Bakıda yağışlı hava

"Azərsu"dan etiraf: Sistemlərin gücü böyük həcmdə suyu eyni anda daşımağa imkan verməyib

37
Yağıntının intensivliyi nəticəsində relyefə nisbətən hündür ərazilərdə toplanan səth sularının çökək ərazilərə axıb toplanması müşahidə edilib. Mövcud sistemlərin gücü böyük həcmdə suyu eyni anda daşımağa imkan verməyib.

İradə Cəlilova, Sputnik Azərbaycan

BAKI, 16 noyabr — Sputnik. "Noyabrın 16-da səhər saatlarından Abşeron yarımadasına yağan intensiv yağıntılar zamanı "Azərsu" ASC-nin mövcud kanalizasiya infrastrukturu, daşıyıcı tullantı su xətləri, kollektorlar, nasos su stansiyaları fasiləsiz pik rejimində işləyib. Eyni zamanda cəmiyyətin müvafiq sturukturları da gücləndirilmiş iş rejimində işləyib. İntensiv yağıntılar daha çox şəhərin şərq hissəsində Nizami, Xətai, Sabunçu rayonlarında müşahidə olunub".

Bu barədə Sputnik Azərbaycan-a "Azərsu" ASC-nin mətbuat katibi Anar Cəbrayıllı bildirib.

O qeyd edib ki, nəticədə həmin rayonlarda, eləcə də Xırdalan şəhərində bəzi yerlərdə su yığılmaları müşahidə olunub.

Belə hallar Nizami rayonu Mehdi Abbasov və ətraf küçələrdə, Babək prospektinin bəzi ərazilərində, Xətai rayonunun Nobel prospektinin bəzi hissələrində, Bakıxanov, Qaraçuxur, Suraxanı, Əmircan qəsəbələrində nisbətən çökək hissələrində rast gəlinib.

Yağıntının intensivliyi nəticəsində relyefə nisbətən hündür ərazilərdə toplanan səth sularının çökək ərazilərə axıb toplanması müşahidə edilib. Mövcud sistemlərin gücü böyük həcmdə suyu eyni anda daşımağa imkan verməyib.

"Hadisə yerində olmuş əməkdşalarımızın verdiyi məlumata görə, balansımızda olan yağış barmaqlıqları, tullantı suları və kollektorları tam işlək vəziyyətdə olub. Səth sularının böyük əksəriyyətini daşıyıb. Yağışın intensivliyi azaldıqdan qısa müddət sonra yolların hərəkət hissəsinə toplanan sular tam çəkilib. "Azərsu" ASC-nin mövcud kanalizasiya sistemləri tam gücləndirilmiş rejimdə fəaliyyət göstərib. Hazırda həmin rejim tətbiq olunur", - deyə Anar Cəbrayıllı bildirib.

37
Teqlər:
Əmircan qəsəbəsi, Bakıxanov, nasos, Anar Cəbrayıllı, Nizami rayonu, Xırdalan şəhəri, "Azərsu" ASC, su, Yağış
Baş Prokurorluq

Baş Prokurorluq əhaliyə müraciət etdi - səbirli olun

2
(Yenilənib 16:15 30.11.2020)
Prokurorluq işğaldan azad edilmiş ərazilərimizin minalardan və digər partlayıcı maddələrdən tam təmizlənilməsi prosesi başa çatmayana qədər həmin ərazilərə səfər etməməyi xahiş edir

BAKI, 30 noyabr — Sputnik. Son zamanlar mülki şəxslərin işğaldan azad edilmiş ərazilərimizdə minaya düşərək müxtəlif dərəcəli bədən xəsarətləri almaları, bəzən isə həlak olmaları halları müşahidə edilməkdədir.

Sputnik Azərbaycan Baş Prokurorluğun məlumatına istinadla xəbər verir ki, Prokurorluq vətəndaşlarımıza bir daha müraciət edərək, təhlükəsizliyin təmin edilməsi məqsədi ilə işğaldan azad edilmiş ərazilərimizin minalardan və digər partlayıcı maddələrdən tam təmizlənilməsi prosesi başa çatmayana qədər həmin ərazilərə səfər etməməyi xahiş edir.

2
Teqlər:
Qarabag, Baş Prokurorluq, əhali, çağırış, təhlükə, mina, işğaldan azad edilmiş ərazilər

Topçu Vüsal məsələsində son nöqtə qoyuldu - "Məqsədimiz..."

20
"Az-Granata" MMC-nin PR meneceri: "Bu şəkilin seçilməsində məqsəd Azərbaycan Ordusunun mərdliyini, cəsarətini nümayiş etdirmək idi".

Zülfiyyə Quluyeva, Sputnik Azərbaycan

BAKI, 30 noyabr — Sputnik. Vətən müharibəsinin qəhrəmanlarından olan topçu Vüsal Şahkərimovu məşhurlaşdıran fotonun spirtli içki şüşəsinin üzərinə vurulması sosial şəbəkələrdə birmənalı qarşılanmayıb. İctimaiyyətdə qəhrəman topçunun şəklinin spirtli içki şüşəsində əks olunması geniş narazılığa səbəb olub. Əsgərin atası İslam Şahkərimov bildirib ki, şərab istehsalçılarına şifahi şəkildə razılıq verib: "Bir az əvvəl həmin adamlar yenə mənə zəng etmişdilər. Dedilər ki, Vüsal özü bu məsələyə nə deyir, əsas odur. Mən də belə düşünürəm ki, razılıq verməklə səhv etmişəm. Görürəm ki, camaatdan da xeyli narazılıq var. Elə az əvvəl Vüsalla da danışdım. Dedi ki, fotomun içki şüşəsinin üstünə vurulmasına etiraz edirəm".

"Az-Granata" MMC-nin PR meneceri Ülvi Günəşli Sputnik Azərbaycan-a açıqlamasında bildirib ki, artıq topçu Vüsal Şahkərimovla bağlı məsələ bağlanıb: "Qeyd edim ki, üzərində topçu Vüsal Şahkərimovun şəkli olan spirtli içki istehsala verilməmişdi. Sadəcə olaraq bu barədə məlumat paylaşılmışdı. "Az-Granata" MMC Vüsalın valideyni ilə danışaraq həm şifahi, həmçinin də rəsmi razılığını almışdı. Sadəcə olaraq bu məsələdə ictimaiyyətin fikrini nəzərə aldıq. Həmçinin topçumuz özü də şəklinin spirtli içki şüşəsində olmasına razı olmayıb. Biz də bütün bunları nəzərə alaraq bu məsələni qapatdıq".

Ü.Günəşli iddia edir ki, əslində bu məsələdə şirkətin məqsədi tamamilə başqa olub: "Bizim fikrimiz ictimaiyyətə düzgün çatdırılmadı. Şirkətimiz Vüsalın şəklinin vurulduğu kitabların çapına da sponsorluq etmək niyyətində idi. Bizim qədim tarixi adları daşıyan məhsullarımız var. Həmin məhsullar gələn qonaqlara təqdim edildikdə tariximizlə bağlı məlumatlar da verilir. Bizim üzərində topçu olan spirtli içkini bir dəfə istehsal etmək fikrimiz vardı. Bu şəkilin seçilməsində məqsəd Azərbaycan Ordusunun mərdliyini, cəsarətini nümayiş etdirmək idi".

Qeyd edək ki, əslən Xaçmaz rayonundan olan 19 yaşlı topçu Vüsal Şahkərimov Vətən müharibəsinin minlərlə qəhrəmanından biridir.

20