“Bir ölər, min dirilərik” - hərbçi körpəsinə Mübariz İbrahimovun adını qoydu

47
(Yenilənib 12:32 04.11.2020)
"Bu gün həm də ona görə özümü xoşbəxt sayıram ki, mən də Vətənə, dövlətə əsgər verdim" - Xəyal Məmmədov

İlham Mustafa, Sputnik Azərbaycan

BAKI, 4 noyabr — Sputnik. Torpaqlarımızın azadlığı uğrunda döyüşən igid oğullarımızdan birinin qələbə sevincinə daha bir sevinc qatılıb. Hərbçimiz bu günlərdə ata olduğu xəbərini alıb. Aprel döyüşləri qazisi, II Qarabağ müharibəsi könüllüsü, Qusar rayon sakini olan Xəyal Məmmədov oğul atası olub. Sputnik Azərbaycan-ın məlumatına görə, Tovuz rayon xəstəxanasında göz açan körpəyə atası milli qəhrəman Mübariz İbrahimovun adını verib, onun da gələcəkdə hərbçi kimi görmək istədiyini söyləyib.

  • Qusar rayon sakini olan Xəyal Məmmədov yeni dünyaya gələn övladına Mübariz İbrahimovun adını qoyub
    © Sputnik / Ilham Mustafa
  • Qusar rayon sakini olan Xəyal Məmmədov yeni dünyaya gələn övladına Mübariz İbrahimovun adını qoyub
    © Sputnik / Ilham Mustafa
  • Qusar rayon sakini olan Xəyal Məmmədov yeni dünyaya gələn övladına Mübariz İbrahimovun adını qoyub
    © Sputnik / Ilham Mustafa
  • Qusar rayon sakini olan Xəyal Məmmədov yeni dünyaya gələn övladına Mübariz İbrahimovun adını qoyub
    © Sputnik / Ilham Mustafa
  • Qusar rayon sakini olan Xəyal Məmmədov yeni dünyaya gələn övladına Mübariz İbrahimovun adını qoyub
    © Sputnik / Ilham Mustafa
  • Qusar rayon sakini olan Xəyal Məmmədov yeni dünyaya gələn övladına Mübariz İbrahimovun adını qoyub
    © Sputnik / Ilham Mustafa
  • Qusar rayon sakini olan Xəyal Məmmədov yeni dünyaya gələn övladına Mübariz İbrahimovun adını qoyub
    © Sputnik / Ilham Mustafa
1 / 7
© Sputnik / Ilham Mustafa
Qusar rayon sakini olan Xəyal Məmmədov yeni dünyaya gələn övladına Mübariz İbrahimovun adını qoyub

"Qoy bütün ermənilər, ermənipərəstlər eşitsinlər ki, Azərbaycanda Mübarizlər bir dəfə öləndə min dəfə dünyaya gəlirlər. Bu gün həm də ona görə özümü xoşbəxt sayıram ki, mən də Vətənə, dövlətə əsgər verdim", - Xəyal Məmmədov deyib.

Xəyal Vətən uğrunda Aprel döyüşlərində qəhrəmanlıqlar göstərib. Hazırda da Vətənin ərazi bütövlüyü uğrunda gedən döyüşlərə könüllü qatılıb. O, Qarabağa gedən yolun 12 iyul Tovuz döyüşləri ilə başladığını hesab etdiyindən övladının da Tovuzda dünyaya gəlməsini istəyib.

47
Teqlər:
Mübariz İbrahimov, qazi, aprel döyüşləri, hərbçi, Qarabağ, Azərbaycan
Əlaqədar
Məcburi köçkünlər torpaq uğrunda döyüşən əsgərlərə kamuflyaj hazırlayırlar - REPORTAJ
Azərbaycan pravoslavları hərbçilərimizə sovqat göndərdilər
İsmayıllıda qəhrəman yolu gözləyən Bağdagül xanım: "Sizin iki ananız var - Vətən və mən"
Ermənistan hərbi əməliyyatlar zamanı uşaqlara qarşı ağlasığmaz cinayətlərə əl atıb
Sağ qalmaq istəyirsizsə, silahı yerə qoyub təslim olun - MN-dən erməni hərbçilərə çağırış

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

16
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

16
Məktəbdə dərs prosesi, arxiv şəkli

Ümumi təhsil pilləsi nələri əhatə edəcək?

8
(Yenilənib 23:41 25.11.2020)
Ümumi təhsil pilləsi məktəbəhazırlıq mərhələsini, ibtidai, ümumi orta və tam orta təhsil səviyyələrini əhatə edəcək.

BAKI, 25 noyabr — Sputnik. Azərbaycan Respublikasında ümumi təhsil pilləsi məktəbəhazırlıq mərhələsini, ibtidai, ümumi orta və tam orta təhsil səviyyələrini əhatə edəcək.

Sputnik Azərbaycan-ın məlumatına görə, bu, Prezident İlham Əliyev tərəfindən bu gün təsdiqlənən "Təhsil haqqında" qanuna dəyişiklik edilməsi barədə qanunda əksini tapıb.

Qanuna əsasən, Ümumtəhsil məktəbi ibtidai, ümumi orta və tam orta məktəb formasında ayrı-ayrılıqda da təşkil oluna bilər.

Həmçinin, qanunda göstərilib ki, İbtidai təhsilin məqsədi təhsilalanlara oxu, yazı və hesablama bacarıqları, vətənpərvərlik və Azərbaycan xalqının dəyərlərinə, dövlət rəmzlərinə hörmət hissi aşılamaq, onlarda insan, cəmiyyət və təbiət haqqında ilkin biliklər, şəxsiyyətin formalaşdırılmasına yönəlmiş həyati bacarıqlar, sadə əmək vərdişləri, məntiqi təfəkkür elementləri, bədii-estetik keyfiyyətlər və digər xüsusiyyətlər formalaşdırmaqdan ibarətdir.

Eyni zamanda ümumi orta təhsilin məqsədi təhsilalanlarda nitq, yazı və ünsiyyət mədəniyyətinin, sağlam həyat tərzinin formalaşdırılmasını, onların dövlətə və dövlətçiliyə, Azərbaycan xalqının dəyərlərinə və ümumbəşəri dəyərlərə sədaqət ruhunda tərbiyə olunmasını, insan hüquq və azadlıqlarına hörmətlə yanaşmasını, idrak fəallığının və məntiqi təfəkkürünün inkişafını, müvafiq təhsil proqramı üzrə əldə etdiyi bilikləri tətbiq etmək, müasir informasiya-kommunikasiya texnologiyalarından istifadə etmək, cəmiyyətdə baş verən hadisələri dəyərləndirmək, öz gələcək həyat yolunu və fəaliyyət istiqamətlərini müəyyənləşdirmək, müstəqil öyrənmə və qərar qəbuletmə bacarığını, peşə seçiminə və əmək fəaliyyətinə hazırlığını təmin etməkdən ibarətdir.

8