Pirallahı adası

Dənizin ortasındakı müqəddəs torpaq - Tanrının məkanından reportaj

235
Suya batmış və nasaz vəziyyətdə olan qayıqların nə vaxtsa parkın sakinlərinə xidmət etdiyi əraziyə atılmış boş içki şüşələrindən hiss edilir.

İradə Cəlilova, Sputnik Azərbaycan

BAKI, 17 fevral — Sputnik. Pirallahı Abşeronun ən böyük adası hesab edilir. Ada ərəb xilafəti dövründə yaranan xəritələrdə Pirallahı adası kimi tanınır. Həmin dövrlərdə ada müqəddəs yer hesab edilirmiş. Tarixi mənbələrə görə, "pir" müqəddəs yer anlamını verir. Pirallahı isə Allahın piri, məbədi mənasını verir. Pirallahı adına XIV əsr mənbəlrində rast gəlinir.

"Bakı şəhər inzibati ərazi vahidi tərkibində Pirallahı rayonun yaradılması haqqında" qanun 2012-ci ildə qəbul edildikdən sonra ölkə başçısı qanunun tətbiq edilməsi ilə bağlı 17 yanvar 2013-cü il sərəncam verir.

Pirallahı adası əvvəldən "neftin vətəni" hesab edilib. Belə ki, 1897-ci ildə burada Nobel qardaşları qazma işlərinə başlayır, 1902-ci ldə isə 44 saylı quyunun yoxlaması zamanı neft alını və beləliklə də adada yaşayış məntəqləri salınmağa başlanılır. 1925-ci ildə adaya sovet partiya xadimi Artyomun (Fyodor Andreyeviç Sergeyev) adı verilir.

Beləcə bir tarix yazılır. Sonuncu dəfə Pirallahı adasında 5 il əvvəl olmuşdum. Burada neft şirkətlərinin əraziləri və bir dəfə köhnə gecəqondularından başqa diqqətimi heç nə çəkməmişdi. Düşünün dənizin ortasında neft qoxulu kasıb bir ada...Kələ-kötür yolları, köhnə daxmaları, insanlarının kədərli siması sevdirməmişdi Pirallahını mənə.

© Sputnik / Irade JELIL
Pirallahı adası

Bu günlərdə yenə yolum Pirallahıdan düşmüşdü.

Beş il əvvəlki adadan əsər-əlamət qalmamışdı.

Kələ-kötür yollar asfaltlanmış, uçuq daxmaların yerini yeni yaşayış məntəqələri tutmuşdu. İnsanları da kədərli görünmürdü.

Yolların kənarında yaşıllıqlar salınmış, parklar salınmışdı. Yolun kənarında Pirallahı şəhidlərinin xatirəsinə olan Şəhidlər Xiyabanı salınmışdı.

Pirallahı adası rayon statusu alandan sonra Gürgən qəsəbəsi Xəzər rayonundan alınaraq, Pirallahı rayonuna verilir. Hazırda Pirallahı rayonu 4 qəsəbədən Çilov, Neft Daşları Gürgən və Pirallahıdan ibarətdir.

© Sputnik / Irade JELIL
Pirallahı adasında yan alan gəmilər

Gürgən qəsəbəsi Abşeron yarmadasının şərqində, Xəzər dənizinin sahilində, Bakı-Pirallahı avtomobil yolunun kənarında yerləşir. Qeyd edək ki, qəsəbə 1946-cı ildə salınıb.

Deyilənə görə, əvvəllər burada Gürgan şəhəri olub. Burada girgan tayfaları yaşayırmış. Sonralar Xəzərin səviyyəsi qalxıb və şəhər suyun altında qalıb. Su çəkiləndən sonra üzə çıxan ərazilər Gürgən qəsəbəsinin əraziləridir.

İnd həmin ərazilərdə bağlar və kiçik yaşayış məntəqələri var.

© Sputnik / Irade JELIL
Pirallahı adası

Burada ötən illərdə "Gürgən" parkı da salınıb. Amma park baxımsız qaldığı üçün, bura gələn də azdır. Parkda yaradılmış süni gölün suyu çirklənib. Suya batmış və nasaz vəziyyətdə olan qayıqların nə vaxtsa parkın sakinlərinə xidmət etdiyi əraziyə atılmış boş içki şüşələrindən hiss edilir.

İndi isə parkda demək olar ki, "lələ köçüb, yurdu qalıb". Yəni nə vaxtsa gözəl park olduğu hiss edilir. Sadəcə baxımsızdır.

Pirallahı ilə Abşeron yarımadasını hündürlüyü 11 metr olan körpü birləşdirir.

Əvvəllər ada ilə əlaqə gəmi, katerlər vasitəsi ilə olub. Burada ilk körpünün tikilməsi üçün qərar 1939-cu ildə verilsə də, adanı sahilə birləşdirən körpünün tikintisinə 1941-ci ildə başlamılmış və 1944 cü ildə təhvil verilmişdi. Bundan sonra ada yarımadaya çevrilir.

© Sputnik / Irade JELIL
Pirallahı adası

2012-ci ildə yeni körpünün inşasına qərar verilir. 2017-ci ildə körpü istifadəyə verilir. İndi bu körpü ada ilə Abşeronu birləşdirir.

Pirallahı qədim tarixə malikdir. Kimin yaddaşında Pirallahı, kimin isə Artyom kimi qalsa da, bir reallıq var. Bakıdan 40 kilometr uzaqlıqda, dənizin ortasında müqəddəs bir torpaq var. Dörd tərəfdən su ilə əhatə edilmiş, neft vətəni adlansa da, neft qoxusu verməyən bir ada…

235
Şəhidin dəfni, arxiv şəkli

Şəhid ailələri müharibə əlilləri ilə bağlı tədbirlər planı hazırlandı

11
(Yenilənib 15:12 28.11.2020)
Əmək və Əhalinin Sosial Müdafiəsi Nazirliyinin İctimaiyyətlə əlaqələr və kommunikasiya şöbəsindən məlumat verilib ki, həmin tədbirlər çərçivəsində onların məşğulluq imkanlarının da artırılması təmin olunacaq.

BAKI, 28 noyabr — Sputnik. Şəhid ailələri və müharibə əlillərinin məşğulluq imkanlarının artırılması üçün tədbirlər planı hazırlanıb. Bu barədə Sputnik Azərbaycan-a Əmək və Əhalinin Sosial Müdafiəsi Nazirliyinin İctimaiyyətlə əlaqələr və kommunikasiya şöbəsindən məlumat verilib. Bildirilir ki, Plan işğaldan azad edilmiş ərazilərin, döyüş zonasına yaxın olmuş bölgələrin sakinlərini, erməni terrorundan zərər çəkmiş şəxsləri də əhatə edir.

Prezident İlham Əliyevin tapşırığına uyğun olaraq, Əmək və Əhalinin Sosial Müdafiəsi Nazirliyi möhtəşəm Qələbəmizlə başa çatan Vətən müharibəsində şəhid olan qəhrəmanlarımızın ailələrini, müharibə əlilləri və digər iştirakçılarını geniş sosial dəstək tədbirləri ilə əhatə edəcək. Həmin tədbirlər çərçivəsində onların məşğulluq imkanlarının da artırılması təmin olunacaq. Bu məqsədlə Tədbirlər Planı hazırlanıb.

Plan işğaldan azad edilmiş ərazilərin, döyüş zonasına yaxın olmuş bölgələrin sakinlərini, erməni terrorundan zərər çəkmiş şəxsləri də əhatə edir.

Tədbirlər Planında nəzərdə tutulur:

Şəhid ailələri, müharibə əlilləri və iştirakçılarının özünüməşğulluq proqramına qısa zamanda növbədənkənar cəlb edilməsi, onların istehsal-xidmət və kənd təsərrüfatı sahələri üzrə mal və materiallarla, avadanlıqlarla təmin edilməklə kiçik bizneslərinin yaradılması;

Döyüş zonasına yaxın olmuş bölgələrdə özünüməşğulluq proqramına cəlb olunan şəxslər üzrə kvotanın artırılması, proqram üzrə mal və materiallarla, avadanlıqlarla təminat işlərinin genişləndirilməsi;

Erməni terroru nəticəsində kiçik müəssisə və ailə təsərrüfatlarına ziyan dəymiş vətəndaşlara özünüməşğulluq proqramı çərçivəsində dəstəyin göstərilməsi;

Sosial iş yerlərində əməkhaqqının birgə maliyyələşdirilməsi proqramına şəhid ailələrinin, müharibə əlillərinin və iştirakçılarının növbədənkənar cəlb edilməsi, döyüş zonasına yaxın olmuş bölgələrdə bu proqram üzrə kvotaların artırılması;

Həssas qruplardan olanlar üçün nəzərdə tutulan kvotadan başqa, əlavə olaraq şəhid ailəsi üzvləri və müharibə əlilləri üçün iş yerləri yaradan işəgötürənlər üçün həmin iş yerləri üzrə əməkhaqqının 100%-dək maliyyələşdirilməsi layihəsinin hazırlanması və icrası və s.

11
Teqlər:
Ali Baş Komandan cənab İlham Əliyev, Azərbaycan prezidenti İlham Əliyev, İlham Əliyev, plan, şəhid ailələri, Əmək və Əhalinin Sosial Müdafiəsi Nazirliyi
Oğuz meşələrində kəsilən qiymətli ağac növləri

"Bandotdel" meşədə əməliyyat keçirdi

11
Meşələrdə qiymətli növ ağacların qanunsuz kəsilərək emal sexlərinə satışı Oğuz rayon sakinləri Elşən Hüseynov və əvvəllər məhkum olunmuş Ehtibar Muxtarov tərəfindən həyata keçirilib.

BAKI, 28 noyabr — Sputnik. Daxili İşlər Nazirliyinin əməkdaşları tərəfindən Ekologiya və Təbii Sərvətlər Nazirliyinin mütəxəssisləri ilə birgə ölkə ərazisində meşə massivlərində ağacların qanunsuz olaraq kəsilməsi, yaşıllıq sahələrinin məhv edilməsi ilə məşğul olan daha bir dəstənin üzvlərinə qarşı uğurlu əməliyyat həyata keçirilib. DİN Mətbuat Xidmətindən Sputnik Azərbaycan-a verilən məlumata görə, Baş Mütəşəkkil Cinayətkarlıqla Mübarizə İdarəsinə Meşələrin İnkişafı Departamentinin əməkdaşlarından Oğuz rayonunun Filfilli, Xaçmaz və sair kəndlərinin ərazilərində yerləşən meşə zolaqlarında kütləvi şəkildə qanunsuz ağackəsmə əlamətlərinin müşahidə edilməsi barədə məlumat daxil olub. Hər iki qurumun əməkdaşları tərəfindən qeyd olunan xüsusatların hərtərəfli və obyektiv araşdırılması məqsədilə adıçəkilən kəndlərdə meşə zonaları nəzarətə götürülüb.

  • Oğuz meşələrində kəsilən qiymətli ağac növləri
    © AR Ministry of Internal Affairs
  • Oğuz meşələrində kəsilən qiymətli ağac növləri
    © AR Ministry of Internal Affairs
  • Saxlanılan şəxs Elşən Hüseynov
    © AR Ministry of Internal Affairs
  • Saxlanılan şəxs Etibar Muxtarov
    © AR Ministry of Internal Affairs
1 / 4
© AR Ministry of Internal Affairs
Oğuz meşələrində kəsilən qiymətli ağac növləri

Baş Mütəşəkkil Cinayətkarlıqla Mübarizə İdarəsinin əməkdaşları tərəfindən peşəkarlıqla həyata keçirilən əməliyyat tədbiri nəticəsində qısa zamanda müəyyən olunub ki, həmin meşələrdə qiymətli növ ağacların qanunsuz kəsilərək emal sexlərinə satışı Oğuz rayon sakinləri Elşən Hüseynov və əvvəllər məhkum olunmuş Ehtibar Muxtarov tərəfindən həyata keçirilib. Həmin şəxslər əməliyyat nəticəsində saxlanılaraq Baş İdarəyə gətiriliblər.

Elşən Hüseynov və Ehtibar Muxtarov tərəfindən qanunsuz olaraq kəsilmiş ağaclar, onların oduncaqlarının yeri və digər ləvazimatlar maddi sübut kimi Baş İdarənin əməkdaşları tərəfindən aşkar olunaraq götürülüb. Ekspert rəyi ilə məlum olmuşdur ki, bu şəxslər qanunla qorunan meşə sahələrinə külli miqdarda maddi ziyan vurublar. Həmçinin araşdırma zamanı dəstə üzvləri tərəfindən ağacların yaş halda kəsildiyi məlum olub. Onlar ifadələrində etdikləri cinayəti etiraf ediblər.

Qeyd olunan faktlarla bağlı dəstə üzvləri barəsində Baş İdarənin İstintaq və Təhqiqat İdarəsində cinayət işi başlanılıb. Hazırda cinayət işi üzrə bütün halların tam, hərtərəfli araşdırılması, eləcə də dəstənin digər üzvlərinin saxlanılması istiqamətində zəruri əməliyyat-istintaq tədbirləri davam etdirilir.

11
Teqlər:
meşə ərazisi, meşə sahəsi, meşə, Oğuz rayonu, Ekologiya və Təbii Sərvətlər Nazirlyi, ekologiya, Daxili İşlər Nazirliyi
Baş nazir Əli Əsədov

İşğaldan azad olunmuş ərazilərlə bağlı konsepsiya Nazirlər Kabinetində müzakirə edilib

0
Videomüşavirədə Azərbaycan Respublikası Prezidentinin göstərişinə əsasən İqtisadi Şura işğaldan azad olunmuş ərazilərin bərpası və inkişafı konsepsiyasının əsas parametrlərini müzakirə edib.

 

BAKI, 28 noyabr — Sputnik. Noyabrın 27-də Baş nazir Əli Əsədovun sədrliyi ilə İqtisadi Şuranın videomüşavirə formatında növbəti iclası keçirilib.

Nazirlər Kabinetinin mətbuat xidmətindən Sputnik Azərbaycan-a verilən xəbərə görə, Azərbaycan Respublikası Prezidentinin göstərişinə əsasən İqtisadi Şura işğaldan azad olunmuş ərazilərin bərpası və inkişafı konsepsiyasının əsas parametrlərini müzakirə edib.

Azərbaycan Respublikasının sosial-iqtisadi inkişafına dair digər məsələlər müzakirə olunub, müvafiq qərarlar qəbul edilib.

0
Teqlər:
işğaldan azad edilmiş ərazilər, baş nazir, Əli Əsədov, Nazirlər Kabineti