Bakıda tibbi maska taxmış şəxs, arxiv şək

Koronavirusa yoluxmada artım bu sərtləşdirmələrə səbəb ola bilər

101
(Yenilənib 15:14 16.11.2020)
"Koronavirusa yoluxmanın artması yəqin ki yaxın aylarda qapanmalarla bağlı qərarların verilməsinə səbəb olacaq. Əks halda virusa gündəlik yoluxmanın beş minə çatması mümkündür"

Zülfiyyə Quluyeva, Sputnik Azərbaycan

BAKI, 16 noyabr — Sputnik. Azərbaycanda koronavirusa yoluxma kəskin artır. Noyabrın 15-ə olan məlumata görə, koronavirus (COVID-19) infeksiyasına 2259 yeni yoluxma faktı qeydə alınıb. COVID-19 üçün götürülən analiz nümunələri müsbət çıxmış 21 nəfər vəfat edib.

Qeyd edək ki, artıq bir sıra mərkəzi Avropa ölkələrində karantin qaydalarının sərtləşdirilməsinə başlanıb. Bəs görəsən Azərbaycanda koronavirusa yoluxma səbəbindən karantin qaydaları yenidən sərtləşdirilə bilərmi?

Tibb Universitetinin Tədris Cərrahiyyə Klinikasının dosenti Ədalət Rüstəm Sputnik Azərbaycan-a açıqlamasında bildirib ki, koronavirusa yoluxmanın iki mini keçməsi artıq karantinin sərtləşdirilməsi üçün siqnaldır: "Sözsüz ki, koronavirusa yoluxmada kəskin artımın olması karantin tələblərinin sərtləşdirilməsinə səbəb olacaq. Çünki, Azərbaycanda bu rəqəmin bu templə gündəlik üç mini keçməsi də gözləniləndir".

Ə. Rüstəmin sözlərinə görə, bu gün ölkəmizdə koronavirusa yoluxma maskasız gəzmək və insanların bir-biriləri ilə sosial məsafə saxlamadan sıx təmasda olmasından artır: "Əhalinin çoxu maskadan istifadə etmir. Bəzən maska taxanlar avtobusa minən kimi maskanı çıxardırlar. Maskadan ümumiyyətlə istifadə etməmək və düzgün itifadə etməmək virusa yoluxmanı artırır. Digər səbəb isə odur ki, insanlar pandemiya dövründə virusun yayılmasına baxmayaraq bir-biriləri ilə görüşüb-öpüşürlər. İctimai nəqliyyatda, restoran və kafelərdə karantin qaydaları kobud şəkildə pozulur. Ona görə də, virusa yoluxmanın daha da artacağı qaçılmazdır".

Həmsöhbətimiz bildirir ki, karantin şərtləri sərtləşdirilərsə, buna restoran və kafelər, eləcə də bərbərxana və gözəllik salonlarından başlamaq lazım gələcək: "Hazırda Nazirlər Kabinetinin qərarına görə iri ticarət mərkəzləri, təhsil müəssisələri qapalıdır. Belə davam edərsə virusa yoluxmanı artıran restoranların bağlanacağı, bərbərxanaların fəaliyyətini dayandıracağını gözləmək lazımdır. İctimai nəqliyyatda və mağazalarda isə sərtləşdirmə tədbirləri çərçivəsində nəzarət gücləndirilməlidir.Koronavirusa yoluxmanın artması yəqin ki yaxın aylarda qapanmalarla bağlı qərarların verilməsinə səbəb olacaq. Əks halda virusa gündəlik yoluxmanın beş minə çatması mümkündür".

Ümumdünya Səhiyyə Təşkilatının (ÜST) ) Azərbaycandakı nümayəndəliyinin isə proqnozu nikbindir. Ümumdünya Səhiyyə Təşkilatının (ÜST) Azərbaycandakı nümayəndəliyinin rəhbəri Hande Harmancı bildirib ki, onlar ölkə üzrə tam qapanmaya getməyə ehtiyac yaranmayacağına ümidlidirlər: "Ümid edirik ki, Azərbaycanda koronavirusla bağlı hər kəs tövsiyələrə riayət edəcək və ölkə üzrə tam qapanmaya getməyə ehtiyac yaranmayacaq. Hazırda Azərbaycanda yoluxma hallarının daha sürətlə artdığı bəzi şəhər və kəndlərə gediş-gəlişin qismən məhdudlaşdırılması kimi yeni yanaşmalardan istifadə olunur. Bu, hökumətin məhəllələrdə və kəndlərdə vəziyyəti yaxından izlədiyini göstərir. Virusun yayılmasının qarşısının alınması insanların tövsiyələrə nə dərəcədə riayət etməsindən asılıdır. Sadə gigiyenik qaydalara əməl etməklə, fiziki məsafə saxlamaqla və kütləvi məkanlara getməkdən çəkinməklə özümüzü və yaxınlarımızı qoruya bilərik"deyə H. Harmançı bildirib.

Baş infeksionist Təyyar Eyvazov Sputnik Azərbaycan-a bildirib ki, koronavirusa yoluxmada artım dünyanın əksər ölkələrində müşahidə olunur: "Hətta koronovirusa yoluxma Azərbaycandan əvvəl qeydə alınan ölkələrdə də stabilləşmə müşahidə olunmur. Hesab edirəm ki, pik nöqtəyə gəlib çatırıq. Pik nöqtəyə çatanda yoluxma sayları yüksək rəqəmlərlə davam edəcək, xəstəlikdən sağalanların sayı da artacaq. Bir müddət bu stabilləşmə dövrü davam edəcək, ondan sonra karantin tədbirlərinin lazımı səviyyədə yerinə yetirildiyi təqdirdə azalmalar olacaq. Nə vaxt olacağını demək çətindir.Yəqin ki, noyabrın sonları və dekabr ayı bu suala müəyyən aydınlıq gətirər. İndidən proqnoz vermək çətindir".

Xatırladaq ki, indiyədək ölkədə ümumilikdə 75 688 nəfərin koronavirus infeksiyasına yoluxması faktı müəyyən edilib, onlardan 55 150 nəfər müalicə olunaraq sağalıb, 967 nəfər vəfat edib, aktiv xəstə sayı 19 571 nəfərdir.

101
Teqlər:
sərt karantin rejimi, Karantin rejimi, Azərbaycan, Avropa, COVID-19, Koronavirus
PPX avtomobili, arxiv şəkli

Bakı sakini küçədə qətlə yetirilib

19
Hazırda prokurorluq və polis əməkdaşları tərəfindən cinayəti törətmiş şəxs və ya şəxslərin müəyyən edilərək tutulub istintaqa cəlb edilməsi istiqamətində intensiv və zəruri istintaq hərəkətləri və əməliyyat-axtarış tədbirləri davam etdirilir.

BAKI, 27 noyabr — Sputnik. Noyabrın 25-də saat 21 radələrində Xətai rayonu ərazisində İntizam İsmayılovun aldığı bədən xəsarətləri nəticəsində xəstəxanada ölməsi barədə Xətai rayon prokurorluğuna məlumat daxil olub.

Sputnik Azərbaycan Baş Prokurorluğun məlumatına istinadla xəbər verir ki, dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Faktla bağlı Xətai rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanmış, müvafiq ekspertizalar təyin edilib.

İstintaqla hadisənin zərərçəkmişin yaşadığı evin yaxınlığında naməlum şəxs və ya şəxslər tərəfindən aralarında yaranmış münaqişə zamanı törədilməsinə əsaslı şübhələr müəyyən edilib.

Hazırda prokurorluq və polis əməkdaşları tərəfindən cinayəti törətmiş şəxs və ya şəxslərin müəyyən edilərək tutulub istintaqa cəlb edilməsi istiqamətində intensiv və zəruri istintaq hərəkətləri və əməliyyat-axtarış tədbirləri davam etdirilir.

19
Teqlər:
cinayət, istintaq, Bakı, qətl, Xətai rayonu, Xətai

Azərbaycanda koronavirusa yoluxan icra başçısı vəfat edib

69
(Yenilənib 00:04 27.11.2020)
Vahid Tağıyev bir müddət öncə yeni növ koronavirus infeksiyasına yoluxmuşdu və bununla bağlı müalicə alırdı.

BAKI, 26 noyabr - Sputnik. Ağsu Rayon İcra Hakimiyyətinin başçısı Vahid Tağıyev bu gün dünyasını dəyişib.

Sputnik Azərbaycan Report-a istinadla xəbər verir ki, Vahid Tağıyev bir müddət öncə yeni növ koronavirus infeksiyasına yoluxmuşdu və bununla bağlı müalicə alırdı.

Qeyd edək ki, Vahid Tağıyev ötən il Prezident İlham Əliyevin imzaladığı sərəncamla Ağsu Rayon İcra Hakimiyyətinin başçısı təyin edilib.

69
Teqlər:
Koronavirus, epidemiya, COVID-19, icra başçısı, Ağsu rayonu, Ağsu