Azərbaycan Ordusunun hərbi qulluqçuları, arxiv şəkli

"Silahlı Qüvvələrimizdə kütləvi yoluxma baş verməyib" - Hikmət Hacıyev

13
(Yenilənib 14:57 19.11.2020)
Prezidentin köməkçisi bildirib ki, hərbi müalicə mərkəzlərində koronavirusa yoluxmanın qarşısının alınması üçün ciddi tədbirlər görülür.

BAKI, 19 noyabr — Sputnik. "Son brifinqlər əsasən Vətən Müharibəsinə həsr olunurdu. Amma COVID-19 cəbhəsindəki düşməni də unutmamalıyıq".

Sputnik Azərbaycan-ın məlumatına görə, bunu Prezidentin köməkçisi-Prezident Administrasiyasının xarici siyasət məsələləri şöbəsinin müdiri Hikmət Hacıyev Nazirlər Kabineti yanında Operativ Qərargahın bu gün keçirilən brifinqdə deyib. H.Hacıyev bildirib ki, qonşu ölkələr - Rusiya, Türkiyə, Gürcüstanda yüksək yoluxma tendensiyası müşahidə olunur:

"Bu, ölkəmizi də narahat edir. Azərbaycanda da gündəlik əsasda yoluxma sayları 2 mindən çoxdur, ölüm sayları artıb. Ölkəmizin tibb sistemi əsasən yaralı əsgərlərimizin sağaldılmasına həsr olunduğundan, COVID-ə yoluxma bizi narahat edir. İntensiv terapiya yerlərinin məhdudlaşması bizi karantin rejiminin sərtləşdirilməsinə gətirib çıxardı. Sərtləşdirmə 21 noyabrdan etibarən qüvvəyə minəcək".

H.Hacıyev bildirib ki, şəxsi heyətdə yoluxma halları özünü xüsusi büruzə verməyib. O qeyd edib ki, hərbi çağırışçılar da xüsusi testdən keçirilir ki, virus hərbi hissələrdə yayılmasın: "Vətən Müharibəsində qalib olduğumuz kimi koronavirusla mübarizədən də qalib çıxmalıyıq".

O bildirib ki, hərbi müalicə mərkəzlərində koronavirusa yoluxmanın qarşısının alınması üçün ciddi tədbirlər görülür.

13
Teqlər:
Rusiya, Gürcüstan, Koronavirus, epidemiya, COVID-19, təkrar yoluxma, yoluxma, Silahlı Qüvvələr, Azərbaycan Respublikası Prezidenti Administrasiyasının xarici siyasət şöbəsinin müdir müavini Hikmət Hacıyev, Hikmət Hacıyev
PPX avtomobili, arxiv şəkli

Bakı sakini küçədə qətlə yetirilib

19
Hazırda prokurorluq və polis əməkdaşları tərəfindən cinayəti törətmiş şəxs və ya şəxslərin müəyyən edilərək tutulub istintaqa cəlb edilməsi istiqamətində intensiv və zəruri istintaq hərəkətləri və əməliyyat-axtarış tədbirləri davam etdirilir.

BAKI, 27 noyabr — Sputnik. Noyabrın 25-də saat 21 radələrində Xətai rayonu ərazisində İntizam İsmayılovun aldığı bədən xəsarətləri nəticəsində xəstəxanada ölməsi barədə Xətai rayon prokurorluğuna məlumat daxil olub.

Sputnik Azərbaycan Baş Prokurorluğun məlumatına istinadla xəbər verir ki, dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Faktla bağlı Xətai rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanmış, müvafiq ekspertizalar təyin edilib.

İstintaqla hadisənin zərərçəkmişin yaşadığı evin yaxınlığında naməlum şəxs və ya şəxslər tərəfindən aralarında yaranmış münaqişə zamanı törədilməsinə əsaslı şübhələr müəyyən edilib.

Hazırda prokurorluq və polis əməkdaşları tərəfindən cinayəti törətmiş şəxs və ya şəxslərin müəyyən edilərək tutulub istintaqa cəlb edilməsi istiqamətində intensiv və zəruri istintaq hərəkətləri və əməliyyat-axtarış tədbirləri davam etdirilir.

19
Teqlər:
cinayət, istintaq, Bakı, qətl, Xətai rayonu, Xətai

Azərbaycanda koronavirusa yoluxan icra başçısı vəfat edib

70
(Yenilənib 00:04 27.11.2020)
Vahid Tağıyev bir müddət öncə yeni növ koronavirus infeksiyasına yoluxmuşdu və bununla bağlı müalicə alırdı.

BAKI, 26 noyabr - Sputnik. Ağsu Rayon İcra Hakimiyyətinin başçısı Vahid Tağıyev bu gün dünyasını dəyişib.

Sputnik Azərbaycan Report-a istinadla xəbər verir ki, Vahid Tağıyev bir müddət öncə yeni növ koronavirus infeksiyasına yoluxmuşdu və bununla bağlı müalicə alırdı.

Qeyd edək ki, Vahid Tağıyev ötən il Prezident İlham Əliyevin imzaladığı sərəncamla Ağsu Rayon İcra Hakimiyyətinin başçısı təyin edilib.

70
Teqlər:
Koronavirus, epidemiya, COVID-19, icra başçısı, Ağsu rayonu, Ağsu