Kənd Təsərrüfatı naziri İnam Kərimov, arxiv şəkli

Azərbaycanda kənd təsərrüfatının inkişafı üçün lazım olan bütün işlər görülür

19
(Yenilənib 00:18 05.11.2020)
İnam Kərimov: "Ölkəmizdə damazlıq heyvanları, kənd təsərrüfatı texnikasını, texnoloji avadanlıqları, müasir suvarma sistemlərini dövlət subsidiyası ilə güzəştli şərtlərlə əldə etmək mümkündür".

BAKI, 5 noyabr — Sputnik. "Bu gün dövlətin həyata keçirdiyi məqsədyönlü sosial-iqtisadi siyasət nəticəsində aqrar sektor sürətli inkişaf dövrünü yaşayır. Reallaşdırılan islahatlarla kənd təsərrüfatında müasir idarəetmə sistemi qurulur. Texnika və lizinq bazarı liberallaşdırılıb, yeni subsidiya sistemi formalaşdırılıb". Sputnik Azərbaycan-ın məlumatına görə, bunu Kənd Təsərrüfatı naziri İnam Kərimov deyib.

Nazir bildirib ki, cari ilin əvvəlindən başlayaraq fermerlər aqrar subsidiyaları yeni qaydalar əsasında, alternativsiz olaraq yalnız elektron sistem üzərindən alırlar:

"Yeni subsidiya sistemi dövlətin prioritet hesab etdiyi məhsullar üzrə əmsallar tətbiq etməklə istehsalı dəstəkləyir. Subsidiyalar birbaşa olaraq "Fermer kartı" vasitəsilə hər bir fermerə təqdim edilir. Ölkəmizdə damazlıq heyvanları, kənd təsərrüfatı texnikasını, texnoloji avadanlıqları, müasir suvarma sistemlərini dövlət subsidiyası ilə güzəştli şərtlərlə əldə etmək mümkündür".

"Aqrar sahənin davamlı inkişafının təmin edilməsi baxımından vacib məsələlərdən biri də aqrar sığorta mexanizmidir. Bu mexanizmin yaradılması məqsədilə aqrar sığorta sisteminin qanunvericilik bazası formalaşdırılıb, yeni institusional baza - Aqrar Sığorta Fondu yaradılıb", - deyə nazir bildirib.

19
Teqlər:
Kənd Təsərrüfatı Nazirliyi, Kənd təsərrüfatı, İnam Kərimov
Baş Prokurorluq

Baş Prokurorluq əhaliyə müraciət etdi - səbirli olun

0
(Yenilənib 16:15 30.11.2020)
Prokurorluq işğaldan azad edilmiş ərazilərimizin minalardan və digər partlayıcı maddələrdən tam təmizlənilməsi prosesi başa çatmayana qədər həmin ərazilərə səfər etməməyi xahiş edir

BAKI, 30 noyabr — Sputnik. Son zamanlar mülki şəxslərin işğaldan azad edilmiş ərazilərimizdə minaya düşərək müxtəlif dərəcəli bədən xəsarətləri almaları, bəzən isə həlak olmaları halları müşahidə edilməkdədir.

Sputnik Azərbaycan Baş Prokurorluğun məlumatına istinadla xəbər verir ki, Prokurorluq vətəndaşlarımıza bir daha müraciət edərək, təhlükəsizliyin təmin edilməsi məqsədi ilə işğaldan azad edilmiş ərazilərimizin minalardan və digər partlayıcı maddələrdən tam təmizlənilməsi prosesi başa çatmayana qədər həmin ərazilərə səfər etməməyi xahiş edir.

0
Teqlər:
Qarabag, Baş Prokurorluq, əhali, çağırış, təhlükə, mina, işğaldan azad edilmiş ərazilər

Topçu Vüsal məsələsində son nöqtə qoyuldu - "Məqsədimiz..."

18
"Az-Granata" MMC-nin PR meneceri: "Bu şəkilin seçilməsində məqsəd Azərbaycan Ordusunun mərdliyini, cəsarətini nümayiş etdirmək idi".

Zülfiyyə Quluyeva, Sputnik Azərbaycan

BAKI, 30 noyabr — Sputnik. Vətən müharibəsinin qəhrəmanlarından olan topçu Vüsal Şahkərimovu məşhurlaşdıran fotonun spirtli içki şüşəsinin üzərinə vurulması sosial şəbəkələrdə birmənalı qarşılanmayıb. İctimaiyyətdə qəhrəman topçunun şəklinin spirtli içki şüşəsində əks olunması geniş narazılığa səbəb olub. Əsgərin atası İslam Şahkərimov bildirib ki, şərab istehsalçılarına şifahi şəkildə razılıq verib: "Bir az əvvəl həmin adamlar yenə mənə zəng etmişdilər. Dedilər ki, Vüsal özü bu məsələyə nə deyir, əsas odur. Mən də belə düşünürəm ki, razılıq verməklə səhv etmişəm. Görürəm ki, camaatdan da xeyli narazılıq var. Elə az əvvəl Vüsalla da danışdım. Dedi ki, fotomun içki şüşəsinin üstünə vurulmasına etiraz edirəm".

"Az-Granata" MMC-nin PR meneceri Ülvi Günəşli Sputnik Azərbaycan-a açıqlamasında bildirib ki, artıq topçu Vüsal Şahkərimovla bağlı məsələ bağlanıb: "Qeyd edim ki, üzərində topçu Vüsal Şahkərimovun şəkli olan spirtli içki istehsala verilməmişdi. Sadəcə olaraq bu barədə məlumat paylaşılmışdı. "Az-Granata" MMC Vüsalın valideyni ilə danışaraq həm şifahi, həmçinin də rəsmi razılığını almışdı. Sadəcə olaraq bu məsələdə ictimaiyyətin fikrini nəzərə aldıq. Həmçinin topçumuz özü də şəklinin spirtli içki şüşəsində olmasına razı olmayıb. Biz də bütün bunları nəzərə alaraq bu məsələni qapatdıq".

Ü.Günəşli iddia edir ki, əslində bu məsələdə şirkətin məqsədi tamamilə başqa olub: "Bizim fikrimiz ictimaiyyətə düzgün çatdırılmadı. Şirkətimiz Vüsalın şəklinin vurulduğu kitabların çapına da sponsorluq etmək niyyətində idi. Bizim qədim tarixi adları daşıyan məhsullarımız var. Həmin məhsullar gələn qonaqlara təqdim edildikdə tariximizlə bağlı məlumatlar da verilir. Bizim üzərində topçu olan spirtli içkini bir dəfə istehsal etmək fikrimiz vardı. Bu şəkilin seçilməsində məqsəd Azərbaycan Ordusunun mərdliyini, cəsarətini nümayiş etdirmək idi".

Qeyd edək ki, əslən Xaçmaz rayonundan olan 19 yaşlı topçu Vüsal Şahkərimov Vətən müharibəsinin minlərlə qəhrəmanından biridir.

18