçün Azərbaycanın tarixinə ləkə yaxır. Bu kitab bir daha sübut edir ki, bu mənfur xalq Dağlıq Qarabağ münaqişəsinin sülh yolu ilə həll edilməsini heç bir zaman istəməyib", - deyə dosent bildirib.

276
Teqlər:
uydurma tarix, kitab, erməni yalanları, təhlükəsizlik, dağ çayları, Azərbaycan, Kəlbəcər, Laçın, Qarabağ
Göranboyda hadisə yerində

Goranboyda gecə qəzası: "Opel" xarab olub yolda qalan maşına çırpılıb - FOTOLAR

16
(Yenilənib 00:04 22.01.2021)
Qəzaya düşmüş Tovuz, Tərtər, Kürdəmir rayonlarının sakinləri Goranboy Rayon Mərkəzi Xəstəxanasına çatdırılıblar.

Rahim Məmmədov, Sputnik Azərbaycan

BAKI, 21 yanvar - Sputnik. Gecə saatlarında Goranboyda yol qəzası baş verib. Hadisə Goran-Naftalan yolunun rayonun Bolusulu kəndindən keçən hissəsində qeydə alınıb.

Sputnik Azərbaycan xəbər verir ki, qəfildən nasazlıq yaranan tinglə yüklü “Vaz 21-011”-in sürücüsü maşını yol kənarında dayandırmalı olub. Sürücü və sərnişinlər minik maşınından düşərək nasazlığı aradan qaldırmağa çalışıb. Bu zaman yolda hərəkətdə olan “Opel” markalı minik avtomobili idarəetmədən çıxaraq nasazlıq yaranan “Vaz”-a çırpılıb. Qəza zamanı 3 nəfər Elçin Qurbanov, Həmid Əsgərzadə və Yadigar Quliyev müxtəlif dərəcəli xəsarət alaraq Goranboy Rayon Mərkəzi Xəstəxanasına çatdırılıb.

  • Göranboyda hadisə yerində
    © Sputnik / Rahim Mammadov
  • Göranboyda hadisə yerində
    © Sputnik / Rahim Mammadov
  • Göranboyda hadisə yerində
    © Sputnik / Rahim Mammadov
1 / 3
© Sputnik / Rahim Mammadov
Göranboyda hadisə yerində

Məlumata görə, “Vaz” markalı minik maşının sürücüsü və sərnişinləri Tərtər rayonundan satış üçün müxtəlif meyvə ağaclarının tinglərini daşıyırmış. Goranboy rayonunun Boluslu kəndi ərazisində avtomobil xarab olduğundan yol kənarında dayanmağa məcbur olub. Qəza da qəfildən, onlar maşını düzəldən zaman baş verib.

Yol-nəqliyyat hadisəsi zamanı avtomobildə olan meyvə ağacları da ətrafa dağılıb. Qeyd edək ki, xəsarət alan şəxslər Tovuz, Tərtər və Kürdəmir rayon sakinləridir. Faktla bağlı araşdırma aparılır.

16
Şəmkirdə vaksinasiya

Şəmkirlilər koronavirusa qarşı vaksinasiyaya "hə" dedilər

14
(Yenilənib 23:53 21.01.2021)
Şəmkirdə COVİD-19 pandemiyasına qarşı vaksinasiyaya başlayıb. Peyvəndləmədən keçən tibb işçiləri özlərini yaxşı hiss etdiklərini bildiriblər.

İlham Mustafayev, Sputnik Azərbaycan

21 yanvar - Sputnik. Şəmkir rayon sakinləri COVID-19-a qarşı peyvəndləməyə cəlb edilib. Rayon mərkəzi xəstəxanasında bunun üçün 4 vaksin otağı yaradılıb.

Sputnik Azərbaycan-ın bölgə müxbiri xəbər verir ki, “Sinovac” vaksini ilkin mərhələdə risk qrupuna daxil olan sakinlərə könüllülük əsasında vurulacaq. Şəmkirdə təlimata uyğun olaraq tibbi müayinədən keçən sakinlər peyvənd edilib. Vaksinin əhəmiyyəti immuniteti gücləndirmək yolu ilə xəstəlikdən qorunmaq, infeksiyanın ötürülməsini məhdudlaşdırmaq, ölüm halının qarşısını almaq və səhiyyə sisteminə düşən yükü azaltmaqdan ibarətdir. Peyvəndin əks təsirinin olmadığını bildirmək üçün tibb işçiləri  vaksinasiyada ön sıralarda olub.

Tibb işçisi Sevda Məmmədova peyvəndləməyə çox müsbət yanaşdığını söyləyib:

 “Mən də bir tibb işçisi olaraq bu günkü vaksinasiyada iştirak etdim və peyvəndi qəbul etdim. Özümü çox yaxşı hiss edirəm. Heç bir narahatçılığım yoxdu”, - deyə bildirib.
  • Şəmkirdə vaksinasiya
    © Sputnik / Ilham Mustafa
  • Şəmkirdə vaksinasiya
    © Sputnik / Ilham Mustafa
  • Şəmkirdə vaksinasiya
    © Sputnik / Ilham Mustafa
1 / 3
© Sputnik / Ilham Mustafa
Şəmkirdə vaksinasiya
.

Koronoviruslu xəstələrin müalicəsi üzrə çalışan həkim Coşqun Yusibov isə peyvəndləmədən sonra tezliklə normal həyata qayıtmağın mümkünlüyünü bildirib:

“Dövlətin yaratdığı imkanlardan ilk istifadə edənlərdən biri də mən oldum. Özümü çox rahat hiss edirəm. Çox yaxşıyam, heç bir kənar reaksiya yoxdur”, –  deyə həkim C. Yusibov əlavə edib.

Şəmkir rayonunda tibbi işçilərinin sayı 2000-dən çoxdur. İlkin mərhələdə rayona 1115 doza vaksin göndərilib. Günədlik olaraq Rayon mərkəzi Xəstəxanasında 150-200 nəfərin peyvənd olunması planlaşdırılır. Tibb işçiləri ilə yanaşı risk qrupuna daxil olan hüquq-mühafizə orqanlarının əməkdaşları əks-epidemik tədbirlərə cəlb olunacaq.

14

Məşhur italyan mafiyasının 50 üzvü həbs edilib - sıralarında partiya sədri var

0
(Yenilənib 00:26 22.01.2021)
İstintaq altına düşənlər arasında ötən həftə parlamentdəki mütləq çoxluğu itirən Baş nazir Cüzeppe Kontenin hakim koalisiyaya qoşulma təklifini rədd etdikdən sonra gündəmə gələn kiçik UDC partiyasının rəhbəri Lorenzo Çesa da var.

BAKI, 22 yanvar - Sputnik. İtaliya polisi “Ndranqeta” mafiyasının işi çərçivəsində 50 nəfəri həbs edib və məşhur mərkəzçi siyasətçini istintaqa cəlb edib.

Report xarici KİV-lərə istinadla xəbər verir ki, “Ndranqeta” əsasən Kalabriyanın cənub regionunda fəaliyyət göstərir. Mafiya öz əməllərinə görə, artıq çoxdan İtaliya və dünyada ən böyük cinayətkar qruplaşmalardan biri olan “Koza Nostra”nı üstələyib.

"Bu araşdırma on illərdir nədən bəhs etdiyimizə aydınlıq gətirdi. “Ndranqeta” sadəcə iş və siyasətlə əlaqədar olaraq daha az atəş açıb", - deyə İtaliyada ən böyük məhkəmə iddialarından birini başladan prokuror Nikola Qratteri bildirib.

İstintaq altına düşənlər arasında ötən həftə parlamentdəki mütləq çoxluğu itirən Baş nazir Cüzeppe Kontenin hakim koalisiyaya qoşulma təklifini rədd etdikdən sonra gündəmə gələn kiçik UDC partiyasının rəhbəri Lorenzo Çesa da var.

0
Teqlər:
mafiya, İtaliya