Limanda dayanacaqda avtomobillər, arxiv şəkli

Qonşudan dala qalmayaq - Həm yenilikdir, həm təhlükəsizlik

241
(Yenilənib 09:57 04.11.2020)
Avtomobilin qeydiyyat məlumatlarının kağız üzərində saxlanılmasının nə dərəcədə etibarlı olduğunu deyə bilmərik.

İradə Cəlilova, Sputnik Azərbaycan

BAKI, 4 noyabr — Sputnik. Noyabrın 1-dən Rusiyada bütün texniki avadanlıqlara elektron qeydiyyat şəhadətnamələrinin (texniki pasportların) verilməsinə keçilib.

Bununla yanaşı, texniki pasportların ənənəvi forması da istifadədə olacaq. Yəni, avtomobil sahibləri sənədi elektron şəklinə dəyişdirib-dəyişdirməməyə özləri qərar verəcəklər.

Qeyd edək ki, Rusiyada istehsal olunan yeni avtomobillər və idxal olunan avtomobillər üçün yalnız elektron texniki pasport veriləcək.

Avtomobillərə elektron pasportların verilməsi qeydiyyat prosedurlarını asanlaşdırmaqla yanaşı, nəqliyyat vasitələrinin qanunsuz alqı-satqısını da azaldacaq.

Azərbaycanda isə bu günə qədər sığorta şəhadətnamələri, texniki baxış talonları elektronlaşdırılıb.

Sürücülük vəsiqəsi və avtomobillərin qeydiyyat şəhadətnamələrinin elektronlaşdırılması məsələsi ilə hələ gündəmdə deyil.

Nəqliyyat məsələləri üzrə ekspert Eldəniz Cəfər Sputnik Azərbaycan-a açıqlamasında bildirib ki, Azərbaycanda avtomobillərə elektron qeydiyyat şəhadətnaməsi verilməsi məsələsinə baxılmalıdır. Çünki, elektron qeydiyyat şəhadətnaməsi vətəndaşlara öz avtomobillərini onlayn qaydada satmağa imkan verəcək.

Ekspertin sözlərinə görə, elektron pasportlar kağızdan fərqli olaraq, daha çox məlumat daşıya bilir. Burda avtomobildə edilən dəyişikliklər, servis xidmətləri də qeyd edilə bilər.

Onun fikrincə, Azərbaycanda avtomobillərə elektron qeydiyyat şəhadətnaməsinin verilməsi alqı-satqı zamanı baş verə biləcək qanunsuzluqların qarşısını ala biləcək.

Digər ekspert Elməddin Muradlı Sputnik Azərbaycan-a açıqlamasında bildirib ki, sənədlərin elektronlaşdırılması dünyada bir təcrübəyə çevrilib. Sürücülük vəsiqələri və digər sənədlər elektron qaydada verilir.

Onun sözlərinə görə, Azərbaycanda da belə təcrübə var. Belə ki, artıq sığorta şəhadətnaməsi elektron qaydada verilir. Texniki baxış talonu və etibarnamə də elektron qaydadadır.

E.Muradlı bildirib ki, elektron qeydiyyat şəhadətnaməsinin və sürücülük vəsiqəsinin də gələcəkdə elektronlaşdırılması gözlənilir: "Avtomobilin qeydiyyat məlumatlarının kağız üzərində saxlanılmasının nə dərəcədə etibarlı olduğunu deyə bilmərik. Amma inkişaf tempi baxımından bu məlumatların elektron şəkildə saxlanılması daha məqsədə uyğundur".

241
PPX avtomobili, arxiv şəkli

Bakı sakini küçədə qətlə yetirilib

19
Hazırda prokurorluq və polis əməkdaşları tərəfindən cinayəti törətmiş şəxs və ya şəxslərin müəyyən edilərək tutulub istintaqa cəlb edilməsi istiqamətində intensiv və zəruri istintaq hərəkətləri və əməliyyat-axtarış tədbirləri davam etdirilir.

BAKI, 27 noyabr — Sputnik. Noyabrın 25-də saat 21 radələrində Xətai rayonu ərazisində İntizam İsmayılovun aldığı bədən xəsarətləri nəticəsində xəstəxanada ölməsi barədə Xətai rayon prokurorluğuna məlumat daxil olub.

Sputnik Azərbaycan Baş Prokurorluğun məlumatına istinadla xəbər verir ki, dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Faktla bağlı Xətai rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanmış, müvafiq ekspertizalar təyin edilib.

İstintaqla hadisənin zərərçəkmişin yaşadığı evin yaxınlığında naməlum şəxs və ya şəxslər tərəfindən aralarında yaranmış münaqişə zamanı törədilməsinə əsaslı şübhələr müəyyən edilib.

Hazırda prokurorluq və polis əməkdaşları tərəfindən cinayəti törətmiş şəxs və ya şəxslərin müəyyən edilərək tutulub istintaqa cəlb edilməsi istiqamətində intensiv və zəruri istintaq hərəkətləri və əməliyyat-axtarış tədbirləri davam etdirilir.

19
Teqlər:
cinayət, istintaq, Bakı, qətl, Xətai rayonu, Xətai

Azərbaycanda koronavirusa yoluxan icra başçısı vəfat edib

69
(Yenilənib 00:04 27.11.2020)
Vahid Tağıyev bir müddət öncə yeni növ koronavirus infeksiyasına yoluxmuşdu və bununla bağlı müalicə alırdı.

BAKI, 26 noyabr - Sputnik. Ağsu Rayon İcra Hakimiyyətinin başçısı Vahid Tağıyev bu gün dünyasını dəyişib.

Sputnik Azərbaycan Report-a istinadla xəbər verir ki, Vahid Tağıyev bir müddət öncə yeni növ koronavirus infeksiyasına yoluxmuşdu və bununla bağlı müalicə alırdı.

Qeyd edək ki, Vahid Tağıyev ötən il Prezident İlham Əliyevin imzaladığı sərəncamla Ağsu Rayon İcra Hakimiyyətinin başçısı təyin edilib.

69
Teqlər:
Koronavirus, epidemiya, COVID-19, icra başçısı, Ağsu rayonu, Ağsu