Bakının mərkəzində insanlar, arxiv şəkli

Bakıdakı ağırlıq aradan qalxa bilər - Çıxış yolu var

477
(Yenilənib 19:48 04.11.2020)
"Bakı şəhərində təxminən 1100-1200 yeni inşa olunan bina var ki, onlardan 1000-ə yaxınında artıq yaşayış var. Bu evlərin də ən azı 60 faizinin çıxarışı yoxdur, yəni vətəndaşlar qeydiyyata düşməyiblər" - Elnur Azadov

Nigar İsgəndərova, Sputnik Azərbaycan

BAKI, 4 noyabr — Sputnik. Bakının Baş Planı ilə bağlı 2040-cı ilə dair proqnozlarda qeyd edilir ki, gələcək illərdə Bakı şəhərinin əhalisi artacaq. Bakı şəhərinin gələcək əhali sayının proqnozunun verilməsi üçün milli və beynəlxalq tendensiyalar nəzərə alınıb.

Lakin artım tempinin nisbətən aşağı olacağı proqnozlaşdırılıb. Bakı şəhərinin 2040-cı ilə olan əhali proqnozunun verilməsi üçün ümumilikdə yeddi fərqli ssenari üzərində təhlil aparılıb. "Müxtəlif riyazi modellər və fərqli hesablama yanaşmalarının tətbiqi ilə aparılmış təhlillərə görə, hesabat dövrü üçün şəhər əhalisinin 2,88 – 3,17 milyon nəfər arasında dəyişəcəyi müəyyən edilib. Bakı şəhərinin Baş Planı çərçivəsində əhali artımı ssenariləri üzrə hesablama nəticələrinin ən yüksək həddi əsas götürülüb və 2040-cı ilə qədər şəhər əhalisinin 3,17 milyon nəfər təşkil edəcəyi qəbul edilib", - deyə Bakı şəhərinin 2040-cı ilə dair Baş Planı ilə bağlı hazırlanan məlumatda bildirilib.

Qeyd edək ki, Dövlət Statistika Komitəsinin məlumatına görə, 2020-ci ilin yanvarın 1-nin göstəricisinə görə, Bakının rəsmi əhalisi 2 mln 230 min nəfər təşkil edib.

"Bakıda ağırlaşmanın, əhalinin say artımının qarşısını almaq üçün nələr etmək olar?" sualına cavab olaraq tikinti üzrə ekspert Elnur Fərzəliyev Sputnik Azərbaycan-a açıqlamasında bildirib ki, bu gün cəbhədə gedən gərgin döyüşlər və nəticə etibarı ilə 30 il öncə işğal olunan torpaqların geri alınması Bakıda əhali artımının azalmasına səbəb olacaq:

"İşğaldan azad olunan və olunacaq ərazilərdə müəyyən işlərin görülməsi bir qədər zaman alacaq, amma təbii ki, həmin ərazilərdə yaşayışın təmin olunmasının Bakıya təsiri böyük olacaq. Bundan başqa, qeyd edim ki, rayonlarla yanaşı, Bakıda qaçqın və məcburi köçkünlərə dövlət tərəfindən verilən evlərin onlardan geri alınması şəhərdə yaşayan evsiz ailələrin də evlə bağlı probleminin həllinə təkan verəcək".

Ekspert bildirir ki, Bakıda sıxlığı azaltmaq üçün bölgələrdə, xüsusən də iri şəhərlərdə yeni iş yerləri yaradılmalıdır: "Belə olarsa, insanlar iş üçün yalnız Bakıya qaçmayacaqlar. Bundan başqa, həmin ərazilərdə də ev məsələsi problem olmamalıdır. Bakı ilə yanaşı, digər ərazilərdə də tikinti aparılmalıdır".

Azərbaycan Rieltorlar Assosiasiyasının icraçı direktoru Elnur Azadov isə Sputnik Azərbaycan-a açıqlanan rəqəmlərlə razı olmadığını bildirib: "Bakı şəhərində rəsmi olaraq yaşayan əhali ilə qeyri-rəsmi olaraq Bakıda yaşayanlar arasında böyük fərq var. Çünki Bakı şəhərinin rəsmi əhalisi ilə qeyri-rəsmi əhalisi arasında milyondan çox fərq var. Hazırda Bakı şəhərində təxminən 1100-1200 yeni inşa olunan bina var ki, onlardan 1000-ə yaxınında artıq yaşayış var. Bu evlərin də ən azı 60 faizinin çıxarışı yoxdur, yəni vətəndaşlar qeydiyyata düşməyiblər. Bununla yanaşı, qeyri-qanuni tikililər də var ki, orada yaşayanların da qeydiyyatı hansısa rayonlardadır. Bu səbəbdən əminliklə demək olar ki, hazırda Bakıda 1 milyondan çox əhalinin qeydiyyatı yoxdur".

"Yaxın günlərdə qanunsuz tikililərlə bağlı olaraq da sənədləşmə prosesi gedəcək və dövlət artıq bu işin üstünə düşüb. Ötən ilin fevralından binaların sadələşdirilmiş şəkildə istismara qəbul olunması ilə bağlı Prezidentin fərmanı var. Bu fərman hazırda da icra olunmaqdadır. Bu səbəbdən bir çox binalar çıxarışla təmin olunacaq və rəsmi statistika artacaq", - deyə ekspert əlavə edib.

E.Azadov vurğulayır ki, işğaldan azad olunan və azad olunacaq rayonlarda 30 il öncə 800 mindən çox əhali yaşayıb: "Bu əhalinin də bir çox hissəsinin həmin ərazilərə köçürülməsi məsələsi də var. Bunun da təsiri olacaq".

Ekspert açıqlanan rəqəmlərin dərindən təhlil olunmasına zərurət olduğunu bildirib.

477
Teqlər:
qayıdış, işğaldan azad etmə, mənzil, məcburi köçkünlər, sıxlıq, əhali, Bakı
Əlaqədar
İyirmi yeddi il son ümidini sandıqda qoruyan köçkün: Daha dövlətə yük olmaq istəmirik
Yasamal və Xətaidə mənzillərə "kupça" veriləcək
Hər kəsin ürəyi orada döyünür: "Böyük Qayıdış" nə zaman başlanır?
Ekspert: “Yeni təhsil ili kirayə mənzil bazarında aktivlik yaratmayıb”
Ermənistan dağıdır, Azərbaycan hökuməti qurur: "Bizim böyük qayıdış planımız var"
Məktəbdə dərs, arxiv şəkli

İnklüziv təhsillə bağlı qanun təkmilləşdiriləcək

1
Bu məsələ Azərbaycan Respublikası Prezidentinin 2020-ci il 27 noyabr tarixli Sərəncamı ilə təsdiq edilmiş "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əks olunub.

 

BAKI, 28 noyabr — Sputnik. 2021–2022-ci illərdə uşaqların təhsilə çıxışında bərabərliyin təmin olunması məqsədilə inklüziv təhsilə dair mövcud normativ hüquqi bazanın təkmilləşdirilməsi ilə bağlı təkliflər hazırlanacaq.

Sputnik Azərbaycan-ın məlumatına görə, bu, Azərbaycan Respublikası Prezidentinin 2020-ci il 27 noyabr tarixli Sərəncamı ilə təsdiq edilmiş "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əks olunub.

1
Şəhidin dəfni, arxiv şəkli

Şəhid ailələri müharibə əlilləri ilə bağlı tədbirlər planı hazırlandı

12
(Yenilənib 15:12 28.11.2020)
Əmək və Əhalinin Sosial Müdafiəsi Nazirliyinin İctimaiyyətlə əlaqələr və kommunikasiya şöbəsindən məlumat verilib ki, həmin tədbirlər çərçivəsində onların məşğulluq imkanlarının da artırılması təmin olunacaq.

BAKI, 28 noyabr — Sputnik. Şəhid ailələri və müharibə əlillərinin məşğulluq imkanlarının artırılması üçün tədbirlər planı hazırlanıb. Bu barədə Sputnik Azərbaycan-a Əmək və Əhalinin Sosial Müdafiəsi Nazirliyinin İctimaiyyətlə əlaqələr və kommunikasiya şöbəsindən məlumat verilib. Bildirilir ki, Plan işğaldan azad edilmiş ərazilərin, döyüş zonasına yaxın olmuş bölgələrin sakinlərini, erməni terrorundan zərər çəkmiş şəxsləri də əhatə edir.

Prezident İlham Əliyevin tapşırığına uyğun olaraq, Əmək və Əhalinin Sosial Müdafiəsi Nazirliyi möhtəşəm Qələbəmizlə başa çatan Vətən müharibəsində şəhid olan qəhrəmanlarımızın ailələrini, müharibə əlilləri və digər iştirakçılarını geniş sosial dəstək tədbirləri ilə əhatə edəcək. Həmin tədbirlər çərçivəsində onların məşğulluq imkanlarının da artırılması təmin olunacaq. Bu məqsədlə Tədbirlər Planı hazırlanıb.

Plan işğaldan azad edilmiş ərazilərin, döyüş zonasına yaxın olmuş bölgələrin sakinlərini, erməni terrorundan zərər çəkmiş şəxsləri də əhatə edir.

Tədbirlər Planında nəzərdə tutulur:

Şəhid ailələri, müharibə əlilləri və iştirakçılarının özünüməşğulluq proqramına qısa zamanda növbədənkənar cəlb edilməsi, onların istehsal-xidmət və kənd təsərrüfatı sahələri üzrə mal və materiallarla, avadanlıqlarla təmin edilməklə kiçik bizneslərinin yaradılması;

Döyüş zonasına yaxın olmuş bölgələrdə özünüməşğulluq proqramına cəlb olunan şəxslər üzrə kvotanın artırılması, proqram üzrə mal və materiallarla, avadanlıqlarla təminat işlərinin genişləndirilməsi;

Erməni terroru nəticəsində kiçik müəssisə və ailə təsərrüfatlarına ziyan dəymiş vətəndaşlara özünüməşğulluq proqramı çərçivəsində dəstəyin göstərilməsi;

Sosial iş yerlərində əməkhaqqının birgə maliyyələşdirilməsi proqramına şəhid ailələrinin, müharibə əlillərinin və iştirakçılarının növbədənkənar cəlb edilməsi, döyüş zonasına yaxın olmuş bölgələrdə bu proqram üzrə kvotaların artırılması;

Həssas qruplardan olanlar üçün nəzərdə tutulan kvotadan başqa, əlavə olaraq şəhid ailəsi üzvləri və müharibə əlilləri üçün iş yerləri yaradan işəgötürənlər üçün həmin iş yerləri üzrə əməkhaqqının 100%-dək maliyyələşdirilməsi layihəsinin hazırlanması və icrası və s.

12
Teqlər:
Ali Baş Komandan cənab İlham Əliyev, Azərbaycan prezidenti İlham Əliyev, İlham Əliyev, plan, şəhid ailələri, Əmək və Əhalinin Sosial Müdafiəsi Nazirliyi