Yazıçı Çingiz Abdullayev və Rusiyanın Azərbaycandakı səfiri Mixail Boçarnikov

Çingiz Abdullayev Rusiyadan mükafat aldı

52
Azərbaycanın Xalq yazıçısına Rusiyanın Dostluq ordeni təqdim olunub, Abdullayev qeyd edib ki, ordenlərinin sayı çoxdur, amma bu mükafata daha çox sevinib.

BAKI, 10 noyabr — Sputnik. Azərbaycanın məşhur yazıçısı Çingiz Abdullayevə bu gün Rusiyanın Dostluq ordeni təqdim olunub. Sputnik Azərbaycan-ın məlumatına görə, mükafatlandırma mərasimi Rusiyanın Azərbaycandakı səfirliyində keçirilib.

“Xeyli ordenim var, amma bu mükafata lap çox sevindim, çünki bu, Dostluq ordenidir. Mən həmişə dostluq və istənilən münaqişənin sülh yolu ilə həllinin tərəfdarı olmuşam: analar ağlamamalıdırlar”, - Azərbaycanın Xalq yazıçısı qeyd edib.

© Sputnik / Murad Orujov
Yazıçı Çingiz Abdullayev və Rusiyanın Azərbaycandakı səfiri Mixail Boçarnikov

O, həmçinin Azərbaycan xalqını respublikanın suverenliyinin, ərazi bütövlüyünün bərpa olunması münasibətilə təbrik edib.

Abdullayev rus dilinin vacibliyini də qeyd edərək son günlərin hadisələrinin bunu təsdiqlədiyini deyib: Prezident İlham Əliyev Dağlıq Qarabağ münaqişəsi ilə bağlı bir çox müsahibələrini rus dilində verib və Azərbaycana qarşı o qədər də dost münasibətində olmayan insanlar dövlət başçısının çıxışlarından sonra fikirlərini dəyişiblər.

© Sputnik / Murad Orujov
Yazıçı Çingiz Abdullayev

Xalq yazıçısı həmçinin Rusiya Prezidenti Vladimir Putinə və RF-in Azərbaycandakı səfiri Mixail Boçarnikova bu mükafata görə minnətdarlığını bildirib.

Rusiya Prezidenti Vladimir Putin Azərbaycanın Xalq yazıçısı Çingiz Abdullayevin Dostluq ordeni ilə təltif olunması haqda bu ilin mayında sərəncam imzalamışdı. Təntənəli mükafatlandırma mərasimi adətən Kremldə, Rusiya prezidentinin iştirakı ilə keçirilir, ancaq koronavirus pandemiyası bu il planları dəyişib. Yazıçının mükafatlandırılması mərasimi Bakıdakı Rusiya səfirliyində baş tutub. 

© Sputnik / Murad Orujov
Yazıçı Çingiz Abdullayev və Rusiyanın Azərbaycandakı səfiri Mixail Boçarnikov

Tədbirdə qonaqları salamlayan Rusiyanın Azərbaycandakı səfiri Mixail Boçarnikov Çingiz Abdullayevin RF-lə mədəni münasibətlərin, əməkdaşlığın, sülh və dostluğun möhkəmləndirilməsində qiymətli töhfəsindən danışıb. Boçarnikov qeyd edib ki, iki ölkəni təkcə qarşılıqlı əməkdaşlıq deyil, eləcə də xalqlar arasında dostluq bağlayır.

Rusiyanın Dostluq ordeni 1994-cü il martın 2-də təsis olunub və millətlər və xalqlar arasında dostluğun və əməkdaşlığın möhkəmləndirilməsində töhfələrə, Rusiyanın iqtisadi və elmi potensialının inkişafında yüksək nailiyyətlərə, ölkələr arasında mədəniyyətlərin yaxınlaşdırılması və qarşılıqlı zənginləşdirilməsində, sülh və dostluq əlaqələrinin möhkəmləndirilməsində məhsuldar fəaliyyətə görə təqdim olunur.

© Sputnik / Murad Orujov
Rusiyanın Azərbaycandakı səfiri Mixail Boçarnikov

Xalq yazıçısı, Azərbaycan Yazıçılar Birliyinin katibi Çingiz Abdullayev əsərlərini rusca, əsasən psixoloji və siyasi detektiv janrında yazır. 2002-ci ildə rusiyalı kinematoqrafçılar Çingiz Abdullayevin romanları əsasında “Dronqo” serialı çəkiblər. Azərbaycanla Ermənistan arasında hərbi əməliyyatların aparıldığı günlərdə Çingiz Abdullayev Rusiya telekanallarındakı verilişlərdə aktiv iştirak edərək rusiyalı tamaşaçılara Azərbaycanın mövqeyi barədə həqiqətləri çatdırıb. 

52
PPX avtomobili, arxiv şəkli

Bakı sakini küçədə qətlə yetirilib

17
Hazırda prokurorluq və polis əməkdaşları tərəfindən cinayəti törətmiş şəxs və ya şəxslərin müəyyən edilərək tutulub istintaqa cəlb edilməsi istiqamətində intensiv və zəruri istintaq hərəkətləri və əməliyyat-axtarış tədbirləri davam etdirilir.

BAKI, 27 noyabr — Sputnik. Noyabrın 25-də saat 21 radələrində Xətai rayonu ərazisində İntizam İsmayılovun aldığı bədən xəsarətləri nəticəsində xəstəxanada ölməsi barədə Xətai rayon prokurorluğuna məlumat daxil olub.

Sputnik Azərbaycan Baş Prokurorluğun məlumatına istinadla xəbər verir ki, dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Faktla bağlı Xətai rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanmış, müvafiq ekspertizalar təyin edilib.

İstintaqla hadisənin zərərçəkmişin yaşadığı evin yaxınlığında naməlum şəxs və ya şəxslər tərəfindən aralarında yaranmış münaqişə zamanı törədilməsinə əsaslı şübhələr müəyyən edilib.

Hazırda prokurorluq və polis əməkdaşları tərəfindən cinayəti törətmiş şəxs və ya şəxslərin müəyyən edilərək tutulub istintaqa cəlb edilməsi istiqamətində intensiv və zəruri istintaq hərəkətləri və əməliyyat-axtarış tədbirləri davam etdirilir.

17
Teqlər:
cinayət, istintaq, Bakı, qətl, Xətai rayonu, Xətai

Azərbaycanda koronavirusa yoluxan icra başçısı vəfat edib

62
(Yenilənib 00:04 27.11.2020)
Vahid Tağıyev bir müddət öncə yeni növ koronavirus infeksiyasına yoluxmuşdu və bununla bağlı müalicə alırdı.

BAKI, 26 noyabr - Sputnik. Ağsu Rayon İcra Hakimiyyətinin başçısı Vahid Tağıyev bu gün dünyasını dəyişib.

Sputnik Azərbaycan Report-a istinadla xəbər verir ki, Vahid Tağıyev bir müddət öncə yeni növ koronavirus infeksiyasına yoluxmuşdu və bununla bağlı müalicə alırdı.

Qeyd edək ki, Vahid Tağıyev ötən il Prezident İlham Əliyevin imzaladığı sərəncamla Ağsu Rayon İcra Hakimiyyətinin başçısı təyin edilib.

62
Teqlər:
Koronavirus, epidemiya, COVID-19, icra başçısı, Ağsu rayonu, Ağsu