Sənədin imzalanması

İnsanı robota çevirən vasitə: evlərin çoxunda var

52
(Yenilənib 01:13 06.11.2020)
Kompüterlə aktiv şəkildə məşğul olan və ya işi bununla əlaqədar olan şəxslər emosional cəhətdən inkişafdan qalırlar

BAKI, 6 noyabr — Sputnik. Kompüterdən istifadə ilə əllə yazmaq bacarığının insanlar arasında qarşılıqlı münasibətlərə ciddi təsiri varmış.

Sputnik Azərbaycan Rusiya mətbuatına istinadla xəbər verir ki, N.P.Bextereva adına İnsan Beyni İnstitutunun Epileptologiya və Nevrologiya Mərkəzinin rəhbəri Nadejda Korolyovanın fikrincə, insanlar əl yazısından istifadə etmirlərsə və təkcə klaviaturada yazırlarsa, hiposeksual olurlar.

"Afferent əlaqələrin və gicgahdakı bölgələrə təsirlərin olmaması hiposeksuallıq yaradır. Belə insanlar əks cinslə daha az maraqlanırlar. Bu, problemdir, faciədir. Qarşı cinslə maraqlanmayan kişi nə deməkdir? Lazımi qədər endorfin təmin edən emosional bir partlama olmadan insan robota çevrilir", - deyə o qeyd edib.

Nadejda Korolyova qeyd edib ki, kompüterlə aktiv şəkildə məşğul olan və ya işi bununla əlaqədar olan şəxslər emosional cəhətdən inkişafdan qalırlar.

"Bir neçə gün kompüter qarşısında oturan sakit bir gənc təsəvvür edin. Bu onun işi ilə əlaqədar ola bilər. Ancaq ətrafında hər hansı bir narahatlıq baş verdiyi zaman o, reaksiya verir. Amma bu reaksiya yetişkin bir kişi və ya gənc oğlanın reaksiyası deyil, iki-üç yaşlı uşağın reaksiyası kimidir. O, isterik reaksiyalar göstərir", - deyə ekspert bildirib.

Ekspert əl yazısını əvəz edəcək xüsusi bir fəaliyyətin olmadığını da vurğulayıb.

52
Teqlər:
emosiya, əl, yazı, kompüter
Heroin, arxiv şəkli

Yemək qazanının qulplarından heroin çıxdı

0
(Yenilənib 15:56 28.11.2020)
Baxış zamanı yemək qazanının qulplarının daxilində xüsusi üsulla gizlədilmiş sellofan bükülülərdə ümumi çəkisi 1,580 qram heroin və ümumi çəkisi 1,797 qram olan psixotrop maddə - metamfetamin aşkarlanıb.

BAKI, 28 noyabr — Sputnik. Penitensiar Xidmətin əməliyyat aparatının həyata keçirdiyi əməliyyat-axtarış tədbirləri nəticəsində Bakı İstintaq Təcridxanasına narkotik və psixotrop maddələrin keçirilməsi cəhdinin qarşısı alınıb.

Xidmətin ictimaiyyətlə əlaqələr şöbəsindən Sputnik Azərbaycan-a bildirilib ki, cinayət Məcəlləsinin 234.4.3-cü maddəsinə əsasən təqsirli bilinərək həbs edilmiş və hazırda Bakı İstintaq Təcridxanasında saxlanılan Ağayev Rəşad Hüseyn oğluna tanışı Qaxiyev Rauf İsmayıl oğlu tərəfindən gətirilmiş sovqata baxış keçirilib.

Baxış zamanı yemək qazanının qulplarının daxilində xüsusi üsulla gizlədilmiş sellofan bükülülərdə ümumi çəkisi 1,580 qram heroin və ümumi çəkisi 1,797 qram olan psixotrop maddə - metamfetamin aşkarlanıb. Faktla bağlı araşdırma aparılır.

0
Məktəbdə dərs, arxiv şəkli

İnklüziv təhsillə bağlı qanun təkmilləşdiriləcək

1
Bu məsələ Azərbaycan Respublikası Prezidentinin 2020-ci il 27 noyabr tarixli Sərəncamı ilə təsdiq edilmiş "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əks olunub.

 

BAKI, 28 noyabr — Sputnik. 2021–2022-ci illərdə uşaqların təhsilə çıxışında bərabərliyin təmin olunması məqsədilə inklüziv təhsilə dair mövcud normativ hüquqi bazanın təkmilləşdirilməsi ilə bağlı təkliflər hazırlanacaq.

Sputnik Azərbaycan-ın məlumatına görə, bu, Azərbaycan Respublikası Prezidentinin 2020-ci il 27 noyabr tarixli Sərəncamı ilə təsdiq edilmiş "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əks olunub.

1