Kişi qabı su ilə doldurur, arxiv şəkli

Torpaqların işğaldan azad edilməsi su problemini həll edəcək

35
(Yenilənib 20:41 16.11.2020)
Çünki heç kim bilmir ki, həmin kəhrizlərə nə atılıb. Suyun tərkibini dəyişəcək hansı tullantılar var. Bu sular analiz edilməlidir.

İradə Cəlilova, Sputnik Azərbaycan

BAKI, 16 noyabr — Sputnik. Azərbaycanın işğaldan azad edilmiş ərazilərində su anbarlarına nəzaərtin ələ keçirilməsi, ölkədə olan su çatışmazlığını aradan qaldıra biləcək. Yəni daha əvvəlki illərdə olduğu kimi su problem yaşanılmayacaq.

Ancaq həmin su anbarlarının suyundna istifadə etməkdə tələsmək olmaz. Zamanla su təmizlənməli və istifadəyə yararlı vəziyyətə düşməlidir.

Azərbaycan Memarlıq və İnşaat Universitetinin (AzMİU) dosenti Fərzəli Həsənov Sputnik Azərbaycan-a açıqlamasında bildirib ki, Azərbaycanın su ehtiyyatlarının 25 faizi Qarabağda toplanıb. Füzuli rayonunda Köndələn çay üzərində su anbarları var. Və Füzuli işğaldan azad olunduğu üçün həmin anbarlar da artıq əlimizdədir. Amma Köndələn çay Qırmızıbazar ərazisindən keçdiyi və həmin ərazi hələ işğal altında olduğu üçün bir qədər təhlükəlidir. Həmin ərazilər müqaviləyə əsasən dekabrın 1-nə qədər boşaldılmalıdır.

Suqovuşan su anbarı
© Photo : Minister of Emergency Situations of the Republic of Azerbaijan

Onun sözlərinə görə, Tərtər və Ağdərə arasında olan və Azərbaycan üçün böyük əhəmiyyətli Sərsəng su anbarı hələ də ermənilərin nəzarəti altındadır: "Suqovuşan və Xudafərin su anbarları işğaldan azad edilib. Bu su anbarlarını istifadə etmək artıq mümkün olacaq".

Mütəxəssis bildirir ki, erməni işğalı altında olan ərazilərimiz geri qaytarılacağı təqdirdə, həmin əraizlərdə olan su anbarları Azərbaycanda olan su çatışmazlığı məsələsini həll etmiş olacaq: "O ərazilər su anbarlarının tikilməsi üçün münbit şəraitə malikdir. Həmin ərazilərdə tikilən su anbarları Ağcabədidə, Bərdədə və digər ərazilərdə bitkilərin suya olan tələbatını ödəyəcək".

Ekspert həmçinin əlavə edib ki, bu gün işğaldan azad edilmiş ərazilərdə olan kəhrizlərin suyundan istifadə etmək olmaz. Ancaq bu sulardan su 2-3 gün axıdıldıqdan sonra istifadə etmək mümkündür: "Çünki heç kim bilmir ki, həmin kəhrizlərə nə atılıb. Suyun tərkibini dəyişəcək hansı tullantılar var. Bu sular analiz edilməlidir".

35
Teqlər:
Qarabağ, Şuşanın azad olunması, Hadrutun azad edilməsi, Füzulinin azad olunması, Qubadlının azad edilməsi, Cəbrayılın azad olunması, Zəngilanın azad olunması

Qarabağdakı hava limanları ICAO reyestrinə daxil ediləcək

0
Hava limanlarının kodları ICAO-nun 7910/178 nömrəli Sənədinin 2020-ci ilin dekabr ayında dərc olunacaq yenilənmiş nəşrinə əlavə ediləcək.

 

BAKI, 25 noyabr — Sputnik. Beynəlxalq Mülki Aviasiya Təşkilatı (ICAO) Azərbaycanın daha 6 hava limanının beynəlxalq məkan indeksləri kataloquna daxil edilməsini təsdiq edib.

Sputnik Azərbaycan bu barədə "Azərbaycan Hava Yolları" QSC-yə (AZAL) istinadən xəbər verir.

“Əlamətdar haldır ki, beynəlxalq təşkilatın yenilənmiş reyestrinə Zabrat, Yevlax və Naftalandakı hava limanları ilə yanaşı, həm də Ali Baş Komandan, Prezident İlham Əliyevin rəhbərliyi altında azad edilmiş ərazilərdə - Ağdam, Füzuli və Xankəndində yerləşən hava limanları da daxil olacaq. Bu, beynəlxalq aviasiya qurumlarının ölkəmizin ərazi bütövlüyünü tanımasının növbəti təzahürüdür”, – deyə AZAL-ın prezidenti Cahangir Əsgərov bildirib.

Qeyd edilən hava limanlarının kodları ICAO-nun 7910/178 nömrəli Sənədinin 2020-ci ilin dekabr ayında dərc olunacaq yenilənmiş nəşrinə əlavə ediləcək.

Azərbaycanın beynəlxalq səviyyədə tanınmış sərhədləri daxilində aeronaviqasiya xidmətinə görə məsuliyyət Çikaqo konvensiyasının (ICAO-nin 7300 nömrəli sənədi) prinsiplərinə uyğun olaraq, AZANS Hava Hərəkəti İdarəsinə həvalə edilib. Bu məsuliyyət hədləri ICAO Şurası tərəfindən təsdiq edilib və Azərbaycanın suveren ərazilərinə müvafiqdir.

Qeyd etmək lazımdır ki, ICAO Azərbaycanın öz ərazisi üzərindəki hava məkanında mütləq suverenliyini dəfələrlə təsdiq və qeyd edib.

Məkanın işarələri 7910/178 nömrəli Sənədin müddəalarına müvafiq olması məqsədilə ICAO tərəfindən yoxlanılır. Rüblük sənədə dəyişikliklər yalnız müvafiq qaydada nəzərdən keçirildikdən sonra daxil edilir.

Qeyd etməliyik ki, işğal edilmiş ərazilər üzərində hava məkanı təxminən 30 il müddətində beynəlxalq uçuşlar üçün bağlı olub. Həmin ərazidəki mülki aviasiya infrastukturu ciddi şəkildə zərər çəkmiş və tam dağılmış vəziyyətə gətirilib.

Beynəlxalq uçuşların həyata keçirilməsi məqsədilə, uzun illər Ermənistan işğalı altında qalan ərazilər üzərində aeronaviqasiya təminatının bərpa edilməsi üzrə işlər yerinə yetiriləcəkdir. Bütün bunlar mülki aviasiyanın təkcə regional səviyyədə deyil, həm də qlobal miqyasda inkişaf etməsinə kömək edəcək.

0
Teqlər:
Xocalı hava limanı, hava limanı, AZAL
Koronavirus testi, arxiv şəkli

Azərbaycanda son sutkada 3469 nəfər COVID-19-a yoluxub

9
Son sutka ərzində yeni yoluxma hallarının müəyyənləşdirilməsi ilə əlaqədar 15 057, ötən müddət ərzində isə ümumilikdə 1 646 654 test aparılıb. 

BAKI, 25 noyabr - Sputnik. Azərbaycan Respublikasında koronavirus (COVID-19) infeksiyasına 3469 yeni yoluxma faktı qeydə alınıb, 1229 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 30 nəfər vəfat edib.

İndiyədək ölkədə ümumilikdə 102 396 nəfərin koronavirus infeksiyasına yoluxması faktı müəyyən edilib, onlardan 66 963 nəfər müalicə olunaraq sağalıb, 1 224 nəfər vəfat edib, aktiv xəstə sayı 34 209 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 15 057, ötən müddət ərzində isə ümumilikdə 1 646 654 test aparılıb. 

9
Teqlər:
Azərbaycan, test, Koronavirus, COVID-19, yoluxma