Dərslərini etdən məktəbli, arxiv şəkli

Hazırlıq kurslarında koronavirus təhlükəsi - Necə edək ki, savadlanaq, amma yoluxmayaq

111
(Yenilənib 22:04 06.11.2020)
"Ən yaxşısı repetitorluqla məşğul olan və kurslarda dərs keçən müəllimlərin mütəmadi koronavirusa görə test olunmasıdır. Çox təəssüf ki, bu xərc apardığından kurslar müəllimləri testdən keçirmirlər"

Zülfiyyə Quluyeva, Sputnik Azərbaycan

BAKI, 6 noyabr — Sputnik. Təhsil müəssisələrində əyani təhsil koronavirus pandemiyasına görə dayandırılsa da, distant təhsil elə də səmərə vermədiyindən şagirdlər hazırlıq kurslarına, repetitorlara müraciət edir. Təhsil eksperti Kamran Əsədov Sputnik Azərbaycan-a açıqlamasında hazırlıq kurslarının, qrup şəklində repetitor hazırlıqlarının şagirdlər arasında koronavirusa yoluxmanı sürətləndirdiyini qeyd edib. O bildirib ki, hazırlıq kurslarında çalışan müəllimlər və bu kurslara gedən şagirdlər koronavirusa görə testdən keçirilmir. Bu isə şagirdlər arasında virusa yoluxma riskini artırır.

Distant təhsil, arxiv şəkli
© REUTERS / VASILY FEDOSENKO

K.Əsədov bildirib ki, onun da övladları dərslər onlayn keçiriləndən dərslərini repetitor vasitəsilə öyrənir. K.Əsədov nə fərdi repetitorluq fəaliyyəti ilə məşğul olan müəllimlərin, nə də ki, kurslarda çalışan müəllimlərin virusa görə testdən keçmədiyini bildirib: "Məktəbləri ona görə bağlayıblar ki, koronavirusa yoluxma sayı az olsun. Amma digər tərəfdən şagirdlər Virtual Məktəbdə dərslər effektli keçirilmədiyindən repetitor hazırlığına müraciət edir. Son aylar artıq repetitorlara müraciət kütləvi hal alıb. Şagirdlər dərsə gedən kimi səhər durub hazırlıq kurslarına gedirlər. Amma heç kəs bilmir ki, hazırlıq kurslarında çalışan müəllimlər bu virusun daşıyıcılarıdır yoxsa yox? Çünki həmin müəllimlərin koronavirusa görə test edilməsi kurslara sərf etmir. Bu isə şagirdlər arasında virusa yoluxma sayını artıra bilər. Hazırda heç kəs bilmir ki, kurslarda dərs keçən, fərdi repetitorluq edən müəllimlərin nə qədəri virusa yoluxub. Düşünürəm ki, bu məsələyə nəzarət gücləndirilməlidir. Əks halda, məktəbləri bağlamağın, təhsili dayandırmağın heç bir xeyri olmayacaq".

İnfeksionist Nilufər Məmmədova Sputnik Azərbaycan-a açıqlamasında bildirib ki, hazırlıq kurslarına və repetitorlara müraciətlərin artmasına görə şagirdlərin qəbulunda say məhdudiyyətinə ciddi əməl edilməlidir: "Hazırlıq kurslarının fəaliyyəti ilə bağlı qaydalar var. Bu kurslar həmin qaydalara əməl etməlidirlər. Kursa gələn şagird və müəllimlərin mütləq şəkildə temperaturu ölçülməli, onlarla söhbət aparılmalıdır. Əgər müəllimdə yaxud da şagirddə koronavirusun əlamətləri müşahidə olunursa, həmin şəxslər kursa buraxılmamalıdırlar. Həmçinin şagirdlərdən ailələrində koronavirusa yoluxanların olub-olmadığı dəqiqləşdirilməlidir. Bundan əlavə kursa gələn müəllim və şagirdlər əllərini yumalı, iki metr məsafə saxlamalı, maskadan istifadə etməlidirlər. Kurslar, fərdi repetitorluqla məşğul olan müəllimlərin 3-4 şagirddən artıq uşağa dərs keçməsi məsləhət görülmür".

Koronavirus testi, arxiv şəkli
© Lex van LIESHOUT / ANP / AFP

N.Məmmədova deyir ki, ən yaxşısı repetitorluqla məşğul olan və kurslarda dərs keçən müəllimlərin mütəmadi koronavirusa görə test olunmasıdır: "Çox təəssüf ki, bu xərc apardığından kurslar müəllimləri tetsdən keçirmirlər. Bu isə kurslarda koronavirusa yoluxma təhlükəsini artırır. Ona görə də kurslara öz övladını göndərən valideynlər daha diqqətli olmalıdırlar".

N.Məmmədova bildirir ki, hazırlıqlar qapalı məkanlarda aparıldığından virusa yoluxma təhlükəsi daha da artır: "Nəzərə almaq lazımdır ki, bəzi uşaqlar bu virusu simptomsuz keçirir. Bu isə təhlükəni daha da artırır".

İnfeksionist fəsil dəyişkənliyi və havaların soyuması ilə əlaqədar şagirdlərin digər viruslara yoluxma riskinin də böyük olduğunu bildirir: "Hazırda bizi ən çox narahat edən koronavirus infeksiyası olsa da, COVID-19-dan başqa yoluxucu viruslar var. Ona görə də kurslara gələn şagirdlər arasında boğazı ağrıyan, ishal halı müşahidə olunan uşaqlar kursa buraxılmamalıdırlar. Çünki bu digər yoluxucu virusların yayılmasına səbəb ola bilər".

Qeyd edək ki , Nazirlər Kabineti yanında Operativ Qərargahın qərarına əsasən, avqustun 31-dən etibarən xüsusi karantin rejimi qaydalarına riayət etməklə, 10 nəfərədək qruplarda fərdi tədris və repetitor xidmətlərinə icazə verilib.

111
Koronavirus testi, arxiv şəkli

Azərbaycanda koronavirusdan ölüm yoluxma rekord həddə çatdı

0
34 nəfər COVID-19-dan vəfat edib. Ölkədə son sutka ərzində 14358, hazırkı dövrədək isə 1631597 test aparılıb

BAKI, 24 noyabr — Sputnik. Azərbaycanda koronavirusa (COVID-19) 3646 yeni yoluxma faktı qeydə alınıb, 1259 nəfər müalicə olunaraq sağalıb və evə buraxılıb.

Sputnik Azərbaycan-a Nazirlər Kabineti yanında Operativ Qərargahdan verilən məlumata görə, 34 nəfər COVID-19-dan vəfat edib. Aktiv xəstə sayı 31999 nəfərdir. Ölkədə son sutka ərzində 14358, hazırkı dövrədək isə 1631597 test aparılıb.

Ümumi ölənlərin sayı 1194 nəfərdir. Ümumi yoluxanların sayı 98927 nəfər, ümumi sağalanların sayı 65734 nəfərdir.

0
Teqlər:
rekord, ölənlər, yoluxma, Koronavirus, COVID-19, epidemiya, Azərbaycan
Mövzu:
Azərbaycanda koronavirus: son xəbərlər
İlham Əliyev, arxiv şəkli

İlham Əliyev: Mən xoşbəxt adamam ki, dörd dəfə Məkkə ziyarətində olmuşam

5
(Yenilənib 17:15 24.11.2020)
Biz bunu birliyimiz sayəsində qazanmışıq, gücümüz sayəsində qazanmışıq. Heç kim bizə kömək etməyib. Əksinə, ancaq maneçilik törədib. Gün gələcək, bu barədə də ətraflı danışacağam".

BAKI, 24 noyabr — Sputnik. "Bu gün mən Ağdam məscidinə Məkkədən gətirdiyim "Qurani-Kərim"i bağışladım. Mən xoşbəxt adamam ki, dörd dəfə Məkkə ziyarətində olmuşam. Bir dəfə rəhmətlik atamla, üç dəfə isə Prezident kimi. Xoşbəxtəm ki, mən ailə üzvlərimlə bərabər müqəddəs Kəbənin içində dualar etmişəm. Hər bir insanın ürəyində nə varsa, mənim ürəyimdə də eyni duyğulardır. Etdiyim duaların arasında birinci duam torpaqlarımızın işğaldan azad edilməsi idi. Allahdan xahiş edirdim, mənə güc versin ki, biz torpaqları işğalçılardan azad edək, o xoşbəxtliyi bizə nəsib etsin, biz yenə də dədə-baba torpağımıza qayıdaq".

Sputnik Azərbaycan xəbər verir ki, bu barədə Prezident İlham Əliyev Ağdam məscidinin qarşısında çıxışı zamanı deyib.

Dövlət başçısı bildirib:

"Bu gün burada, vandallar tərəfindən dağılmış məscidin önündə deyirəm ki, xoşbəxt adamam. Bir daha Allaha şükür edirəm ki, mənim dualarımı eşidib, bu gücü mənə verib. Biz gücümüzü səfərbər edərək bax, bu tarixi günləri yaşayırıq. Bu, həqiqətən də tarixi günlərdir. Bəlkə də çoxəsrlik Azərbaycan tarixində buna bənzər şərəfli və qürurlu günlər olmayıb. Biz bunu birliyimiz sayəsində qazanmışıq, gücümüz sayəsində qazanmışıq. Heç kim bizə kömək etməyib. Əksinə, ancaq maneçilik törədib. Gün gələcək, bu barədə də ətraflı danışacağam".

5